شاركي في النقاش

سجلي الدخول لإضافة تعليق.

التعليقات

8
  1. انتي بس تخيلي الدنيا بدونهم بتعرفين قيمتهم صدقين تقولين ماابي شي بس ابيهم جنبي اسالي اللي فاقده ابوه او فاقده امه
  2. @tfasyl_1

    $صدى الوجدان$
    انتي بس تخيلي الدنيا بدونهم بتعرفين قيمتهم صدقين تقولين ماابي شي بس ابيهم جنبي اسالي اللي فاقده ابوه او فاقده امه
    الله يخلي لك امك وابوك لاتحطين ببالك انهم مايحبونكم لانكم بنات
    مافي ام ولا اب يفكرون بهذا التفكير الله يصلحك ويهديك
    حتى لو شفتي بعينك اختلاف بالتعامل ثقي تماما انهم يحبونكم كلكم مثل بعض
    واذا اختلفت المعاملة يمكن انتو السبب يمكن تتصرفون بطريقة تنرفزهم
    خلي وحدة فيكم تمرض والا يصير فيها شي والله انهم ماينامون الليل
    خلي عنك بس واعقلي
    حتى لو فرضا صحيح اللي تقولينه يفرقون بينكم ..
    بيدكم انتو البنات تخلونهم يشوفونكم احسن من الاولاد
    اذا دورتوا رضاهم و اهتميتوا فيهم وشلتوهم من الارض شيل
    امك اذا قالت لك سوي كذا وكذا فزي من مكانك واتركي اللي بيدك وقومي سوي اللي تقوله امك
    لاشفتيها تعبانة حطي يدك على جبينها وقولي لها سلامة قلبك يالحبيبة
    اقعدي جنبها وقولي لها آمريني واطلبي لاتتعبين نفسك كلي فداك ياعمري كله
    لاشفتيها معصبة لاتجادلين
    الجدال هو اللي يخليهم يعصبون ويهاوشونكم
    لاشفتي امك معصبة اسكتي وروحي بعيد لين تهدأ وبعدين كلميها
    اذا شافتك ماتجادلين ولا تراددين مستحيل تهزئك
    روحتك لبعيد وانتي ساكتة بتخليها تحس بالندم وكل مرة بتشوفين اسلوبها معاك بيتغير
    اما تجادلين وتبينها ماتهزئك والله صعبة
    انا أم واشوف عيالي يرفعون ضغطي لا بدا الواحد فيهم يجادل ومايسمع الكلام وربي اعصابي تفلت مني واهاوش :mad:
    واختي نفس كلامك تقول امي تحب اخواني الاولاد اكثر مني
    استغربت منها وراقبت تصرفاتها
    والله انها تنرفز , اذا امي قالت لها سوي الشي الفلاني تقول طيب .. طيب .. طيب .. ولاتقوم الا بعد سنة
    بالوقت اللي تصحي اخوي من عز نومه عشان يقضي مشوار والا يجيب لها غرض يقوم من نومه على طووول ولا يماطل
    ونفس الشي اخوي الثاني لدرجة انه يساعدها بشغل البيت بعض الاحيان ماشاء الله عليه
    زي كذا مواقف تخلي الأم تنقهر من بنتها وتشوف ولدها احسن لانه يدور رضاها
    عاد انتي وخواتك كلموا امكم وشوفوا ليه هي تعاملكم كذا واي رد منها خذوه على محمل الجد
    لاتجاااااااااااااااادلووووووون ولاتعيشون دور الضحية
    مستحيل امكم تعاملكم بطريقة تضايقكم اذا انتو مااجبرتوها على هالشي
    لازعلين مني انا رديت عليك قياسا على اشياء شفتها بعيني وحللتها ومن واقع اني أم واعرف ان الام مستحيل تفرق بين عيالها بالمحبة
    واذا صار فيه تفريق بالتعامل فالسبب هو تصرفات تصدر من الابن او البنت هي اللي تجبر الام او الاب على طريقة هم نفسهم مايحبونها قبل العيال بس مجبورين

تابعي تجارب أخرى من هذا القسم.