شورو علي الله يجزاكم خييير

السلام عليكم ورحمة الله وبركاته


باقلكم الموضوع باختصار

خلصت التاسع واعطتني الدكتورة مهلة الى يوم السبت علشان تحطلي طلق صناعي

بس والله يا بنات انا مرعوبة من الطلق الصناعي

وثانيا جسمي مرة تعبان عندي زيادة في عدد ضربات القلب ما اقدر ابذل مجهود كبير و صدري مكتوم وجسمي منهك من طول فترة الحمل
كمان احس عظم الحوض بيتكسر من الضغط والالم وما اقدر امشي الا بصعوبة

عندي 5 اطفال ولله الحمد وكلهم طبيعي

عمري الان 35 سنة

الصراحة خايقة من الطلق الصناعي خصوصا ان الدكتورة قالتلي اذا ما نفع الطلق بنحولك لعملية

وانا رافضة الطلق وابغى عملية باخلص وارتاح والله تعبانه وعارفة نفسي ماراح اقدر اولد طبيعي على تعب جسمي

جسمي منهك كثيييييير

امي مصرة الا اخذ طلق صناعي وتقلي احسن من العملية وزوجي من كثر ما زنيت وبكيت عنده قالي للسبت ما ولدتي خييير وبركة نشوف ايش نسوي


وفيه ناس ينصحوني اسوي عملية واريح نفسي لانهم يعرفوني ويعرفو اني اذا قلت ما اقدر يعني ما اقدر

اصلا لا تذكرت اني باخذ طلق صناعي تلاقي جسمي يرجف واخاف وقلبي يصير يرقع رقع ادور علاجي مثل المجنونة من الخوف <<< معلومة صغيرة انا من كل الولادة مرعوبة الطبيعي والصناعي ما ادري ليه حاسة انه في شي لكن ماني عارفة ويش هو

واذا فكرت بعملية ارتاح نفسيا


ويش رايكم اخواتي اخذ طلق صناعي والا اسوي عملية واخلص

16 تعليق 1,412 مشاهدة

شاركي في النقاش

سجلي الدخول لإضافة تعليق.

التعليقات

15
  1. @hthyan_alrhyl

    والله انا ماجربت وأتمنى البنات يفيدونك



    بس أتوقع إن الطلق الصناعي أهون من العمليه بكثير

    لأن الطلق وقتها الألم بس العمليه يطول فترة ألمها حتى لو حملت مره بعد هذا راح يكون مكان العمليه يوجع
    الله يسهل أمرك

    وإستخيري وإستغفري وربنا كريم
  2. @aml_alzman

    اسال الله العظيم رب العرش الكريم انك تولدين طبيعي بدون عملية ولا طلق صناعي
    وتكون اسهل ولادة وتقومي انتي وطفلك بصحة وعافية قولي امييييييييييين
    بس انتي اكثري من الاستغفار والدعاء في كل وقت
    دعواتك ان الله يسهل للي الحمل والولادة وللاخوات

تابعي تجارب أخرى من هذا القسم.