^^ ربيع (1) ^^ دورة : حماية طفلي من التهكير النفسي ( الدروس والمناقشة ) ● _●

صباح الخير صارت الساعه 2 مااحلى الهدوء نومت عيالي من 11 ونومت ابو الشباب بعدهم على طول هههههههه وانا سهرانه لحالي معاكم عشان تخف عصبيتي خليته بدل الربع الساعه ساعتين ههههههه الله يعيننا والله التربيه صعبه يابنات ماادري انتو زيي يعني يصحوا عيالي الصباح ماعاد اقعد ولاارتاح بس وراهم وراهم الله يكتب اجرنا ويعوض امهاتنا اكيد كانوا يتعبوا اكثر منا

كيفكم يااستاذتنا الفاضله واخواتي المربيات خخخ

جيتكم بتفصيل للحفله

فكرت بصراحه اني اغير جو شويه من الروتين اللي كنا عايشينه كل يوم فقلت خليني افرح اطفالي بحفله ينبسطوا فيها كنت باعتمدها حفلة نجاح وبعدين فكرت وقلت خليها للترم الثاني تكون بنتي البكر تخرجت من سادس واعملها حفله تليق بالتخرج

فقلت مالي الا اسويها ذكرى لولادتهم بما انهم مولودين في فتره متقاربه جدا الكبيره قبل 3 اسابيع خلصت 12 سنه

وولدي اللي بعدها قبل اسبوعين خلص 8 سنين وبنوتتي الثالثه خلصت 4 سنين قبل اسبوع طبعا اول مره اسويلهم حفلة ميلاد

اتمنى ما تقولوا حرام لان النيه ما تكون عيد يتعمل كل سنه ولا حطيتها في نفس يوم ميلادهم وسميتها ذكرى لانها بتصير فعلا ذكريات نحتفظ فيها للعمر

المهم جهزت للحفله عملت الكيكه بالشخصيه اللي يحبوها بعد ما سالتهم واتفقوا على شخصية العام سبونج بوب

ودورت لها طريقه تكون سهله وما تعقدني ولقيت هنا في المنتدى طرق كثيره واخترت وحده منها وعملت الكيك فقط من امس بالليل وعملت معاه حلى بسيط

واليوم اتفقت مع اطفالي انهم يساعدوني بترتيب البيت ومن كثر فرحتهم بالحفله ما لقيت اي اعتراض على الشغل بالعكس ولدي يقولي انتي بس اخدميني باي شي ههههه قصده انه يخدمني باي شي

حاولت اني طول اليوم امسك اعصابي وما ازعلهم لانه مو حلوه اصرخ عليهم واعاقبهم وبعدين اسوي لهم حفله الحمد لله كل ما جيت بعصب تذكرت النقطه اللي كتبتها ابله سوفت اني اتنهد واتنفس بعمق واستغفر وفعلا نفعت

طلبت من بنتي انها تكتب بطاقة دعوه لابوها انه يحظر الحفله معانا وانبسط مررره منها وجلس معاهم شويه ورقص معاهم على الاناشيد اللي يحبوها وضحكوا كثير وعجبتهم حركاته وما انسى اقولكم انه معاهم اطفال من اقاربهم صادف انهم جايين عند اهلهم في الاجازه وعزمناهم على الحفله وكانت الفرحه عامه عليهم كلهم طلع ابوهم كان عنده شغل وجلست انا معاهم ورقصنا ولعبنا وغنينا واستهبلنا ههههه

جبت لهم اشياء بسيطه كهدايا حطيتها في اكياس مع الشوكولاته وزعتها عليهم ومع انها حاجات بسيطه جدا الا انها اعجبتهم كانهم امتلكوا الدنيا كلها

بعد فتره رجع زوجي وحسيت الاطفال جيعانين فقلت خلاص تبغوا تاكلوا قالوا ايوه وزعت عليهم الاكل و اخذت انا وزوجي كمان

وبعد ما خلصنا طلبت من بنتي الكبيره وولدي انهم يعبروا عن شعورهم بهذا اليوم بالكتابه ويعطوني هيه احتفظ فيها

صحيح اني كنت في قمة الارهاق والتعب بس لمن شفت فرحتهم وبسطتهم حسيت بفرحه ما توصف

بالنسبه لبنتي الصغيره كنت طول اليوم اذا حسيت انها بتعاند اجيها بالتشجيع والترغيب وتمشي معايه ووقت النوم بدات في عنادها المعتاد انها ما تبغى تنام حاولت بالسياسه وحاولت بالترغيب وبهداوه ويوم شافتني مستسلمه لها تمادت وفي الاخييير

فاض الكيل وصحت عليها واخذتها بالقوه على سريرها وغطيتها وهددتها لو قامت لاحرمها من الخروج بكره من البيت بكت شويه وبعدين سكتت ونامت

وبس هذا كان يومنا وان شاء الله اني افدتكم ولو بشي بسيط

غامديه يسعدهم الغمد وين ما راحوا هههه

والله من وجهة نظري انه التربيه زمان اسهل من ايامنا هذي لان الاطفال في هذا الزمن عقولهم متفتحه وواعيين لكل شي ويشوفوا اشياء ما كنا نتخيلها حتى تفكيرهم غير عن تفكيرنا ايام ما كنا صغار

بس ان شاء الله ربي يهديهم ويعيننا على تربيتهم