شاركي في النقاش

سجلي الدخول لإضافة تعليق.

التعليقات

2,011

  1. اودي
    انا يا حبيبتي فعلا مريحة بقالي فترة من قبل الحج بكذا شهر وبعد ما رجعت لغاية دلوقتي
    مش عارفة كل اما افكر اني هروح للدكتور افتكر احساسي في الأيام اللي عملت فيها عملياتي كلها واحس اني مش عايزة واني مبسوطة كدة
    بس طبعا مكدبش عليكي طبعا بفكر في الموضوع من حين الي أخر بس مش عارفة ليه انا بدأت أحس اني عايزة أغير د حسام زكي
    وكنت فعلا عايزة اخد رأيكو في الموضوع ده ، انا بحترمة جدا وهوا شاطر وانا اكتر واحدة كنت بأيده بس مش عارفة ليه حاسة ان ربنا مش كاتبلي الحمل علي ايدة، وحاسة انه مش عنده جديد يقدمهولي اكتر من اللي قدمه
    علشان كدة حاسة اني عايزة اغيرة وفي نفس الوقت طبعا مش عارفة اروح لمين وخصوصا اني حاسة اني هبدأ من الصفر مع اي دكتور ،
    والله ما عارفة بحاول اعمل استخارة واشوف هعمل ايه لأن جوزي عايزني اعمل الحقن علي شهر 3 يعني كمان شهر ونص وطبعا لازم اكون قررت

    فكرو معايا بصوت عالي وقولولي رأيكو ايه ؟؟؟؟؟؟؟؟؟

  2. @dodaaa_1

    أم اياد 2009
    هههههههه انتى بتقولى فيها دا انا لسه مخلصة اكل دلوقتى حالا بالنسبة للولاده انا طبعا عايزة اولد قيصري لاسباب كتير من ضمنها ان الحمل عزيز بس اللى حواليا وكمان الدكتورة شايفين ان ايه المانع انى اولد طبيعى لو كل شيء ماشي تمام بس اصلا مجرد ال…
    السلام عليكم
    ام اياد وتوتا
    شيفاكو منورين
    اخباركم ايه؟
    ام اياد
    ربنا يعينك ويتمملك علي خير ان شاء الله
    استحملي فات الكتير ربنا يبعتلنا اياد في اتم صحة وسلامة يارب
    انا في بلدي مفيش مشاكل لها علاقة بالمظاهرات كان تاني يوم ما جيت بس عشان جنبنا مركز الشرطة وطبعا دخلوه واللي عاوز يطلع حد او له حاجة محبوسة خدها
    وانا كده كده لا رحت اسكندرية ولا القاهرةلسة
    ميكو
    الف مبروك الحمل ربنا يتمملك بخير ويرزق مايا العسولة باخ اشقي منها
    وماشاء الله عليها ربنا يباركلك فيها يارب
    بوبا
    حمد الله علي سلامتك انا كنت عاوزة ارد عليكي والله واحمدك السلامة بس هنا النت مش مساعدني خالص
    عاوزين نشوف انوس احنا كمان اشمعني الفيس بوك
    توتا
    ازيك ياجميل
    الواحد مطمن طزل مانتي معانا مخففة غياب ريمو وشوشو واوكسي
    ربنا يكرمك في خطواتك يارب
    شيمو
    الف حمد لله علي سلامتك انتي وجوزك وانا متفائلة ليكي ان شاء الله
    لما يكتر البلاء اعرفي ان اليسر قرب قوي
    ربنا يعوض صبرك خير
    كل البنات واحشني قوي
    حاسة اني كنت بشوفكم كل يوم وبقالي كتير مقابلتكوش
    آخر اخباري
    ان الدورة شكلها حتعمل فيا زي السنة اللي فاتت
    انا مبطلة الدوفاستون بقالي 6 ايام وهي بتنزل بعده ب3 ايام بس
    وميعادها من آخر دورة كان امبارح
    وبرده منزلتش النهاردة بس حاسة بيهافي ضهري
    وكل ما اقول اعمل تحليل اقول مانا حاسة بيها خالص اوفر تمن التحليل لحاجة تانية
    ربنايسترها بقي

  3. مشمشة
    يااااااه يا حبيبتي ربنا يستجيب منك يا رب
    وفعلا مفيش حاجة بعيد عن ربنا طبعا ، انا أملي كبير في ربنا

    بس زي ما قلت لأودي اني والله محتارة اوي ومش عارفة افكر كويس وخصوصا مع الظروف الغامضة اللي البلد فيها دي
    ربنا يرحمنا ويرزقنا من غير حاجة يا رب


  4. بندقتي
    سلامة جوزو الف سلامة
    وان شاء الله التحليل يطلع في حاجة غلط وكل اموركم تتظبط يا رب

  5. دوعة
    ازيك يا حبيبتي
    انتي كمان وحشتينا اوي وكنت متعودين علي وجودك معانا كل يوم ، بس معلش كله يهون علشان خاطر تتطمني علي نفسك ان شاء الله
    بصي حاولي متفكريش كتيير في البيريود علشان ساعات بتتأخر من التفكير
    وانتي ناوية تعملي ايه لما تنزل ؟؟؟ في تحاليل ولا حاجة

    وانا طبعا مش ممكن اعوض غياب ريمو وشوشو واوكسي لأني انا كمان مفتقداهم جدا جدا جدا

تابعي تجارب أخرى من هذا القسم.