غسالتي ال جي ...آتمنى تساعدوني ولكم الأجر ان شاء الله

انتي واضح انك مقريتيش الكتالوج بتاعها
انا عندي ال جي مش نفس الموديل
بس بصي يا ستي
انا هقولك تستخدميها ازاي
اول حاجة
الصابون
الدرج اللي على اليمين
متحطيش فيه مسحوق الا اذا كنتي عاملة الزر بتاع الغسيل الاولي ( الغسيل المبدئي)
الدرج اللي على الشمال دا بتاع المسحوق اساسا

الدورات او عدد الدورات
دا معناه عدد دورات العصر لكل دقيقة
يعني لما انتي بتحطي على 400 دا معناه ان سرعة الحلة بتاع الغسيل لما تعصر هتدور بسرعة 400 لفة لكل دقيقة
وعشان كده انتي لما بتحطيها على اقل دورة مش بتجفف الملابس كويس
بس في حاجة لازم تخلي بالك منها
ان سرعة العصر بتحدديها على اساس نوع الملابس
يعني الصوف المشغول او التريكو مينفعش تزودي سرعة العصر فيه فهمتي
القطن عادي البوليستر عادي
البطانيه عادي

بالنسبة لمدة الغسيل مدة ثابتة مش هتقدري تلعبي فيها
كل برنامج وله مدة ثابتة
التجفيف مش هقدر افيدك فيه لانه مش عندي
لو عزتي حاجة في الغسيل انا موجودة
سلام

ملابس القطن البيضا (الداخلية)
حطي على قطن استخدمي اعلى سرعة عصر اللي هو الزر بتاع (400 - 600 ........) واعلى درجة حرارة عشان تضمني نضافة الملابس
بشرط ان الملابس تكون الداخلية البيضاااااااااااااااااااااااا والفوط البيضاء القطن وملايات السرير القطن فقط وطبعا الغيارات الداخلية والفوط لوحدها والملايات لوحدها (متحطيش قطن ملون لو مش واثقة في ثبات الالوان ولا تحطي ملابس ذات اقمشة صناعية عشان هتبوظ من الحرارة)حطي نصف كوب اريال الاخضر وداوني في الدرج بتاع الداوني
ممكن تشغلي الشطف الطبي والوقاية من التجاعيد والغسيل المكثف

البرنامج دا مدتة ساعتين ونص
ومتقوليش ان مدته طويله لان انتي مش بتعملي حاجة لكي ان الملابس تنضف وخلاص انتي مش بتغسلي بايدك ولا انتي بتلفي الوتور سيبيها تغسل طالما انتي عاوزه الهدوم تنضف

الالوان حطي قطن سريع
نفس قصة الازرار واعلى سرعة عصر ممكنة الغسيل عالبارد طبعا مفيش داعي لدرجات الحرارة المنخفضة لان ملهاش لازمة
مدته اعتقد ساعة ونص

لبس الخروج
عندك غسيل ناعم بدون حرارة حطي العصر على 600 او 400 لان ملابس الخروج عاوزة دوران حلة مش قوي

البلوفرات والتريكو
غسيل يدوي بدون حرارة سرعة عصر 400 او اقل سرعة عصر ممكنة

البطانية
لها برنامج خاص استخدميه زي ماهو حطي نص كوب او تلت كوب مسحوق فقط
لان البطانية بتعمل رغوة وطبيعي ان البطانية مش بتبقى قذرة اوي فانتي اللي محتاجاه ان البطانية تكون ريحتها حلوة

لو عندك اطفال حطي ملابس اطفال بس البرنامج دا معمول لملابس الاطفال القطن اللي هي الداخلية فقط وضروري الغليان
اما ملابس الاطفال الغير داخلة فتاكدي ان درجة الحرارة متوافقة مع نوع الملابس

الغسيل السريع
دا استخدميه لو عندك حاجة وعاوزة تغسليها بسرعة زبطي البرنامج اللي انتي عاوزاه من حيث سرعة العصر ودرجة الحرارة ونوع الشطف وما الى ذلك والبرنامج دا مدته نص ساعة
ولو عزتي حاجة في الغسيل قوليلي وانا اجي اغسلك
هههههههههههههه
وسلام

اختي هالغساله من اسهل مايكون مجرد انج ااتحطين المسحوق وتنعيم الملابس والملابس وكل شي يصير بنفسه

اول شي تختارين الملابس الي تبغينها طبعاً اذا غسالتج 5 كيلو او 6 كيلو المفروض ماتكثرين

المهم بعدها تحطين مسحوق الصابون في الفراغ الي على اليمين والي على اليسار والي في النص تحطين منعم الملابس مثل كومفورت وغيرها

وبعدها تختارين نوع الغسيل اذا كانت ملابس قطنيه حطي كوتون وبعدها تختارين نوع التجفيف انا استخدم يا

Cupboard dry او iron dry

وطبعاً على حسب كميه الملابس ياخذ اما ساعتين ونص او 3 ساعات وهذا شي عادي

لانه بينظف الملابس مرتين وبعدها يغسله من الصابون وعقب يشطفها بالمنعم

ولما ااتخلص راح اتحصلينها جافه تماماً

وكل التوفيق ^_^

الله يجزاكم خير افدتوني وكثر الله من أمثالكم وأعذروني ع التأخير لأن النت ماكان شغال تمام هذي اليومين ..

بس عندي سؤال ملابس الاطفال الملونه وش البرنامج اللي ممكن أتبعه
قولوا لي الاسم وكم العصر ودرجة الحراره ؟!




مافيه قطن سريع ماادري وش تقصدين ؟! وش اسمه بالانجليزي بالغساله تقصدين اللي مكتوب ٣٠ دقيقه ؟!
وكيف ممكن احطه غسيل ع البارد يعني اختار أقل درجة حراره


والله يعطيكم العافيه