تخيلوا يابنات اخته وش تقول لامي

كيفكم ياحوائيات ان شاء الله بخير
بقولكم قصتي قبل سنه خطبني شخص وسالنا عنه الكل مدحه وجو اخواته وامه شافوني وعجبتهم ووافقت عليه وامي وابوي موافقين في اخر لحظه رفض ابوي لانه هومتخرج بس مومتوظف خطبني اول ماتخرج قبل لا يتوظف اتصل اخوه وقالهم ابوي مالكم نصيب انقهرت يابنات لانه انسان مايتفوت واتصلت اخته على امي مقهوره تقول منبي غيرها بس امي مابيدها شي ومرت الايام ونسينا الموضوع وقبل كم يوم حضرت امي زواج وجات اخته تخيلوا يابنات وش تقول لامي تقول زوجناه وزواجه كان قبل اسبوع الله يوفقه بس تخيلوا تقول والله الى الحين وهو متعلق في بنتك ومو عاجبته اللي اخذه وهو لساته عريس تقول كل مايمر من عندحارتكم يقول احس بضيق نفسي امره عليهم وترى هو ماشافني بس خواته وصفوني له والانسان تعلق فني وتقول قلته ماتدري يمكن تكون من نصيبك وش قصدها يخطبني وهو متزوج مستحيل بوافق اللي قاهرني في الموضوع لما تقول الى الان هومتعلق فيها موراضي ينساها سبحان الله من جد ان الزواج قسمه ونصيب وترى مو بس هو متعلق فيني حتى اخته تقول لامي والله لو عندي اولاد ماافوتها نفسنا متعلقه فيها وسامحوني طولت عليكم

63 تعليق 7,329 مشاهدة

شاركي في النقاش

سجلي الدخول لإضافة تعليق.

التعليقات

59
  1. @am_fayn

    الله يوفقله بس دامه تزوج خلاص المفروض مايفكر ايش ذنب اللي ماخذها

    وانتي ربي يعوضك باللي احسن منه
  2. @baby_sitter

    لا تفكرين فيه
    وما عليك من كلام أخته
    ولو هو صدق نفسه فيك ويبيك كان أول ما توظف وكون نفسه
    خطبك مره ثانية مو يروح لناس ثانيه
    هذي بس تبي تقلب السالفه وتأملكم
    مع انه شاف نصيبه

تابعي تجارب أخرى من هذا القسم.