طيب حبيبتي إنت شفتي ايميلات وصور
متأكدة أن يكلمهم بالتلفووون والا مجرد شك ؟؟؟
مو يمكن إنت تعتقدين أن اللي يكلمهم بنات لان مو معقولة يحاكيهم قدامك وحتى لو أفترضنا أن له علاقات بالتلفون
ليش تعذبي إنت نفسك وش ذنبك
ليش تستسلمين لهواجس الشيطان هو اللي يحطها في راسك وحتى لو كانت حقيقة مو هواجس شالفايدة اللي بتجنيها من حرقك لدمك وحرقك لأعصابك
صدقيني راح تمر عليك ساعة راح تكونين بعيد الشر أقرب الى الجنون لأن كثر التفكير في هذا الموضوع مو بس يجنن الوحدة بل حتى يأثر عليها وهي مقابلة ربها أثناء العبادة
أتذكر وحدة من صديقاتي تقووول أن كل ما ألبس حرامي للصلاة يجي في بالي يا بنية اليوم ما فتشتي جواله وما فتشتي جيوبه والبارحة اش كان عنده متأخر وووووو لحد تقول ما يذهب الخشوع من قلبي واقابل ربي وأنا فكري كيف يخوني كيف قدر يسويها وأنا مابني شي ناقص والكامل الله
رغم أن كل اللي شافته ايميلات بنات بس والبقية مجرد شكووووووك
فقلت له حبيبتي هذا أكبر دليل على أن اللي تمري فيه هو من عمل الشيطان عشان يبعدك عن ربك ويدمر حياتك مع زوجك
وأنا بقولك نفس اللي أقوله لرفيجتي شنو يعني خانك نهاية العالم يعني !!!
أدري بتقولين أحبه وما أتخيله مع وحدة غيري أحترق من داخلي وحاسة فيك والله
بس لازم تعيشين لربك أولا ولنفسك وعيالك ثانيا أوحي لنفسك بالثقة وكل ما طرأ هذا الموضوع على بالك تعوذي من ابليس مرة ومرتين الين تتخلصين من هذا التفكير
قولي لنفسك لو كان شكوك يعني أنا بكون ظالمته وراح أحمل أثمه وأثمي
ولو كان فعلا هو ظالم لنفسه ولي فعندي ربي الذي لا يغفل هو كفيل بحسابه وعقابه وهم هدايته مو أنا اللي راح أجي احاسبه
صدقيني خطأنا الجسيم احنا الزوجات أن معطين الزوج أكبر من حجمه في حياتنا وهذا خطأ
لأن أي انتكاسة في حياتنا الزوجية راح تكون مثل انتحار لنا
وآخر شي أبي أقوله لك وهو الأهم الزوج ما يحب النكد ما يحب الحزن ما يحب الزن في نفس الموضوع ليل نهار
لا عاد تذكري له شي في ذا الموضوع لأن بيتمسك أكثر ولا تحسسيه إنك تعبانة وشاكة فيه
ودايما قولي له الحمد لله أن معدنك طيب وأصيل وهذا اللي يحببني فيك وحتى لو ما كان معدنه طيب راح يصدق كلامك ويبتدي يتغير
وابتعدي عن التجسس والتفتيش في اغراضه عشانك أولا وعشان يسترد ثقته فيك ثانيا
وأتمنى إنك تخرجي من هالدوامة قريبا وتسترجعين زوجك وتعيشين بسعادة وهناء اللهم آمين
كل وحده خانها زوجها وبعدين رجع لها...تدخل ارجوكم
متابعة النقاش، صفحة 9