بنات اللي تعرف اش هالحشره تدخل اعلمها كيف شكلها وتعطوني حل ذبحتنا الله ياخذها

والله كثير يقولوا هذي من الغنم بس انا بعماره بالدور الارضي بس زوجي يقول العماره اللي ورانا صاحبها عنده غنم بس ماقد سمعت صوت اغنام مدري اش نسوي هلكتنا كاننا عايشين في باديه مو في مدينه الله يعيننا

اختي انا مره جتني زيها هي حجمها بحجم راس النمله واذا قرصت تجلسي تهرشي في القرصه الين ما يطلع الدم اذا نفس الوصف اللي اقول فهاذي اسمها فاش اللي هي تجي من طائر الحمام احنا يوم جتنا ذبحتنا وبالصدفه اكتشفت انه في حمامه معششه عند شباك غرفتي وكان الشباك مهجور يعني ماقد فتحته المهم طريقة التخلص منه اول شي لازم تتخلصي من الحمامه وتنظفي مكانها زين وبعدين يعينك ربي كل يوم امسكي غرفة بأنك تغسلي كل المفارش والحافات والغطيان ولازم ماي ساخن لاني مره غسلت اللحاف في ماي عادي والله طلعته من الغساله والحشره تمشي فيه المهم الفرشات لازم تبخيها ببخاخ ريد او بف باف واتركيها لمدة كام يوم تتهوى وحاولي تحطي في بخاخه ماي حار وديتول كثير وبخي السجاد والعفش والله يعينك اعرف ان الشغل كثير بس والله اني يوم جاتني هالحشره انقلب بيتنا يمكن جلست اسبوع وانا انظف واذا عندك اي استفسار ارسلي عالخاص وانا جاهزه لاني حاسه فيك ايوه نسيت اقولك جبنا مبيد حشرات من صيدليه بيطريه بس والله مااعرف اسمه لانه وحده قريبتي اللي عطتني اياه بس هو قوي مره

الله يعينكم هذا بق العن عندي من الباعوووووض الله يعينك تبين تظفنيين البيت نظافه شامله حتي لواضطريتو لمحلات النظافة وبعد المبيدات الحشريه وكمان شوفو يمكن يجي من برا من شباك يكون به عش حمام او قمامه مركونه بالباب

؟؟؟؟؟؟؟؟؟

الله يعينك يا اختي هذي حشرة تسمى البق وتنتشر بين الثنايايا في الفراش والاخت ماقصرت اعطتك فكرة وافية عنها بس حبيت ان اضيف لك ان بيوضها تفقس بعد عشرة ايام يعني اذا بخيتي بيتك اسمري كل يومين لانها راح تفقس وتطلع حشرات صغيرة جدا بالكاد تشوفينها ولونها شفاف حتى تكبر قليلا وصار معي زيك واشتريت مبيد حشري من محل بيطرة اسمه (كين 600) والحمد لله بخيت كل يومين وخرجت انا وعيالي عند اهلي لمدة اسبوعين والحمد لله الحين من سنة مابخيت ولا شفتها الله يفرج همك ويخلصك منها فعلا متعبة