شاركي في النقاش

سجلي الدخول لإضافة تعليق.

التعليقات

2,011

  1. السلام عليكم ورحمة الله وبركاته

    ازيكم يا حبايبي انا بخير الحمد لله ويارب ميجيبش حاجة وحشة لحد ابدا يا رب
    انا اسفة اني اتاخرت عليكم بس بجد مكنتش عارفة ادخل اواكتب اي حاجة غير اني علي الفيسبوك وبقرا الأخبار وبشوف الدنيا ماشية ازاي

    انا بأيد كلام فاطمة واوكسي ، ان فعلا الشباب لازم ترجع بيتهم لأن اساسا معظم اللي في التحرير دلوقتي مش الشباب اللي بدأ الثورة دي لكن دخل عليهم ناس تانية زي احزاب المعارضة وناس من بره الله اعلم هما مين ، المهم انهم مش عايزين مطالب معينة ويرحلو لأ هما عايزين يخربو البلد ويسقطو البلد كلها.
    وده طبعا مش المطالب اللي الشباب كانو عايزنها ، احنا كنا عايزين نشيل الرئيس او علي الأقل نتأكد انه مش هيرشح نفسة تاني ،والحكومة تقريبا اتغيرت وبدأنا مرحلة جديدة في الحكم في مصر واعتقد ان شاء الله مش هيحولو يخدعونا تاني وببساطة زي ما فاطمة قالت مهو ميدان التحرير موجود مش هيروح في حتة نبقي نتجمع تاني

    لكن اني افضل موقفة البلد ومنشفة دماغي علي مطلب واحد فقط ولو اتحقق برده اعتقد انهم هيدورو علي مطلب تاني يخليهم قاعدين في الميدان ، ديه مش ناس عايزة مصلحة البلد لأ دي ناس عايزة تخرب البلد واكيد كلنا مش عايزين كدة

    انا عايزة اقول كلمة اخيرة " مش لازم اغرق المركب كلها علشان اقتل القبطان "


  3. مصريه
    انا طبعا نقدرش ارد علي كلامك لان ده كلام ربنا سبحانه وتعالي وكلام رسوله فمقدرش اقول غير سمعنا واطعنا

    توتا
    الحمد لله اننا اطمنا عليكي.اغلبية البنات دخلوا الحمد لله

    بالنسبه بقا لكلام كلام فاطمه واوكسي
    انا والله مش ضد اللي بتقولوه انا معاكم ان حال البلد واقف وناس مش لاقيه تاكل بس في نفس الوقت صعبانوعلي انكم تهيفوا موقف الناس اللي اتظاهروا واللي عملوا تغير وانتم عارفين ان الخراب والبهدله اللي حصلت مش بسببهم.ممكن يكون الموضوع تتطور وزاد لان تدخلت فيه جهات معينه لكن هل اللي قاموا بالثوره ديه كانوا عايزين يدمروا البلد.الحياه هتبتدي ترجع طبيعيه.والمتظاهرين خايقين يمشوا يلاقوا نفيش حاجه تعيرت وموضوع ان الميدان مفتوح اللي عايز يرجع يرجع مش هيحصل انتم فاكرين الخكومه هتديهم فرصه تانيه.ربرده خايفين علي تفسهم يروحوا بيوتهم يتقبض عليهم تاني يوم

    انا مش سياسيهوعمر ما كان ليا في السياسيه ممكن تكون فيه خطط تانيه واتجاهات سياسيه ضمن المظاهرات ديه .مقدرش احكم ولا اقول اسرائيل وامريكا بتخطذ انا عارفه ان ممكن تكون فزصه بالنسبالهن لدخول مصر .لكن اتا برد كمصريه عايزه البلد تتحسن والناس حالها يبقي احسن.

    وانا علي فكره نفس اللي انتم قلقانين منه انا كمان شايله همه ان اللبلد بتدمر والناس مش عارفه تتحرك ولا تمارس حياتها ولا تروح لدكتور لو تعبت.بس مش قادره اكون ضد الثوره ديه لان ظهر منه تقدم.معليش كلامي متلغبط لان انا نفسي اوقات من كتر اللي يشوفه بتوه بين الصح والغلط


  4. @almshtak_lmk

    اللهم احفظ مصر واجعلها بلدا امنا مطمئنا اللهم احمى شبابها واعصمهم من الفتن ما ظهر منها وما بطن اللهم اضرب الظالمين بالظالمين واخرجهم منهم سالمين

  5. بندقة
    ازيك يا حبيبتي وحشتيني اوي

    بصي يا حبيبتي احنا طبعا مع الشباب اللي عملو الثورة وانهم فعلا عملو حاجة حلوة اوي كنا نفسنا فيها من زمان ، المشكلة اللي مخلياه الناس مضايقة دلوقتي مش الشباب لأ الناس اللي قعدوا علي حس الشباب وزي ما قلت قبل كدة من المعارضة او اي جهات اجنبية الله أعلم بس المهم انهم مش الشباب بتوع 25 يناير

    بس بكرة الكل هيروح الشغل وان شاء الله الدنيا تتزبط ونرجع زي زمان وأحسن بإذن الله

تابعي تجارب أخرى من هذا القسم.