ضعف الحركه و قله العدد و حقن الكوريومون

السلام عليكم

الحقيقه انا بقى لي سنتين و نص بجري و را الحمل عشان كان املي اجيب طفل تاني يكبر مع ابني
اللي بقى عنده خمس سنين و نص

بس كان عندي في البدايه انسداد في القنوات بسبب الولاده القيصري
و الحمد لله عملت عمليتين و ربنا كرمني و زال الانسداد
و لكن لم يحدث حمل

الدكتور طلب من جوزي تحاليل لاول مره اكتشفنا وجود لزوجه عاليه و العدد 25 مليون
و الحركه 30 % و المشوه 65%
كتب له طبيبي كارنيفيتا فورت و سيلينيوم و مضاد حيوي لللزوجه

و بعد 3 شهور كررنا التحاليل و كانت النتيجه ان اللزوجه زالت و الحركه لازالت ضعيفه و المشوه كما هو
و العدد زاد و اصبح 28 مليون

قررنا بعدها نعمل تلقيح صناعي
و كانت الصدمه في تحليل يوم التلقيح ان العدد نزل 12 مليون و الحركه لا تزال ضعيفه و المشوه كما هو
فشل التلقيح الصناعي
و زوجي رافض تماما زياره دكتور ذكوره

اتصلت بطبيبي قاللي ياخد حقن كوريومون 500 مره في الاسبوع لمده 6 اسابيع و يستمر على كارنيفيتا فورت
و سيلينيوم

و حذرني اننا هنعمل مره كمان تلقيح صناعي بعد شهرين ولو العدد نزل تاني يبقى لازم فورا حقن مجهري

سؤالي هل حد واجه نفس المشكله ؟؟؟و كان ايه الحل؟؟

يا ترى ايه اللي ممكن يساعد في حاله زوجي ؟؟

ارجوكم لا تهملوا الرد عليا لاني مش عارفه اعمل ايه ولا اسال مين

جزاكم الله كل خير

11 تعليق 17,253 مشاهدة

شاركي في النقاش

سجلي الدخول لإضافة تعليق.

التعليقات

11
  1. @ard_alaml_1

    والله يااختي زوجي مثلك واسو الحركة 12 والتشوهات 70 بالمائة ...

    بس الابر مااستخدمها اول مره اشوفها خليها على الله .. كثير ماشاء الله مثل زوجك وعملو تلقيح مجهري ونجح
  2. @happy_yoyo

    صاحبة الموضوع
    ارض الامل
    تسلمي على الرد و انا بس مش حابه اعمل حقن مجهري
    لانه امل رهيب ولا قدر الله لو فشل بتكون صدمه كبيره اوي
    و غير تكلفته الكبيره

    ربنا يرزقني انا و انت يارب


    ياريت الاخوات يفيدوني

تابعي تجارب أخرى من هذا القسم.