السلام عليكم ورحمة الله وبركاته
خواتي انا بكتب مشكله عانيت فيها من قبل لاتزوج واثرت على حياتي ومعاملتي مع الناس :44:
اللي هي اختــــــــــي الله يخليها لنا ويصلحها بس من جد معاملتها معي ومع خواتي اثرت
على شخصياتنا بشكل ماتتصورون راح اتكلم عن شخصيتها هي حبوبه مع غيرنا بشكل ماتتصورون
ومعانا تدور الزله وحتى مع امي مثلا جانا حريم رحت وجلست معهم عادي تستحقرني عند الحريم تهزئ فيني
عادي وهذي معاملتها لدرجه صرت اكره الجلسه عند الحريم ماصار عندي ثقه في نفسي وخواتي اللي اصغر مني ثنتين نفس الشئ تخيليوا بيقولون سالفه حتى لو بيننا يالخوات مايتكلمون ليش خايفات تستحقر موضوعهم :icon33:صار بيننا حياء ونتحاشى الكلام عندها نخاف نغلط ومو هذا وبس عندي بنت خال اذا جت عندنا وهي كبري
اختي اذا شافتها الله لايوريكم قعدت تتطنز فيني قدامها وتمدح فيها ماادري ليش احيانا وهي تتطنز تجين الصيحه
واكتم واسكت والمشكله تشوفني اعصب :mad:وتستمتع تعبنا معها مره والله كلمتين على بعضها مااجمعها عند الحريم وماانتناقش مع الحريم انا الحين متزوجه وموب من عائلتنا يعني انا بمدينه واهلي بمدينه يعني جمعات
اهل زوجي ماتتخيلون شخصيتي على انها موب موجوده اذا كلمني احد تخيلو وش يصير لي يحمر وجهي اعرق
اتنافض وانا اتكلم دورت اعراضي طلع اعراض رهاب اجتماعي تصورتوا اختي كيف اثرت علي:44:
ولعلمكم انا شخصيتي عند اهلي قويه وجريئه بس اهلي اما عند الحريم لالالا تنقلب شخصيتي للي قلت لكم
تعبت من هالشعور واللي يقهر خواتي اللي اصغر مني ماتزوجوا واثرت على شخصياتهم يعني بيصيرون زيي
انواع التحطيم والتهزئ عند الناس تدرون تخنقني العبره اذا شفت البنات يسولفون بمجالس الحريم ويصبن القهوة
ويشاركن مع سوالف الحريم وانا يالمتزوجه مااسوي هالشئ ااااااااااه والله شعور متعب
بنات الله يخليكم ابي ردود لحل مشكلتي طبعا مصارحه معها مااتجرا ابداا لانها تقلب علي وتعصب وتصارخ ويصير كل اللي بالبيت يعرف السالفه وانا ماابي احد يعرف مشكلتي الله يخليكم ابي اللي جربت تقولي تجربتها
واللي لقت حل لمشكلتها تقولي والله تعبت وانا اعتبركم مثل خواتي علشان كذا فضفضت لكم انتظر ردوكم
ااااااااسفه على الاطاله
شاركي في النقاش
سجلي الدخول لإضافة تعليق.
التعليقات
6- 15 مشاهده ولارد واحد يجبر الخاطر
- الله المستعاااااااااااااااااان
حبيبتي جميعنا مرينا بنفس المشكله......مع الوقت تلاشت المشكله والحمدلله
انصحك اكثري من القراءه وخاصه الثقافه....صدقيني راح تتغلبين ع المشكله
اما بنسبه لأختك اذا ما تقدرين تصارحيها همشيها وكانها مو موجوده....تكلمي وسولفي واضحكي لا تهتمين فيها
واذا بدت تفشلك قولي لها كفاااااااااااااااااااايه حدك ولا تسمحين لحد يمس شخصيتك ويأثر فيهاااااا
اسال الله ان يصلح حالنا واحوال والمسلمين احمعييييييييييييييييين - مدري والله بس ارتفع ضغي مررررررررررررررررة ....من اختك الله يهديها......اكيد لكل مشكله حل ....انصحك تشوفي لك موقع للدكتور احمد الحريري او لاي دكتور نفسي وتستشيريه لان ياعمري هذي مشكله نفسيه على مااعتقد ....
موفـــــقه وعسى الله يفك كربتك قاادر ياكريم,,,, - اسمعي حياااتي تقدرين تغيرررين شخصيتك لان الانسان قابل للتغيرررر
قوووي تعزيزززك بذاتك وانك انسانه قادرهـ اتكلم يعني فلانه وعلانه احسن مني ليه لا حبيبتي انتي مارسي التعزيز بنفسك وقوووي الثقه وصدقيني ببتجرئين
واختك خاصه لازم حبيبتي اذا كنتي موجوده عندها وحكيتي وسكتتك لا تسكتين وتبيني ضعفك لا حبيبتي تكلمي ولو كان مووجود حريم لان خلاص انتي وصلتي مرحله ان ماافيه احد يسكتك مثلا حجرري لها من ناحية دينيه لو تناقشين وقال اسكتي قولي من ادب الحديث مانقاطع ماتعلمتي انتي
فهمتي وبعدين انتي امعه مايكون لك وجه نظررر لا ياعمررري خلك قووويه مره مرتين والله تتادب وتذكرري كلامي ياحبي - الله يعينك
أختك ... بااين تغيير غيوورة وهالعادة قشررا بين الخوات ... احسن لها الحقررران عشان تعرف قيمتهاا
لان العيب مو فيكن العيب باللي يستحقر الناس ويقلل من قيمتهم هذولاء الناس ناقصين انساانية والا تقدرين تردين عليهاا وماعندك اصغر منهاا
بس اكتسبي هالنقطة لك هو انك انساانة محتررمة ومحبووبة لا تطلع منك العيبة
مدام انك تزوجتي افتحي صفحة جديدة بحيااتك واكتبي نقااط اجاابية بحيااتك واتبعيهاا
مثل اكتبي اليوم اتكلم من دون احرااج لو اقول بس سالفة وحدة واتكلمي وهكذا
وكمان عندك الترديد مثل قولي انا قاادرة على المواجهه
انا ايجاابية بحياتي
انا وااثقة من نفسي
انا احب المجتمع وسوف اتفااعل معهم
وكررريهاا كثييير
دايم موواقف تعلق من الاقاارب بمخيلتنا بس حااولي تنسيها عشان مصلحتك وحيااتك الجديدة
لا تدفنين حيااتك بسبب مااضيك
لااا ابتسمي وثقي بنفسك وجددي شخصيتك باتقاان منك
ابدي بالاول من دااخل بيتك حااوري واتكلمي بهدووء وابتساامة وثقة وشوي شوي تعوودين على هالاسلوووب
والله وياااك
والاهم حلو كمان الريااضة والاسترخاء تمدك بالطااقة وارتخاء الاعصااب اللي هي تسبب لك الارتبااك
خلي الاسرخاء عندك عاادة قبل النوم كل يوم 10 دقاايق استرخي وعطي نفسك مدييح دااخلي
مواضيع مشابهة
تابعي تجارب أخرى من هذا القسم.