المرض اللي فيه اسمه الثعلبه الخبيثه
اللي من اعراضها سقوط الشعر من كامل الجسم
وهالمرض ما يفيد فيه الثوم
الثوم يستعمل للثعلبه البسيطه اللي تكون بقعه صغيره في فروة الراس
اما هالمرض علاجه يختلف
انا بنتي من يوم عمرها سنه اصابها هالمرض اللي هو الثعلبه الخبيثه
يعني تساقط كل شعر جسمها00الرأس00الرموش00الحواجب
واستمر معاها لمدة اربع سنوات
وما اقرا عن علاج للثعلبه الا استعمله لها وما شفت اي نتيجه
وفي الأخير وديناها لدكتور جلديه وكتب لها علاج عباره عن تركيبه الصيدلي
يسويه بنفسه وقطاره جاهزه
واستعملتهم لها وبعد شهر بدا اثر بسيط للشعر واستمريت عليهم
وطلع شعرها ولله الحمد
بس اذا تكاسلت وماحطيت لها العلاج يبدا الشعر يتساقط من جديد
والحين بعد زاد على هالعلاج كل شهر يدقها ابره
على حسب نمو الشعر
يعني اذا شاف الشعر بدا يخف يعطيها الابره واذا شافه بدا يكثر ما يعطيها
وحالتها متذبذبه
مره يثبت شعرها ومره يبدا بالتساقط حسب حالتها النفسيه
يعني اذا هي مبسوطه يثبت شعرها واذا حست بخوف او زعلت من شي
يبدا شعرها يتساقط
والمشكله انها حساسه جدا وهذا اللي مخلي شعرها ما يستقر
يعني الحاله النفسيه مهمه جدا في العلاج
وهي الحين في اول ابتدائي وعشانها كانت في بداية السنه خايفه
بدا شعرها يتساقط بشكل كبير
ولما تعودت على المدرسه استقرت حالتها وبدا شعرها يكثر
والحين حواجبها خفيفه جدا حتى البنات دايم يسألون اختها اللي اكبر منها
ليه اختك ما عندها حواجب000؟
عموما هي الحين شعرها صحيح انه مغطي فروة راسها بس مب كثيف
بس احسن من اول بكثير
الزبده
خلي اخوك ينصح صديقه بأنه يروح عند دكتور جلديه
وان شالله يفيده بالعلاج
واهم شي الحاله النفسيه يبتعد كل البعد عن العصبيه والزعل والاكتآب
كلها تساعد في تأخر العلاج
الله يشفيه ويشفي بنتي ويشفي جميع مرضى المسلمين
لكل وحده في قلبها رحمه 00 تدخل
متابعة النقاش، صفحة 10