مد يده على أمي .." جعلها الكسر "
مرحبا أخواتي
بصراحة مدري وش لون أبدأ بالسالفة .. بس اللي أعرفة أن لي عم الله يجيركم من أمثاله عدو نفسه وعدو الناس أجمعين ..
من كان صغير بسنه وهو سبب تفرقتنا مع بعض , والحين عمرة بالثلاثين ولازال عثرة في تواصلنا مع بعض..
تخيلوا كنا جالسين عند جدتي أنا وأمي وأخواتي وجاء هو وأخوه "عمي الثاني" يسلمون ,من اتفه الأسباب خلق مشكلة مع أمي وارتفع صوته ومد يده عليها " جعل يده الكسر" ..
يرضيكم يمد يده على حرمه بمقام أمه.....لاتعليق
وبعد هالحادثة بدت المشاكل بينه وبين أخواني وصارت التفرقة لأنه دايم يجلس عند أمه وأخواني يرفضون السلام بسبب تواجده الدائم عندها..
حتى أخواته صارت جياتهن قليلة لأمهن لوجوده لأنه لايحترم أحد ,دايم تعليقاته ثقيله وسليط لسان ...
أنا وأخواتي مقاطعينه خمس سنوات وكل هذا بسبب أنه مد يده على أمي وهي كبر أمه ولا تحل له . ولا أعتذر ولا ترك أخواني في حالهم .. والغريب أن الجدة تدافع عنه وتخاف منه ..
مدري مقاطعتنا له على صواب . مع أن هذا أقل ردة فعل نقدمها عن أمي .فيه غيره أثنين من أعمامي وعلى تواصل معهم ومابيننا أي شي والغريب أن هذا أصغرهم ..............