الله يجزاها الجنه اللي تساعدني....

ياقلبي النبض اللي تحسين فيه هو نبضك انتي مو نبض البيبي

توووو بيبيك صغر قطعت يبيله اجهزه عشان يبان حتى السماعة حقت الدكتوره ماتطلع نبضه

اما حساب دورتك

اخر دوره لك كانت في
7 / 1 / 1432 هـ
13 / 12 / 2010 م

اول شيء طريقة حساب شهر الولادة ... وهي انك ترجعين ورى 3 شهور من اخر شهر نزلت فيه دورتك يعني تحذفين شهر دورتك وشهرين قبلها والشهر الرابعه هو شهر الولادة
7 / 1
7 / 12
7 / 11

7 / 10 <<<< شهر الولادة 10 شوال

طريقة حساب يوم الولادة...
زيدي 14 على اول يوم نزلت فيه الدوره اللي هو 7
14 + 7 = 21 <<< يوم الولادة ........ والعلم عند الله

يعني ولادتك راح تكون في
21 / 10 / 1432 هـ

19 / 9 / 2011 م

والعلم الاكيد عند الله ... شوفي ياقلبي هذي طريقة الحساب الصحيحه لاني تعلمتها من المنتديات وطلعت بضبط نفس الناتج اللي عطتني دكتورتي ودكتوره ثانيه برضوا لكن الدكتوره الثاني قدمت يوم واحد فقط
وقالت لي تراه مو اكييييييييييد انك راح تولدين بهالتاريخ فالعلم الاول والاخير عند الله لا حساب الدوره ولا حساب السونار راح يصدق غيره سبحانه لاتتعلقين بطرق الحساب ولا بالسونار
لانه لايعلم بتدبير الارحام الا هو عزوجل خالقها
بس الاكيد انه يمكن تولدين قبل هالتاريخ بكم يوم او بعد هالتاريخ بكم يوم
يعني يمكن تولدين قبل هالتاريخ ب4 ايام او 5 ايام او بعده برضوا بهالايام

يعني شوفي حنا نسوي هنا اجتهاد فقط عشان تجهزين حالك قبل هالتاريخ نفسيا ومعنويا وماديا واجتماعيا وكل شيء تكونين مجهزته

وبعد بهالطريقة تعرفين متى تطلعين من شهر وتدخلين شهر ثاني
يعني بالهجري 21 يوم تطلعين من شهر وتدخلين بالشهر اللي بعده وتعرفين كم اسبوع انتي فيه


وهذا موقع يحسب لك متى موعد ولادتك بالميلادي
http://arabia.babycenter.com/tools/duedate/?intcmp=tnav_preg_duedatecalc
لاحظي نفس الناتج اللي طلع معي
نتائج احتساب موعد الولادة


إن موعد ولادتك المتوّقع هو
19 / 9 / 2011 م






أنتِ حامل في الأسبوع 7

وللعلم طبعا اول حملك راح يكون كيس مو على طول جنين بعدين يتكون لك اعضاء كل شهر الين يصير لك جينين كامل لاتخلين الشيطان يوسوس فيك

انا قالت لي الدكتوره اول شهر لي ايوه فيه كيس ماقالت فيه جنين وعادي انا لاني عارفه انه توه ببداياته قطعة لحمه
الحين الحمدلله بعد ماصار لي 5 شهور شفته جنين كامل يارب لك الحمد وللعلم تراه اول حمل لي
وجلست 3 شهور ماسويت سونار ولا سويت كشف متى سويت سونار وشفته يوم دخلت الخامس بس والحمدلله الله عزوجل خلاني اصبر وتمسك عشان مايصير فيني زي مايصير ببعض البنات من الوساوس

ادعي الله لجنينك انه يحفظه لك ويحميه لك
دايم قولي
اللهم اني استودعتك جنيني فرده لي بعد 9 اشهور سليم معافى خالي من كل عيب ومن كل سوء صحيح البدن والعقل طفل صالح بار فلا تحرميني يارب العالمين آمين

وحطي يدك على بطنك وقولي 3 مرات
استودعتك الله التي لاتضيع ودائعه

وياجامع الناس في يوماً لا ريب فيه اجمعني بجنيني بعد 9 اشهر بصحه وسلامه لكلينا...

شكراااااا لكم احس ريحتوني كثير بس حوستي بالمنتديات خلتني اوسوس من كثر مايقولون اللي فيها تكيس تجهض

بائعة المسك شكرا حبيبتي كلامك ريحني كثيرررررررررررررر

الله يتمم حملي على خير ان شاءالله قلبي احس تعلق بالحمل كثيرررررررررررر

باذن الله 21-10

لااله الا انت سبحانك انتي كنت من الظالمين