ياقمورات .. ادخلوا وأفيدونا جزاكم الله خير ..

اليوم دخلت أختي المستشفى وهي مخلصة التاسع من اسبوع

وقالوا لها مفتوح الرحم فقط 1 سم لاغير

ولازم تنومي الليلة عشان نعمل لك محرضات ولادة وطلق صناعي وغيره

وخرجت على مسؤليتها وهي خايفة ماتبغى اللعب فيهاطوال الليل بالمستشفى

المهم قالوا لها لو ماتنومت الليلة راح يصير التالي :

1- وفاة للجنين بكرة لانه آخر يوم مسموح لك بالاحتفاظ بالجنين
2- إعاقة لاقدر الله بسبب نقص الاكسجين لانه اانتهى الوقت اللي ممكن فيه المشيمة تغذي الجنين وتمده بالكسجيبن

فجالسة معها طوال الليل وودي ينفتح معها الرحم وعطيتها التالي :
1- قرفة وزنجبيل
2- - حليب بالحلبة
3- زيت سمسم وزيت زيتون

فاللي تعرف شي يفتح الرحم ومضمون وبقوة ياعزيزاتي لاتبخل علينا

عسى الله يفرج كربكم ويسلم لكم عيالكم

12 تعليق 1,038 مشاهدة

شاركي في النقاش

سجلي الدخول لإضافة تعليق.

التعليقات

12
  1. @lady_needs

    يا إختي اللـه يهـديكـم
    قالـوا لـها كـل هالكـلام وخليتـوهـا تطـلع
    مـن المستشفى خليـه يعطـوهـا طـلق صناعي
    وش المشكـله والولاده تساهـيل من اللـه
    يمكن يعطونهـا الطلق الصناعي وماتطول
    وتولد على طـول ودوهـا المستشفى
    وش الأفضل يعطونها طلق صناعي
    ولا يموت الجنين لا سمـح اللـــه
    خليها تتوكل على اللـه
    وتآخـذ طلق صناعي
    ولا تفقد الجنين واللـه يسهـلها ياررب
  2. اللي اعرفه ان اصلا الحامل من تدخل التاسع يكون الرحم مفتوح واحد سم
    والمشيمه من تدخل التاسع تكون كل يوم تقل طاقتها عن اليوم اللي قبله
    يعني خلاص عمر المشيمه انتهى وما يقدر يوفر الغذاء الكافي للجنين
    عشان كذا المستشفى قالو لكم احتمال الجنين يموت

    بس كل شي بيد الله
    امي تقول ان حملين لها ما ولدت الا بعد ما خلصت الشهر العاشر لانها تخاف من المستشفيات فتكذب عليهم اذا جا وقت الولاده وتنقص نفسها شهر
    والحمدلله هذانا عايشين

    بس المفروض الواحد ما يهمل نفسه ويعمل بالاسباب
    ودام المستشفى قالو لها لازم طلق صناعي فالمفروض انها اخذت من عندهم الطلق الصناعي خاصة اذا كانت رايحه لمستشفى حكومي
    لان الحكومي وش مصلحتهم يكذبون عليها لو ما فيه خطر على الجنين كان كرشوها وقالو لها لا تجيننا الا وانتي بتولدين

    وطبعا قبل كل شي خلوها تتأكد من حسابها لحملها يمكن تكون غلطانه بالحساب
  3. ايه صح خليها تجلس على الارض تتربع
    لا تتسدح او تجلس على كرسي
    لاني سمعت ان جلوس الارض فترة الطلق يسرع الولاده

    اتذكر وحده هنا بالمنتدى او بمنتدى ثاني كانت كاتبة قصة ولادتها
    تقول انها تعبت بالمستشفى وهي تنتظر والرحم مو راضي يتوسع
    فدخلت عليها ممرضه وشافتها طولت وهي تنتظر فمسكت ايدها وقومتها من السرير بالغصب وخلتها تجلس على الارض متربعه
    وتقول ما جلست ساعه وحده الا والرحم خلاص انفتح عشره سم

    واذا ما كنتي تعرفين وش معني تتربع يعني اممممم مو عارفه كيف اشرحها
    يعني زي ما حنا يالسعوديين نجلس لما نجي نجلس على الارض ^_^

    الله يسهل عليها يارب ويفرج كربتها
  4. @am_alaaon

    صاحبة الموضوع
    الله يسلمكم ماقصرتوا

    يعني أبد مافي فواتح رحم طبيعية نعتمد عليها الليلة لبكرة

    أعرف منكم ماشاء الله اللي كانوا يستخدمون أعشاب وتفتح الرحم والله استنجدت بكم عشان تذكروني بهذي الخلطات الطبيعية

    أتمنى الرد من اللي لها باع في هذي الأشياء خواتي
  5. @am_alaaon

    صاحبة الموضوع
    رفع للاستفاااادة

    بعدها ماراحت عندها أمل ينفتح الرحم بالمشي

    وبمشورتكم بعد الله

تابعي تجارب أخرى من هذا القسم.