هل فيه أحد بهالتجمع المبارك ما قد انخطبت مثلي؟
ولا حتى سألوا عنها بالتليفون؟
أنا ما يهمني اني ما أعرست لكن يكسر خاطري إني ما قد انخطبت
<<<<< دمعت عيني يوم كتبت السطر اللي فات
هذا الشرخ كبير جداً وهزني بشكل ما تتصورونه
ويحسسني دائماً بالفشل
بكل اختصار أنا محطمه من الداخل
وفي آخر جمعه لي مع صديقاتي قعدوا يتكلمون باللي خطبوهم
وقالوا ما فيها شيء الوحدة لمن ما تنخطب وناظروني لأني ما تكلمت معهم
حالياً لا أريد زوج ولا أريد أطفال
"من كثر ما أعيد وأزيد في راسي ما يهموني الأطفال صرت أكرهم"
وما أتقبل وجودهم بمكان "صاروا يزعجوني"
مشكلتي أبي بس أنذكر بالاسم يعني حتى ولو خطبه موب رسميه
هذا الشيء الوحيد اللي أحس المتزوجات تفوقوا علي فيه انهم انخطبوا T.T
يمكن تقولون اني تافهه لكن صدقوني انه شعور مؤلم
إني مو مرغوبه من أحد
شلون أتغلب على هالاحساس؟ ولا تقولون شيلي هالشيء من تفكيرك لأنه مو حل
أنا أبي الطريقه اللي تخلصني من هالنقص اللي أحسه
شلون أشيل هالشيء من بالي؟
العشريبنات الثلاثينات الاربعينات اللي اخر همها الزواج وعايشه حياتها ومستانسه
متابعة النقاش، صفحة 7
وقفة احترام لك