كافيه شلة نوتيلا

هههههه بسيطة يا بساط مزركش هي الولادة لا بد منها فخليها تيجي و نخلص منها . امنيتي انهم يكون عندهم بالمستشفى انترنت و اقعد اسولف معاكم من هناك هههه شو رايك؟

ايه والله فكره حلوه .حتى الواحد يصير متابع أخبار المنتدى أول باول . ترى مع انو مشاركاتي قليله لكن بيني وبين منتدى حواء عشرة خمس سنوات

أبغى افضفض لكم يا جماعه . بصراحه انا في حملي هذا مشتهيته يكون ولد علشان ابسط زوجي . انا عندي بنات الله يحفظهم زي القمر وودي لهم بأخو . المهم في الشهر السادس رحت لأخصائية اشعه باكستانيه وقالت لي 70% بنت .تضايقت لكن زوجي قالي احمدي ربك وانشاء الله تجي بالسلامه . مشي الكلام وبدأت انبسط حتى اني اخترت لها الاسم . تمهيد للولاده اخترت مستشفى معروف وبدأت أراجع عند استشاريه كبيره و معروفه . وقالت لي




ولد







وانخربت كل الموازين . وبدأ الرجال يحلم مرة ثانيه ويتنقى هو راح يكون ابو ايش ...المهم دكتورتي قالت خلاص من التاسع تجيني كل اسبوع . أنا ما قدرت عشان مواعيدها زحمه فقلت لزوجي امس ودني للمستوصف اللي جنبنا علشان اشيك على البيبي حتى يقرب موعدي مع الدكتوره الاسبوع الجاي.


لقيت حظي مع نفس الاخصائيه ونفس الكلام (( بنت )) وواثقه من كلامها. يا بنات مين تتوقعوا اللي كلامها صحيح الاستشاريه الكبيره اللي شهادات الزماله ممليه جدارها والا الاخصائيه الباكستانيه اللي كل شغلها تحديد جنس المولود ؟؟؟؟؟؟؟؟

الله يفرح قلبك بلي تبغيه يا بساط كلهم هدية من عند الله عزوجل و انشاء الله ان كان ولد او بنت يكون بكامل الصحة و العافيةو يكون من الذرية الصالحة. ما دام انتي كشفتي عند 2 مختلفين و كل وحدة تقلك شي غير عن الثانية معناه نسبة الولد 50% و البنت 50%. يعني ممكن تعتبري نفسك لسى ما حد قالك شي و ما تعرفين شو جنسه و حتكون مفاجئة و ادعي لله و اقري قرآن ما في شي صعب على رب العالمين. و الله يا رب يسعد قلبك و يقر عينك بشوفة البيبي بصحة و سلامة.

مشكوره على ردك يا نوتيلا. أنا عارفه انه كلامك سليم وما عليه غبار بس برضو هذا التناقض .........ماني عارفه ايش اقول !!!!