شرايج باللي يجيبون عيالهم كلهم على العرس

السلام عليكم بنات شحالكم ان شاء الله طيبين
حبيت يشاركوني الخوات اللي عندهم خبرة انا عرس اخوي قريب وبغيت اعرف شلون نلزم الامهات بعدم اصطحاب الاطفال للاعراس
بصراحة يسوون مشاغبة وفوضى بشكل مب طبيعي وهالشي شفته بالخطوبة وماحابه اني اكتب العبارات التقليدية اللي بالبطايق وهي نتمنى نوما هنيا للاطفال او
جنة الاطفال منازلهم والخ
وبالاأخير نص المعازيم جايبين عيالهم ويحرجون اهل المعاريس يعني احس مالها فايدة هالعبارة ولا اقدر او قف بالعصا اقولهم لاحد يدخل عياله
طيب انا مب عارفة الاطفال وش لهم بالسهر اخر الليل وعوار الراس ليش مايحترمون رغبة أصحاب العرس وياريت اللي تجيب عيالها منهم تعلمهم انهم مايسوون فوضى الا يسوون عرس ثاني بروحهم الصراحة مااعرف شلون اقدر اسيطر عليهم في حالة وقعت الفاس بالراس ووصار في وفود من الجهال اللي يتجمعون عند الكوشة يمه شنو الحل
اذا الامهات خبر خير مايمسكونهم
شنو رايكم بالموضوع للي جربوا
ملاحظة
انا اقصد الاطفال من عمر سنتين لحد خمس سنين

24 تعليق 2,126 مشاهدة

شاركي في النقاش

سجلي الدخول لإضافة تعليق.

التعليقات

24
  1. اتفقو مع العاملين في القاعه انو ما يدخلوهم واعطوه عليها اجر وانو ما يدخل اطفال وازا دخل اطفال وروه شغلو ومن الافضل انه تعملو الفرح ببطاقات عشان يدخلو بالبطاقات اعداد محدوده مو من هب ودب

    هادا فرح مو ملاهي والله قله حيا ما عندهم احترام لاحد عنك لا جيتي الفرح ازا ما عندك احد يمسك عيالك

    اسفه
    اتمنى اكون افدتك
  2. @shykh_alklalyf

    ترا المشكلة مثل ما قلتي

    اييون هم بعيالهم و فشلة انج ما تخلينهم يدخلون..

    انا بالنسبة لي خلهم اييون و الامهات هم الملزومين فيهم يقعدونهم مكان واحد
  3. @bnt_dar_zayed

    والله انه اليهااال مشكلة ..

    حبيبتي حطوا مع بطاقة العرس بطاقتين دخول.. يعني كل حرمة تدخل اب بطاقتها .. مب اتييب معاها نص جيرانها وعيالهم ..

    هذا الي سويناه في عرس اختي وحطينا سيكيوريتي عند الباب .. كل وحده تدخل اب بطاقتها .. يمكن دخلنا كم ياهل لانه صدق نحرجنا مع اهلهم .. بسباقي اليهال مادخلوا رجعوا البيت ..

    حبيبتي سووا هالحركة لانه الصراااحة يوم العرس يكون كله يهاال صدق يخترب ..

تابعي تجارب أخرى من هذا القسم.