انا البس عبايه رأس بس بالسفر ألبس >>>تعالي وشاركينا

السلام عليكم ورحمة الله

بما اننا بنهايه الاجازه والكل راح وجاء وسافر وفرح وحزن والحمدلله على كل حال

بهالمناسبه خلوا نتناقش بموضوع العبايه ثم العبايه ثم العبايه

المطلوب كيف تلبسين عبايتك دايما واذا سافرتي تحجبين او نفس الوضع او كيف

ابداء اولا بنفسي انا عبايتي تاج راسي ولله الحمد مسنحيييييييييل انزلها لكتفي بالسعوديه او براء :27:
ونقابي طاقته وبدون مكياااااااااااج ولله الحمد :35:
توني جايه من الكويت تصدقون بس انا لابسه رأس ولاهمني احد يكفي اني مرضيه ربي وزوجي
وحده معانا اقنعتني بالكتف والله ماااااااقدرت احس بثقل وانا افكر فيها
ممكن لو اسافر بعيييييييييييييييد البسها لان الحجاب هبله فكيف بالعبايه لكن مستحيل ابعد نقابي لو على موتي

المهم بعد مارجعت حمدت الله اني مالبست كتف علشان ماتحسب علي يوم القيامه

بنات عبايه الرأس مو دليل على التخلف او الرجعيه بالعكس دليل على قوة الايمان ولله الحمد

احمد الله اني معروفه بالذوق الحلو سواء بلبسي او في بيتي وهذا اللي يخليني اتمسك اكثر بعبايه الراس

الحين نبي الكل يشااااااااااااااااااااارك ياحوائيات:icon33:

83 تعليق 14,841 مشاهدة

شاركي في النقاش

سجلي الدخول لإضافة تعليق.

التعليقات

81
  1. شوفي برا دول غير دول الخليج صعبه عباية عالراس من وجهة نظري كتخوف سياسي يعني ممكن تكوني شبهه
    واكيد نتمسك بحجابنا وبغطا الوجه برا والعبايه الواسعة الساتره

    انا ولله الحمد مستحيل اتنازل عن عبايه الراس
    بس بدول بعيده صعب عالراس لكن عبايه عالكتف واسعة وفوقها طرحة واسعه برضو وغطا الوجه منها تمشي مرتاحه
    ومحد يستغرب منك ويصورك تخيلي الاجانب برا ما يهمهم يصوروا اي شي يشوفوه غريب

    صديقتي تعرضت للتصوير وزوجها عمل مشكلة مع بريطاني صور زوجته من بعيد بالحجاب ليه تمثال شايفها
    ولا معلم تاريخي ودخلو في سين وجيم
  2. @shtyr

    انا البس عباية راس لكن في هالوقت في عباية كتف جدااااااااااااااواسعة كانها خيمة
    ولا راس ضيقة تبين عرض الكتف اشكالهم مقرفة بالسوق
  3. @ton1430

    من قال ان عباية الكتف حرام اعطيني سوره من القرأن او حديث صحيح مايهم اذا كانت عباية كتف او راس المهم تكون محتشمه وواسعه وبدون تطريز لكن انكم تحرموا عباية الكتف انتبهووو تفتوا
    واللي تقول انها تشبه بالرجال يعني انتي كل ملابسك على الراس ماتلبس جلابيات فساتين قمصان وشكل عباية الكتف تفررررق عن شكل الثوب
    وانا مستعده اجبلك فتاوى من شيوخ معروفين بالعلم عن حكم لبسها
    وعلى العموم انا مااغيير عبايتي ولا انزل غطوتي ورايحه امريكا ولا افكر اكشف ووجهي واللي مايعجبه بكيفه حتى انا ماتعجبي ملابسهم
  4. ومازلنا نناقش عباية رأس وكتف ؛ لما الله أمر بالحجاب كانت الحكمة هو ستر المرأة وحمايتها من الايذاء ؛ والحمد لله إنه ماوضعت له شروط مثل اللون ورأس ولا كتف. فما الحكمة من إعادة النقاش في هذا الموضوع‏?‏
  5. @ryma_alaasaf

    تبين الصراحه والله ثم والله اشوف ان اغلب اللي لابسين عبايه كتف واسعه شكلها استر من هاللي عالراس وضيقه من الصدر ومفتوحه تستغربين من جابرها المسكينه والجنز كله طالع والرجلين مادري من ترضي

تابعي تجارب أخرى من هذا القسم.