نحن شباب هذه الأمة فلنغير واقعنا بايدينا (للسعودين)

[
آمين يارب

جزاك الله خير

اظن اختي العزيزة لم تجربي
وان كنتي جربتي الخطابات تقدري تقولي كم خطاب ارسلتي وكم برقية لتغير منكر من المنكرات الي تحيط بنا وماهو الرد؟؟؟
كم برقية ارسلت معك لنتقاد نفس الموضوع؟؟؟
ما يكفي واحد يرسل والاف ممن شاهدو الحادثة ساكتين؟؟؟
لكن لو تكررت الشكاوي من اكثر من جهة لنفس المشكلة راح نغير الكثير
وحتى بدون خطابات
قال الله تعالى: { كنتم خير أمة أخرجت للناس تأمرون بالمعروف وتنهون عن المنكر وتؤمنون بالله }
وقال رسول الله عليه الصلاة والسلام
( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .
لماذا نغلق اذاننا عن الحق
غيري المنكر بيدك بلسانك لماذا دائما نسلك طريق الضعفاء ونحن في مواقع قوية
اذا رحت لدائرة حكومية او حتى خاصة من يعملون بها وضعو لخدمة المواطن فلماذا تنتهك حقوقي واسكت ثم القي بالوم على من عينهم انا مسئولة ايضا عن المطالبة بحقوقي التي ضمنها النظام لي
ولا تقيسي على شعب مصر
نحن مختلفين جدا
فدولتنا تحكم بالكتاب والسنة وهناك نظام وعقوبات
ولكننا لا نعرف حقوقنا ولا نظام الدولة ونتنازل عنها
ومن واقع تجربة
صديقتي اتوفت بنت اختها بخطاء طبي
ورفعو برقيات لوزارة الصحة و للامارة ولوزارة الداخلية وللمباحث الجنائية
تدخلت كل الجهات للمتابعة والمحاسبة وكونت لجان من كل جهة واخذو حقهم والحمد لله واتعاقب اكثر من شخص في قضيتها...
ابحثي في قوقل
عن المواضيع التالية
لجنة من الداخلية للتحقيق في وفاة طفلة مستشفى الولادة
الأمير عبدالعزيز بن ماجد يأمر بالتحقيق في وفاة {ليال}
هذة قصة انا شاهد عيان فيها ورايت اهتمام المسئولين في الدولة وسعيهم لاحقاق الحق
حتى بعد ماقررت العقوبة تواصلو معهم هل يرضيهم الحكم ام من حقهم رفضة واستئناف الحكم
فجزاهم الله خير
واكيد فيه غيرها الكثير
لعلمك نحن الدولة الوحيدة في العالم التي يسمح للمواطن فيها بمخاطبة الملك مباشرة وبمقابلته مباشرة
وكل مسئول نستطيع الوصول اليه اما بخطاب او زيارة

طبعا راح ياثر لو كل واحد فينا اتكلم وبداء بتغير الي حولة بنغير كل المجتمع

صعب تغيري كل المجتمع لكن فيه كثيرين فيهم الخير
وبأذن الله نكون منهم
نبدأ بانفسنا وبقدر استطاعتنا صدقيني راح يتغير الوضع وراح نسن سنة حسنة الناس ينقصهم التشجيع والمبادرة بعدها راح يتعودو على اخذ حقوقهم

انا اولكم توني الاسبوع اللي طاف غاسله شراع منظفات وممرضات في مستشفي المزاحميه تخيلوا يابنات داخله الطواري ولقيته ريحته كلوركس تكتم الصدر وماعندهم الاغرفه وحده وسيب والريحه ماتقدرين تنفسين منها ولما دخلت على الدكتوره لين فيه عجوز مركبين عليها الاكسجين ومكتومه وقول لدكتوره ليش الكلوركس ريحته فايحه انتم ماتخلطونه بالماء وش ذا حرام فيه مرضي صدر وحساسيه
ماامداني اكمل كلامي الا العامله جايبه فلاش منتب مصدقيني فلاش فلاش بعلبته وتكبه عند ارجولنا بيني وبيبن الدكتوره فلاش بووور ماهوب مخفف وتكلم عليه خيير خير خففيه حطي عليه ماء وليش اللحين انا جالسه على الكرسي والله يابنات ماكني اتكلم
كني اغني واقول لدكتوره المريضه بتموت ماحد عندك
طبعن الدكتوره هنديه والمنظفات سلنكيات والممرضات سلنكيات مثلهم مابه احد سعودي يرد لي الصوت
الا الدكتور المناوب يدخل من الجنسيه السودانيه واقوله تخيلو وش رد علي قال يوثر عليك الفلاش هو بس موقت واذا احتجتي ركبنا لك اوكسجين قلت انا بطلع بروح برا المشكله المريضه اللى عندكم عجوز ضعيفه جايه تبي المساعده خافوا الله والله يابنات والا يقلب علي انا نعرف ربنا منتى اللى تقولين لنا وهذا بينا وبين ربنا ووووو
وطلعت مابه احد مدري وش اسوي المدير ماهوب في غرفته وهذا غيض من فيض

صادقه اللي قالت في الإتحاد قوه لازم نتحد ونصلح بلدنا
ونقضي على الفساد وما نتقاعس ونقول مابليد حيله
بالعكس إحنا اللي في يدنا كل شي بعد الله وأنا مع اللي تقول هذا زمن المظاهرات
اللي مايتغير بالرضا يتغير بالقوه
والموظفين اللي يتلاعبون بالأنظمه لازم نوقفهم عند حدهم ونقضي على الواسطات والرشاوي
ويتحاسب كل حرامي نهب خير السعوديه
الله يجمعنا على فعل الخير

مشششششششكورة حيل