تجمع الموقنات برحمة الله(خبرات متبادلة حول مراكز العقم في مصر)الجزء 20

ازيكم يا بنات كويس انكم بخير ... بالنسبة للوضع الحالى اللى احنا فيه ... ربنا يستر ... انا نفسى اقول للناس اللى متجمعين فى التحرير واللى متجمعين فى ميدان المنشية وغيره ... كفاية كده روحوا بقى ... مبارك حيقعد 6 شهور كمان .. 200 يوم يعنى

يقعد ولازم يقعد لأسباب تشريعية ... لو مشى مين حيدى الامر بتعديل المواد 76 و77 و88 من الدستور ... مين اللى حيتابع الوضع الحالى لحد ما يجى ميعاد الانتخابات القادمه ؟؟ بالاضافة الى اننا مش بناخد اوامر من امريكا ولا من الاتحاد الاوربى
بأى صفة يأمروه يتنحى ...

ربنا يستر ... اسرائيل حطى عينها على سيناء ... قال ايه ؟؟ عاوزة تأمن نفسها ... فوقوا بقى مصر حضيع والجيش ملهى فى قلب البلد والحدود مش محمية بقوة كفاية

ربنا يكرمك يا بندقة

انا يا حبيبتى مش اقصد انكوا مش حاسين بينا انا اقصد انكوا مش شايفين ولا عارفين اللى يسمع غير اللى يشوف عارفة يعنى اية تبقى قاعدة فى بيتك ويهجموا عليكى علشان ينهبوكى ويغتصبوكى عارفة يعنى تبقى فى عز الظهر خايفة تخرجى من بيتك عارفة يعنى اية جوزك يفضل طول الليل فى الشارع علشان يحميكى وتبقى مش عارفة هيرجع ولالا هو دة حالنا دلوقتى انا قاعدة فى البيت خايفة افتح الباب حتى لجارتى عارفة لية لان ممكن الخيانة تجيلك من اقرب حد ليكى يا جماعة احنا فى كارثة وبعدين متقلليش لازم يبقى فى خساير خسرنا كتير
وبعدين احنا مش مقللين اللى الشباب عملوة بس كفاية كدة نشوف هيحصل اية ندى فرصة للاصلاح ولما ما يحصلش ميدان التحرير موجود مش هيمشى بس نحس شوية ببعض نحس باللى مش لقين يكلوا بجد لوكان الاول فى سبعة مليون مش لقيين يكلوا دلوقتى سبعين مليون مش لقين العيش
وبعدين تعالى نفكر بقى بالعقل احنا برضة احسن من دول كتيير والمفروض انتو اكتر ناس تحس بكدة اة فى اهمال وفى فساد بس كمان فى حاجات حلوة كتيير كفاية انى كنت عايشة فى امان كنت بنزل فى نصف الليل وانا مش خايفة دلوقتى خايفة فى عز الظهر
يا جماعة عندنا حاجات كتير احنا مش حاسيين بيها لان هو دا طبع الانسان عايز كل حاجة عندنا دعم لاحاجات كتير عندنا علاج مجانى وتامين صحى ممكن ميكونش كويس بالدرجة المطلوبة بس برضة كويس عندنا دعم للعلاج وانتو عارفين انتوا بتجيبوا الادوية بكام واحنا بنجبها بكام عارفين انتوا بتعملوا تحليل بكام واحنا بنعمله بكام عارفين انتوا بتعملوا عملية بكام واحنا بنعمل بكام عارفين رغيف العيش عندكوا بكام واحنا بكام فى حاجات كتييييير قوى انا عارفة انا كان فى فساد لكن كل مكان فى الدنيا فية فساد يا جماعة نحكم العقل شوية انا مش بفكر بالعاطفة زى ماانتى فاكرة لا انا بفكر بالعقل والضمير اللى وجعنى على الناس اللى جاعت ولسى هتجوع

يارب رحمتك

فاطمه
جزاك الله خيرا علي النصحيه
وانا والحمد لله اتبراء الي مما المظاهرات والخروج عن الحكام انا كنت اعلم راي الشرع في هذا ولكن تعاطفت مع الشباب وتوب الي الله منه
انا عارفه ان فيه كتير راح ينتقدني
ولكن ياجماعه المفروض ان اي عمل نعمله يكون عليه دليل من القرءان او السنه
وحبيت ان اجمع لكم بعض الاحاديث الصحيحه واركز الصحيحه وليست ضعيفه او موضوعه ليتبين لنا حكم الخروج عن الحكام


وعن ابن عباس رضي الله عنه عن رسول الله صلى الله عليه وسلم قال ( من كره من أميره شيئاً فليصبر عليه فإنه ليس أحد من الناس خرج من السلطان شبراً فمات عليه إلا مات ميتة جاهلية ). صحيح مسلم


وعن أبي هريرة رضي الله عنه عن النبي صلى الله عليه وسلم أنه قال( من خرج من الطاعة وفارق الجماعة فمات مات ميتة جاهلية ومن قاتل تحت راية عمية يغضب لعصبية أو يدعوا لعصبية أو ينصر عصبية فقتل فقتلته جاهلية ومن خرج على أمتي يضرب برها وفاجرها ولا يتحاشا من مؤمنها ولا يفي لذي عهد عهده فليس مني ولست منه ). صحيح مسلم


وفي صحيح مسلم أيضاً عن أبي إدريس الخولاني قال: سمعت حذيفة ابن اليمان رضي الله عنه يقول ( كان الناس يسألون رسول الله عن الخير وكنت أسأله عن الشر مخافة أن يدركني فقلت: يارسول الله إنا كنا في جاهلية وشر فجاءنا الله بهذا الخير فهل بعد هذا الخير شر؟ قال : نعم فقلت : فهل بعد ذلك الشر من خير؟ قال : نعم وفيه دخن قلت وما دخنه ؟ قال: قوم يستنون بغير سنتي ويهدون بغير هدي تعرف منهم وتنكر فقلت : فهل بعد ذلك الخير من شر؟ قال : نعم دعاة على أبواب جهنم من أجابهم إليها قذفوه فيها فقلت: يا رسول الله فما ترى إن أدركني ذلك ؟ قال: تلزم جماعة المسلمين وإمامهم فقلت : فإن لم تكن لهم جماعة ولا إمام ؟ قال: فاعتزل تلك الفرق كلها ولو أن تعض على أصل شجرة حتى يدركك الموت وأنت على ذلك ). صحيح مسلم
واعتقد ان مبارك مهما وصل بيه الحال لن يكون مثل الحجاج الثقفي وفتنه خلق القرءان التي تعرض لها الامام احمد بن حبل
وعندما اشارو علي الامام ان يخرجوا عليه رفض وقال الدماء الدماء لا امر بالدماء

وياريت تدخلوا علي موقع محمد رسلان
عامل خطبه اسمها (حقيقه ما يحدث في مصر)

وداع
حمد لله علي السلامه ويارب تسفيدي من اجازتك وربنا يباركلك فيها يارب
انت باذن الله حتيجي امتي
اوكسي
ربنا يستر علينا وفعلا دي كلها مخططات من الغرب يارب نصحي من اللي احنا فيه