تعيرني بعدم الزواج
انا منهاااره اعتذر لو قلت شي ومافهمتوه لاني نفسيتي تعبانه وابكي من الصبح بنااات أنا والله بعدت فكرة الزواج عن بالي أو حاولت ابعدها وقلت ربي متى كتب الشي بيصير ان شاءالله اليووم جاتني وحده هي كانت معاي ايام المدرسة يابنات لكنها مب صديقتي يعني كانت معاي في الصف بس وتمر بين فترة وفترة تسلم بماا انها تشتغل في نفس المكان انا بطلت اروح لها لانها تتكلم وايد :44: بنات اليوم عندي ناس مراجعين من غير احم ولا دستور دخلت قالت لي هلا باللي بتصير عجوز بكره :44: ياافلانه لحقي على عمرج ترى الوحدة عندنا اذا وصل عمرها (27) وهذا عمري او بيكون عمري بكره محد ياخذهاا ولو ملكتي الدنيا كلها والمدير حطج فوق راسه وصرتي وزيره اهم شي بيكون ناقصج الحقي على عمرج واكثر من مره قالتها اقصد محددة 27 سنه بس كنت اطنش وبطلت اروح لها :44: تخيلوووا تقولي هالكلام قدام ناس مراجعين بكل وقاحه؟؟!! انا انهرت قعدت ارجف ووجهي تغيررر لدرجة ان في مراجع كبير في السن كان عندي قام من مكانه والله وقالي بجيج مره ثانيه يابنتي الله يستر عليج ويرزقج من حيث لاتحتسبين :44: عورني قلبي على نفسي هو حس اني انحرجت انا مب عارفه شلون اتصرف معاها مع اني لاول مره اتكلم بجد وبعصبية ويوم راح قلت لها يافلانه شهالكلام الغبي شلون تتكلمين جذي قدام الناس وتدرين ان ممنوع السوالف حتى كلمة شخبارج قدام اي مراجع فشلون زواج وعمر وعجوز :( قالت ماشفته اول مادخلت مادري انا هو نمله ولا وشوو عشان ماتشوفه وبعدين قالت لي الا شيبه ليش مسويه سالفه :06: طلعت من مكتبي وخليتها بروحها هي متزوجه وعندها طفلين وهي اصغر مني بحول 9 شهور يعني مثلا انا مواليد 84 هي 85 ومسويتها كأنها فرق مليون سنه بس استغفرالله ابداً مب مرتاحه حياتها صعبه جداً مع زوجها فعلي وشو تبي تغايضني وتحرني ؟؟!!ليش الناس جذي:44: صديقتي قالت هي مقهوره صديقتي هذي من ايام المدرسة وتعرفها بعد اوكي مقهوره بس وربي هالكلام يجرحني كثيرررر وهي تقوله بحقاره ودناءه مع انها ذايقه الويل بس اسلوب المغاير هذا يرفع ضغطي :44: ولو الزواج نفس حياتها انا مابيه استغفرالله صديقتي تقول هي تعوض نقص فيها انا يابنات الحمدالله عمر محد شاف مني شي شين من طفولتي للحين حتى مدرساتي للحين يحبوني الحمدالله متربية ومحترمة هي كانت مع سوالف الاعجاب بس مب الخرابيط رسايل وهالاشياء لا اشياء عميقه جداً وكانت خشنه يعني مسترجله ودايماً في مشاكل فالحين تبي تغير الصوره بهالطريقه مادري لان هالموضوع حاز في خاطرها بعد ودايم كانت تذكره لي ان الناس ماخذين عنها فكره للحين مع اني متزوجه وام وهي في موضوع حاز في خاطرها ومن زمان تدق في الكلام فيه هي اني مقدره في شغلي الحمدالله والمدير يقدرني ويحترمني وهي وضعها مختلف بغض النظر عن انها ثانويه وأنا جامعية هي من دولة خليجية ومقيمة هنا واصلا مولوده هنا وانا مواطنة ولابد المواطن له نوع من التميز شوي هي تلعن المدير والشغل وكل شي قدامي وبعدها تنقز لسالفة العمر والزواج يعني عشان تحسسني ترى عندج نقص كبير مهما حصلتي واذا المدير قالي انتي اعتبرج طفله في ادارتنا لازم تتعلمين كل شي ومن كل احد لان احنا رايحين انتي مستقبل لهالمكان وللبلد يعني لاني شابه هي تقعد تطالعني وتخزني او تضحك بإستهزاء او تحذف كلمه علي مثل وراثق فيج زياده عن الللازم عندج شهادة في علم الذره وانا مادري!! هالشي يتكرر في كل اجتماع دوري :( مع العلم هاذي وحدة من بنتين يضايقوني بهالسوالف في الشغل الاولى تصرفت معاهاا وطنشتهاا وفهمت هاذي مطنشتها من زمان لكن تمر علي وماتستحي :(