أبيكم كلكم تدخلون وتدعولي ....

السلام عليكم ورحمة الله وبركاته
أنا قررت اليوم أني أكتب لكم قصتي واطلب منكم أنكم تدعولي ... والله إني محتاجة للدعاء ..
وحسيت من المواضيع اللي أقراها والردود أنكم ماشاء الله مثل الأسرة الوحدة الله لايفرقكم وأنكم تدعون لبعض من قلب وتحاولون قد ماتقدرون تساعدون بعض عشان كذا كتبت ذا الموضوع وأبغى أنكم تدعولي من قلبكم ..
أنا عندي خوف من الموت من يوم كنت صغيرة ووساويس بدت فيني تقريبا من رابع إبتدائي واستمرت إلى المتوسط بعدين راحت الحمد لله بس رجعت الحين مرة ثانية وصار عندي بعد حالات خوف وهلع .. خوف من شي ماأدري إيش هو .. الشيطان هو اللي يوسوسلي بهالأشياء لاني لما أذكر الله وأستغفر وأأذن يخف .. فادعولي الله يخليكم أدعولي والله العظيم إني محتاجة للي يدعيلي بظهر الغيب ..
صح وتذكرت شي دايما أقرا بمواضيعكم أنا ماتزوجت وأنا وأنا وأنا وتتشكى واللي تقول انا مالي حظ وأنا مو سعيدة بحياتي ..
دايما أقرا مثل هالمواضيع وأكون نفسي أقول لصاحبة الموضوع كيف أنتي ماعندك حظ !!!
كيف ماعندك حظ وأنتي عايشة بأمان وراحة نفسية ... ماتجيكي لاحالات خوف ولا خوف من الموت يعني ماشاء الله عايشة بطمأنينة المفروض تسجدين شكر لله سبحانه اللي رازقك الراحة النفسية المفروض تسجدين لله كلللل يوم والله لو تذوقين الخوف دقايق أن تحسين أنك بنعمة كبييييييييرة وماتوقفين شكر وحمد لله ...
عشانكم كلكم خواتي وأخاف على مصلحتكم أبيكم كلكم تروحون تسجدون شكر وحمد لله ماأبي وحدة تتشكى ..
أبيكم كلكم تعرفون أنو كلنا بنعمة مهما كانت ظروفنا .. طيب وإذا ماتزوجتي !! أنتي ماشاء الله بصحتك وعافيتك تمشين وتتحركين وتاكلين وتشربين على كيفك وغيرك بالمستشفيات يعاني .... حتى إخراج الفضلات ( تكرمون ) النعمة اللي ممكن تكون عندكم صغيرة تراها مهممممممة لابعد الحدود وغيرك يتمنااااها ..
انتي عايشة بامن وأمان وفيه ناس بفلسطين وغيرها ماينامون إلا على طلقات المدافع والرصاص ...
أنتي عايشة بطمأنينة وراحة نفسية وفيه غيرك يعاني من الإكتئاب والخوف والوسوسة ..
بس كنت بقولكم أنو لاااااازم نحمد الله ونشكره على كل شي حتى لو أنتي مبتليه ببلوة كبيرة .. روحي اسجدي حمد وشكر لله عليها ... إيوه عليها ... لأنه سبحانه يقدر يبليك باعظم و أكبر منها ...
أنا والله يابنات قلت هالكلام من تجربة أنا كان عندي من أسابيع قليلة الخوف من الموت بس .. وكنت أتشكى وأقول وش معنى أنا ومن هالكلام والحين لما صارت عندي حالات الخوف تندمت أني ماحمدت ربي وشكرته لان الخوف من الموت أهون بكثييير من حالات الخوف عشان كذا أقولكم أعرفوا دااااايما انو كل مصيبة فيه اللي أكبر منها وحاولي تدورين على النعم اللي عندك واحمدي ربك عليها مو تدورين اللي ناقصك ...
وأتمنى أنكم تستفيدون من موضوعي وأبيكم تدعووووولي الله يخليكم اللي تصلي الليل تدعيلي أن الله يصرف الشيطان ووساويسه عني لأني عارفة أن اللي فيني مو خوف لاإرادي .. اللي فيني وسوسة الشيطان ...
الله يخليكم لاتنسوني ماتتخيلون قد إيش انا محتاجة لدعاويكم كلكم ...

22 تعليق 1,493 مشاهدة

شاركي في النقاش

سجلي الدخول لإضافة تعليق.

التعليقات

21
  1. @slm_2000

    صاحبة الموضوع
    مشكورين على دعواتكم ...
    (دلوعة أبوها ) الله يشفيك ويشفيني ويشفي جميع مرضى المسلمين

تابعي تجارب أخرى من هذا القسم.