استفسار قبل ما اصير تاجرة .حبيت اشاوركم يا بنات المملكة عشان ما اتوهق بعدين خخ

السلااااااااااااام عليكم


اشحالكم بنات المملكة وعلووومكم؟؟ بغيت اشاوركم قبل ما اتوهق خخخخ .. انا من الامارات وتاجرة هناك
وابغي اصير تاجرة اهني في منتداكم وابيع بضاعتي

واكيد بتكون طريقة الدفع بحكم اني في الامارات دفع مقدم في حسابي البنكي .. لكن اخاف لان بعض البنات مايحبون هذي الطريقة .. يمكن ما احصل زباين واكون خسرت مبلغ اللي دفعته عشان اصير تاجرة

فكرت اني اختار مندوبة اطرش لها بضاعتي بالجملة وتكون من المنتدى .. بس المشكلة بضاعتي هي عبارة عن عدسات ملونه طبية بنظر .. عندي معظم الارقام للعيون بس ماعرف كل وحدة كم رقم عيونها ومابا اطرش ارقام عشوائية للمندوبة يمكن ما تبيع منهم شي!!..

في عدسات تجميلية وفي طبية بس احب ابيع الاثنين مع بعض خصوصا عدسات الطبية كون ان عليها طلب اكثر ..

هل بحصل زباين بطريقة الدفع المقدم خواتي؟ اتمنى تفيدوني ..عشان ما اسجل بالعضوية التجارية وبعدها يخيب ظني وماشوف غير قلة من الزباين .او ماشي زباين حتى!

شفت وايد مواضيع تجارية طريقة الدفع مقدم بس مادري هل في زباين ولا ؟؟

انتظر اراءكم ومقترحاتكم ..

24 تعليق 3,792 مشاهدة

شاركي في النقاش

سجلي الدخول لإضافة تعليق.

التعليقات

24
  1. @missglamorous

    في المنتدى هنا دائما نتبع طريقة الدفع المقدم
    والنجاح وعدمه هذا بالتوفيق من عند الله سبحانه وتعالى
    يعني الرزق بيد الله
    وحسب البضاعه والسعر ان شاء الله الله يوفقك
    اهم شئ استخيري وتوكلي على الله
    وان شاء الله بيكتبلك اللي فيه الخير


    تحياتي لك
  2. @am_aadnan_6

    بالعكس التحويل البنكي يضمن حقك وحقها
    وممكن يكون لك مندوبه بس لبضاعه غير العدسات
    العدسات خليها من عندك مباشره
    وموفقه يارب وانصحك كمان ببيع الملابس التركيه او اي صناعه غير الكوريه والصيينيه لان كلهم مقاساتهم صغيره
    وحلو لو تركزي ع الدبدوبات من مقاس 16-26 اغلب الناس من 9-14 !!! وحتى اللي رشيقه تبي تلبس لبس واسع شوي مو ضيق والله يفتح لك ابواب رزقه ان شاء الله وين ماكنتي
  3. @saya

    صاحبة الموضوع
    MissGlamorous
    في المنتدى هنا دائما نتبع طريقة الدفع المقدم والنجاح وعدمه هذا بالتوفيق من عند الله سبحانه وتعالى يعني الرزق بيد الله وحسب البضاعه والسعر ان شاء الله الله يوفقك اهم شئ استخيري وتوكلي على الله وان شاء الله بيكتبلك اللي فيه الخير تح…
    والنعم بالله
    جزاج الله خير اختي
    والله يوفق الجميع يارب
    شكرا للمرور والرد

    بالنتظاركم بنات بغي اشوف اراء اكثر

تابعي تجارب أخرى من هذا القسم.