ما هي مميزات مدينتك وعيوبها / بريطانيا /

7 ديسمبر 2010

السلام عليكم بنات بريطانيا الله يسعدكم ويوفقك انا حاليا مو متواجدة ببريطانيا بس حبيت اساعدكم واعطيكم معلومات عن مدينتي الي رحت لة وهي ديري في ارلندا الشماليةعشت فيها قرابة السنة جواها حلو مرة امطار شبة يوميا بردها برد بس مادري يمكن السنة الي انا فيها جاها ثلوج فقالو اهل البلدة انه اول مرة ينزل ثلوج عليهم من عشرين سنة!!عاد هم وكلامهم..
بس كانت باردة كنت مع زوجي مرافق ودرس لغة في جامعه مييقي وحلوة الجامعه مرررة وانا درست لغة اربع شهور في فوويل لانقوج سكول<<عجزة احول اللغة ههه
مررة حلو المعهد الي درست فية تعاملهم حلو كنت محجبة ماضايقوني بشي
اهل المدينة عليهم بعض الاستغراب لاني اول امراءه مسلمة ومحجبة تجي ديرتهم من جد بنات مااقول الا الصدق ماكد شافو احد متغطي المهم مافيها الا انا كنت كلها شباب سعودين وكويتي اصدقاء لزوجي ينعدون على الاصابع عزاب!!انا الوحيدة لمدة اربع شهور جلست بدون طلعه من البيت اخاف من المضايقات بس اطلع للتسكو واتمشى على ساعة مع زوجي ونرجع قبل الليل بعد اربع شهور تزوج واحد من اصدقاء زوجي وجاب زوجته وفرحت تعرفت عليها وصرنا نجتمع ودرسنا سوى في المعهد ماشفنا مضايقات في المدينة حركات بسيطة بس لما نمر من عندهم لازم نتجاهلهم ونسوي نفسنا ماشفا!!شعب بريطانيا عموما متكبر وشايف حاله واعتبرة جاهل لابعد الحدود عن انه يفكر يعرف ايش هي الشعوب الثانية؟<<هذا رايي عن البريطانيين الشخصي
المدينة سكنت فيا في شارع اسمة ان رست ستريت ماكان فية احد ابد مسلم ولا عربي ببيت طابقين طبعا نظامهم المطبخ والصالة تحت والغرف ثلاث كانوا والحمام لكم الكرمة فوق كان اجارها400باوند بالشهر مرة مريحة الحارة لابد من ازعاج الاطفال خاصة لطلعو من المدارس وكلابهم معهم يصير لجة الشارع بس مايضايقوننا بشي المدينة مرة هادية فيها نهر وسينما وتسكو وسنسبري بس هذي اماكن الترفية فيها!!مدينةمو متطورة ابد فيها مول واحد مااعرف اسمه نسيت كنا نروح لة عشان مطعم ماكدولندز ولا فية محلات بس ماتعجبني نفس ماركات السعودية لاجديد!!
رحنا مرة زيارة لمدينة بلفاست مرررة انجنيت بالنسبة لمدينتي ولا اروع مررة تطور وناس وحركة اعجبتني مرة فيها حديقة حيوان وزي التلفريك بس على شكل عجلة تشوفين المدينة كلها وفيها مطاعم عربية اذكر رحنا مطعم لبناني انما اية انا عاد متعذبة في مدينة ديري لااكل حلال ولا مطاعم ولا اسواق عربية كل شي نجيبة من بلفاست يخصصون يوم بالاسبوع ازواجنا ويروحون يجيبون لحمه واغراض من بقالة عربية الي نحتاجهم ومايوجدن هنا كذا طرقتنا ولا الدجاج ناكل منهم ونسمي قبل نطبخة لان اكل ذبيحة الغير مسلمين المسيحي جائزة اذا ذكر اسم الله عليها لانة صعب كل يوم يروحون ازواجنا يجيبون من مدينة بلفاست تبعد عنا بالقطار ساعتين فيها قطار بس ينقل للمدن الثانية وفيها باصات وفيها تكاسي اسعارهم باوندين ونص هذا عن مدينة ديري واي استفسار حاضرة..
اما بالنسبة لمدينةكلورينا باارلندا الشماليةبرضة رحنا له بعد انتهائنا من اللغة لدراسة الماستر المهم في جامعه نسيتها...زوجي عجز يكمل فيها ابد نظامهم ماعجبة جلست في المدينة قربة 3 او4 شهور فيها سعوديين بس مالقيت الاعائلتين طبعا عائلة نفس صحبتي الي في ديري انتقلنا سوى لكلورينا وفيها عزاب كثار وكويتية وعائلة الضاهر مصرية بس ما امداني اتعرف على احد بصراحة مرة حلوة عند ديري متطورة وفيها محلات ومادري عن الاكل الحلال والبقالات العربية او اسواقها لاني جلست فترة مابين السعودية وكلورينا اتنقل مااستقر اسبوعين الانرجع للسعودية مرة ماتوفقنا فيها في دراسة الماستر المدينة ساحلية على بحر واحنا استاجرنا شقق على البحر مطله مرررة خطيرة وحلوة ونظيفة ولها مدخل خاص وامنة مرة نروح انا وصحباتي للبحر ماحد يتعرض لنا ناسها طيبين جوها بالصيف مرة ممتع وخيال على البحر فية برودة بس مو مرة الشتاء فيها مادري انا جيت بس صاحباتي يكلموني ويقلون ثلوج وبرد هذا الي اعرفة عن كلورينا..اها نسيت اقولكم بالنسبة للمساجد في ديري فيها مسجد بس مرة بعيد ومايصلون فيه الا الجمعه بس ومكانه في مستشفى ديري العام مخصصين غرفة تخيلو هي كنيسة للمرضي بس مخلينا للمسلمين في الجمعه بس في مسلمين رجال عددهم عشرة كانو بس يصلون الجمعه يقول زوجي انا تبون رئي الشخصي بديري ماحبيتها بالمرة اكرها عشت فيها اربع شهور وحيدة ماعرف احد وغير كذا اول مرة اغترب وزيادة جاني رمضان وعشتة لوحدة لاصلاة تراويح ولا ريحت اذان مرة كرهتا يارب تعوضني بخير منها انا جيت السعودية سنة ورايحة بعد ثلاث اسابيع امريكا ان شاء الله بس انا كرهت بريطانيا خلاص مو عشان شي بس عشان ماحسيت بشي فيها واحد حلو الا صحباتي ورفيقه غربتي الي خليتها هناك؟
اعذروني على الاطاله بس حبت افيدكم بشي ولو بسيط..

ما هي مميزات مدينتك وعيوبها / بريطانيا /

التعليقات

اللي ما تصادقني بدعي عليها

صار الحين يقول ما تروحين زمان كان يقول اليوم ماتباني هنا 👈

ماهي نصائحكم يا مرافقات او مبتعثات

::تريدي أن يكفيك الله ما أهمك من أمور الدنيا والأخرة::

ماهي مميزات الدراسة بالخارج