شاركي في النقاش

سجلي الدخول لإضافة تعليق.

التعليقات

1,920
  1. @reeeeeemaa

    سمو فكر
    أم رزن اسأل الله أن يربط على قلوبنا وأنا ما أتخيل يوم زواجه مدري وش بيصير صبرٌ جميل والله المستعان ويبقى حبيبي الله يجزاكِ الجنة أنا توه خطب وأنا حامل لكن وعدني لا يملك ولا يتزوج إلا بعد ما أولد أدعي لي وأمس بالليل قال و…
    أولا أسأل الله أن يصرف أزواجكن عن هذا الزواج إن كان في ذلك خير لكن

    وثاني شي ترى كل شي يهوووووون

    أنا بعد ما ملك زوجي طبعا ملك بدون ماادري كنت بس افكر بالايام الجايه

    خاصة ليلة زواجه كيف بيكون شعوره ياترى بيكون مبسوط ومستانس بيكون نفس شعوره ليلة زواجنا
    وش بيقول لها ذيك الليله بيقول نفس الكلام اللي قاله لي
    كيف بيكون شكلها ياترى بتكون احلى مني
    اتذكر كلامه قبل 15 سنه يوم دخل علي ياترى هالليله بتكون نفس ذيك الليله نفس اللهفه نفس الشوق
    لا لا مستحيل مستحيل انها تكون زيي انا حبه الاول انا أول فرحته
    أفكار وتساؤلات قاعده انتظر متى بتجي هالليله وكيف راح تعدي ووش راح يصير فيني
    كنت خايفه يصير فيني شي وش راح يقولون الناس عني ذبحها حبه
    كنت ادعي ربي دايما اللهم اجعل هذه الليله بردا وسلاما على قلبي كما جعلت النار بردا وسلاما على ابراهيم
    والله يابنات ماتتخيلون كيف عدت هذي الليله علي
    كانت امي رايحه للرياض عند اخوي وطلبت مني اروح معها علشان تبعدني عن اجواء ذيك الليله بس انا رفضت
    مابي احد يشوفني وانا اتعذب مابيهم يشوفون دموعي مابي اشوف نظرات الشفقه بعيونهم
    قعدت ببيتي وجت اختي عندي كنت صايمه ذاك اليوم وسبحان الله كلمتني صديقتي لي تقريبا خمس سنوات ماشفتها علاقتي فيها بس بالتلفون جت ذاك اليوم عندي وسويت لها عشا قعدنا سوالف وضحك ماحسيت بالوقت
    يوم جت الساعه تسع ارسلي رساله احبك ماهتميت لها لاني عارفه انه بس يبي يخفف علي
    راحت صديقتي تقريبا الساعه 11 يوم جت الساعه 11 ونص مدري وش اللي خلاني اطل من شباك غرفتي
    زوجي كان مستاجر شقه قبال بيتنا يقول مابي اكون بعيد عن عيالي في ذيك اللحظه شفت سيارته توه واقف
    نزل وعليه البشت ونزلت هي معاه ودخلو ا
    والله يابنات هالمنظر ماحرك في ساكن رحمة ربي نزلت علي ذيك الليله وصرت متبلدة الاحساس
    رحت وتسننت ونمت
    نمت احلى نومه ماتوقعت اني انام ذيك الليله بس الحمد لله اللي انزل علي الطمأنينه والراحه



  2. وردة زنبق
    وين الناس يابنات انا لاني بقاره ثانيه يختلف التوقيت عنكم فشكلي اسولف لوحدي اهئ اهئ
    السلام عليكم

    ويبقى حبيبي
    الله يهنيك بزوجك ويخليه لك ولا يحرمكم من بعض

    رؤيا
    الله يعينك
    كيد الحريم عظيم

    وردة
    لازم تتابعين تحركات ام العريس اكيد انها حصلت وحده ثانيه غيرك

    سمو
    انا زوجي مادريت عن ملكته وزواجه
    وكان زواجه وقت موعد ولدي بالرياض
    قال روحوا للرياض انت وعيالك
    وانا بعد يومين مسافر للصين
    قلت من بيسافر معك قال واحد من زملائي
    صدقته وياغافل لك الله
    سافرنا ويوم وصلت الرياض ارسلت اننا وصلنا
    مادريت انه كان يتجهز للعروس
    وكان رايح لابوي بعد صلاة العصر وبعد مامشينا يعزمه على الزواج
    قال له ابوي ام عيالك تدري عن الزواج
    قال لا قام ابوي وطرده من المحل
    ومن بكرا الظهر دريت بعد مارجعت من موعد ولدي
    ارسلت له رساله ( حسبي الله ونعم الوكيل . الله لايهنيك)
    مارد علي ولا دق يتطمن على ولده
    وسافر للصين وجلس 20 يوم مااتصل علينا ولا رفع السماعه
    وقبل رجعته بيوم ارسل رساله قال انا وصلت للسعوديه وبكرا عندكم
    يبيني استقبله وارحب فيه
    دخل للبيت ماحطيت عيني بعينه ولا قلت له ولا كلمه
    وجاء بالليل يقول سامحيني واطلبي اللي تبين
    المهم ان زوجته مرمطته مرمطه مايعلم بيها الا الله
    وخلت سيرته على كل لسان
    اللهم لاشماته
    انا خلاص طلع من قلبي وصار مايهمني ولا يشكل علي
    صار اخر اهتماماتي
    اهم شي بحياتي الحين نفسي وعيالي وامي وابوي وبس
  3. رؤيــــــــا
    اخر قراراتها حضرتها انها تقول لو تبي عيال ازوجك الثالثه بس ما تجيب من ام فلان زياده يعني لو كان الموضوع منحصر انها حساسه انها ما تجيب ممكن ابلعها واقول يالله اكيد انها بتكون حساسه وكذا ولازم ارحمها بس لما قالت كذا معنا…
    رؤيا حببتي الله ينصرك عليها ويجعل كيدها في نحرها
    الله يهديها على نفسها
  4. المشاركة المقتبسة غير متاحة.

    كنت اتابعك ديك الايام وكنت اتعجب من صبرك وقوة ايمانك
    حسيتك انسانة عظيمة بمعنى الكلمة الله يجعل في ميزان حسناتك

تابعي تجارب أخرى من هذا القسم.