مشكلتي غييير عنكم!!!!!

حبيبتي احسن حاجة قراءة كتاب العقيدة الواسطية

للدكتور صالح بن الفوزان

خلي ثقتج بإيمانج أكبر كل ما اهتزت كل ما كان للشيطان مدخل

وانتي كوني على يقين انه ما بتتغيرين من مؤمنه عابده ساجده مكبره مستغفره
إلى جاحده وتتبع الشيطان بين يوم وليله!!

الموضوع يجي تدريجي الله يبعد عنا وعنكم الشيطان..

حاسبي نفسج أول بأول!! والمؤمن يحس متى قصر

انا اقول في بالي انا هاليوم صلاة الفجر ما صليتها في وقتها
لذلك احرص على باقي صلوات اليوم اني من أسمع الأذان
أقوم واستغفر وأكبر وأصلي .. هل اقعد متضايقه
لأني قصرت في صلاة الفجر؟ لا إيماني بالله كبير انه رحيم
غفور. واحاول اني ابيض ويهي تجاه ربي بعدها واجتهد أكثر
سعياً لنيل مغفرته عن تأخير تلك الصلاة ..

هذا كان مثال. انه اذا قصرتي في نقطه تجاه دينج خليها تكون
سبب عشان تتغيرين وتصيرين أفضل دائماً.

مثال ثاني بديت اتابع التلفزيون بشكل اكبر واحس انه يمكن
يبعدني عن ديني. أقوم اصلي واستغفر واعاهد ربي اني راح
ابتعد في سبيل ديني، واتدعى يا رب لاتجعلني من عبادك الظالين.

كثرة الدعاء تقرب العبد لربه وتقرب الرب لعبده.
فكيف تخافين والله قريب.






اختي كلنا نشعر بالوهن والضيق وقت الظروف والمشاكل.
متى مريتي بمشكله كرري "حسبي الله ونعم الوكيل"

مره صارتلي مشكله لو اكتبها اتوقع حتى قسم المشاكل الاجتماعية
ما بيستوعبها، ما أقدر اوصف لج الضيق اللي كان في صدري جبل
جبللل جاثم، بس قلت حسبي الله ونعم الوكيل قلتها بيني وبين ربي
ماهو تسميع للناس اني شوفوا انا اعاني!

تقولين حد مرر ايده على صدري ونزع كل ذاااااااك الهم في ثواني
يعني بمجرد قلتها انزاح الهم من صدري.. لحظتها بكيت لما حسيت
برحمة الخالق. بكيت لأني قعدت شهور اعاني من ضيق ولاقلتها الا اللحين

همسة أخيرة/
يوم ملاقاة الخالق هو يوم عظيم والواجب علينا كلنا نخاف ونحس بهيبة هذا اليوم
وإنشاءالله يكون خوفج سبب في ثباتج وتقوية إيمانج، والله يرزقنا جميعاً
حسن الخاتمه.

أولا مو تتوقعين كلامك فيه شئ من أحتقار الأخرين. (اعرف بنات متدينات بس يلبسون عباه كتف بس الحق ينقال وسيعه
ويسولفون مع الحريم
ويتفرجون التلفزيون ويشوفوا مسلسلات بس طبعا محترمه مو مثل المصري
خليجي مثلا بس من يسمعون صوت موسيقى يقصروا
ومرتاااااحين وايمانهم ماشاء الله تبارك الله
ابي اصير مثلهم)
يعني الحين المصريين سيءين و الخليجين كويسين؟؟ سبحان الله اولا شيلي العنصريه من قلبك و اسألي صديقاتك لو شافوا دنيا القوي؟؟

همسه عتاب
مشكوره على نصيحتك ان شاء الله اذا وجدت الكتاب ابقرأه

روحي لك
يعطيك العافيه والله احس انك اكثر وحده فاهمتني
توقعت محد بيفهم وش قلت بجد الكلام اللي كتبته غصبن طلع مني
بتبع نصايحك بحذافيرها باذن الله وجعلها بموازين حسناتك يااارب

لجين
لااااااا ياختي لا تفهميني غلط
والله موقصدي اني احتقر احد او اميز احد عن احد
((اعرف بنات متدينات بس يلبسون عباه كتف بس الحق ينقال وسيعه
ويسولفون مع الحريم
ويتفرجون التلفزيون ويشوفوا مسلسلات بس طبعا محترمه مو مثل المصري
مثلا بس من يسمعون صوت موسيقى يقصروا
ومرتاااااحين وايمانهم ماشاء الله تبارك الله
ابي اصير مثلهم))
اول شي وين الاحتقار ياختي انا ماسبيت البنات المتدينات ولا كفرتهم ولي مو مسوينه مو حرام
بس انا قصدي من كثر مااتوسوس بالدين هذا حلال هذا حرام اقوم اتشدد والبس عباه راس وكفوف بس بعدين تثبط عزيمتي
وبالنسبه للمسلسلات ياختي انا اقصد ان المسلسلات الخليجيه على الاقل مافيها مناظر فاضحه اللي موجوده باغلب المسلسلات المصريه مثل اللي تعانقلك واحد وتلبسك ذاك العريان المغري

الكلام واضح وانا كنت اتكلم عن المسلسلات مو بنات مصر والخليج وش دخل ذا بذا
اختي ياريت لاتخرجين عن الموضوع وانا قلت من البدايه تفكيري مشوش وماني عارفه اوضح عدل وخلي عندك حسن ظن بالناس
واعذريني ان كنت زعلتك بشي بس انا محتاجه اللي يوقف معي مو ينتقدي الحين!!

حبيبة قلبي الله يشرح صدرك وييسر امرك
انتي قلتي انك ماتسمعين اغاني وهذا شي يرضي الله وقلتي البس قفازات وما اتفرج على المسلسلات وما اقعد مع الحريم الي يغتابون
كل هاذي اشياء ترضي الله والالتزام بها جهاد انتي تقولين تعبت اصبري لان الطاعات الصبر عليها يعتبر جهاد
ولا تسمعين البنات الي يقولون اسمعي محاضرات غير استمري على سماع كل انواع المحاضرات وانتي وضعك افضل من الي عبايتها على الكتف وتفرج هلى مسلسلات
انا اايد راي الي نصحتك تدعين الله رضاه وحبه وتيسير الامور منه سبحانه مهوب من خلقه
الله يحفظك