عربة التؤام ايش رايكم فيها ؟

مساء الخير ياحلوات
حبيت اسئل الاخوات الي جربوا العربة التؤام كيف استخدامها ؟
انا عندي ولدي عمره سنة ونصف وراح اولد بعد ثلاث شهور وقاعدة اجهز للبيبي وما ادري اشتري عربة تبع التوام والا استخدامها مو عملي
ولدي الله يصلحه مره شقي ولازم يكون في عربة عشان اتحكم فيها اذا طلعت برا البيت ففكرت في عربة تشيلهم الثنين
انتم ايش رايكم ؟
والي كان وضعها مثل وضعي كيف كانت تتصرف اذا طلعت برا البيت ؟

7 تعليق 1,411 مشاهدة

شاركي في النقاش

سجلي الدخول لإضافة تعليق.

التعليقات

7
  1. أهلين أختي تولدي بالسلامة إن شاء الله
    ولله أنا تجربتي غير لأني عندي توأم و أكيد عندي عربة التوأم بس المشكلة فيها بالنسبة لي ما أعرف إذا باقي الأخوات اللي عندهم توأم يواجهون نفس المشكلة أو لاء.... أنا عندي توأم بنت و ولد جربت مرة أطلعهم فيها بس إللي صار إنة لو بكي واحد منهم التاني علىطول وراه بكااااء و إتنين يبكو بصراحة صار الكل يتفرج علي !!!
    على كل حال لو إبنك الله يحمية شقي ممكن يزعج البيبي و يسبب ببكاءة و ما رح ترتاحي أبداً بأي مشوار ...بس لو هادي فهي فكرة حلوة عجبتني أو إنك تتركي واحد منهم عند أهلك
    :)
  2. @alkran_ktaby_1

    لو تبغي تشتري

    خذي اللي ورا بعض

    لاتاخدي اللي إثنين جمب بعض لأنها عريضة وحتتعبك ماتقدري تمشي بيها وماتدخل كل مكان

    أنا عندي اللي إثنين ورا بعض حلوة بس طويلة بس على الأقل أهون من العريضة

    بس مشكلتها ملفته للإنتباه تلاقي كل الناس يطالعوا فيك

    أنا عندي توأم كنت آخذها المستشفى كل الحريم عينهم علي وحزنانين علي

    وغير العين الله يكفينا شرها
  3. @tohh96

    زي ماقالت الاخت اخذي اللي وراء بعض اريح لك اذا مافي احد يمسك لك اطفالك بس كمان تحتاجينها في وقت تبغي تطلعي معاهم اختي مثلك بالضبط وباعمار اطفالك ومرتاحه بالعربه
  4. انا ما عندي توأم بس شفت وحدة مع اولادها في المستشفى حاطتهم في عربيه للتوائم بس تنفصل وتصير ثنتين ,,, يعني متى ما بغت لزقتهم او فصلتهم ... وعجبتني كثير .....

    والعربيه كانت شيكو

تابعي تجارب أخرى من هذا القسم.