000زوجه اولى000حياك الله ببيتك الجديد/ عذرا لا يتم فتح ملف جديد الا باذن من المشرفات

متابعة النقاش، صفحة 35

شاركي في النقاش

سجلي الدخول لإضافة تعليق.

التعليقات

827
  1. @shms_aayaly

    السلام عليكم ورحمة الله وبركاته
    كيفكن بنات ان شاء الله اموركن تمام
    اعرفك بنفسي انا زوجه وحيده وعندي خمس اطفال
    عمري 35 بس سبحان الله في رمضان جاني ورم في الغده الدرقيه
    واتضح ان خبيث وشلته واتعالجت يارب لك الحمد ودحين فحوصات كل شهرين
    الزبده ياحلوين ان بعد تجربتي صرت افكر اسمح لزوجي يتزوج لسببين
    الاول عشان اولادي اخاف يرجعلي المرض واموت عنهم اقلها اكون عارفه من تربيهم
    بعدي
    والثاني عشان زوجي بس مجرد ماطرحت الفكره على الوالده الله يحفظها لي
    قامت على واعطتني ذاك الموشح الي يحبه قلبكم
    فكرتها ان لو بيتزوج مابيستنى رايك وثانيا قالت لو هو المريض انتي بتصبري عليه
    فما يضره يصبر دحين
    شفت تجمعكم وقلت خلني اتعرف عليكم واشاوركم ياحلوين فكرتي صح ولاغلط
  2. @andlsy_4

    لا يا قلبي

    المرض مو معناته الموت

    الله يشفيك يارب ويخليك لعيالك

    ثانيا تجمعين على نفسك مرض جسدي ونفسي؟؟؟

    لا تسألوا الله الفتنه

    وعيالك لهم ربي سبحانه مو البشر ادعي لهم وتذكري وكان ابوهما صالحا فحفظ الابناء ممتد من الاباء

    وانت ضامنة عمره هو او عيالك مثلا ؟؟

    ما ادري صراحة بس احس من تاثير الحالة النفسية اللي انتي فيها تقولي كذا لكن اشوف كلام امك الله يحفظها هو عين العقل

    والله يشفيك ويخليك لعيالك ويصلحهم ويبلغك فيهم ما تتمني من خير الدنيا والاخرة
  3. السلام عليكم ورحمة الله وبركاته
    ملوخيه
    بصراحه مدري وش اقول لك لاني مقدر ابارك لك لان الطلاق محد يقدر يفرح به لكن اسأل الله لك حياة سعيدة مع زوجك ملؤها الحب والاحترام والوفاء والله يكفيكم شر عيال الحرام وبنات الحرام
    سمو
    انا حاسه فيك حاليا ماتقدرين تكملين حفظ لان نفسيتك تعبانه فحاولي ماتضغطين على نفسك والله يصبرك ويربط على قلبك
    شمس
    الحمدلله على سلامتك ويارب مايرجع لك المرض خليك قويه بايمانك وبثقتك بالله وبعدين انتي تعلمين الغيب يوم تقولين اخاف اموت واخليهم الله يطول بعمرك ويخليك لعيالك وبعدين مافيه زوجة اب تحب عيال زوجها خصوصا لما تخلف منه
    نصيحتي عيشي حياتك بالطول والعرض يما يرضى الله ولا تجيبين الهم والنكد لنفسك
    وحياك الله
  4. @reeeeeemaa

    شمس عيالي
    السلام عليكم ورحمة الله وبركاته كيفكن بنات ان شاء الله اموركن تمام اعرفك بنفسي انا زوجه وحيده وعندي خمس اطفال عمري 35 بس سبحان الله في رمضان جاني ورم في الغده الدرقيه واتضح ان خبيث وشلته واتعالجت يارب لك الحمد ودحين فحوصات كل شهرين الزبده …
    هلا والله فيك في بيتك وبين خواتك

    وصراحه انا ماوافقك بفكرتك يابنت الحلال الاعمار بيد الله سبحانه ماتدرين لو انك اطول منه عمر

    إياني واياك تفتحي سيرة الزواج قدامه لا يحطه براسه طالما أنه مافكر للآن لا تفتحي عيونه عليه

    واللي كاتبه ربي بيصير عيشي حياتك انتي وزوجك وعيالك ولا تفكري وش راح يصير بالمستقبل

    والله يلبسك لباس الصحه والعافيه وجميع مرضى المسلمين آآآآمين

تابعي تجارب أخرى من هذا القسم.