مريت تقريبا بموقف مشابه لموقفك
وهو اني انا اروح السوق اكثر من اختي فأحيانا اشوف اشياء هي تحتاجها
واتصل عليها واقول لها شفت هالشي الفلاني في السوق تبينه اشتريه لك
وهي تقولي اي اشتريه الله يعافيك
فأسألها عن النوع واللون والكميه اللي تبيها فتقولي عن طلبها
وانا طبعا اقصد اشتريه لها وبعدين تعطيني هي قيمته
بس اذا شريته لها تاخذه وماتجيب سيره للفلوس ولا تسأل حتى بكم سعره
وانا اصير ودي اقول لها بس انحرج واقول المفروض هي تعطيني بدون ما اقول لها
خصوصا اني لاجيت اشتريه اقول لزوجي هذا لأختي هي موصيتني عليه
يعني زوجي اللي يدفع سعره
فتشوفيني ودي اطلبها الفلوس بس مستحيه وتكررت هالسالفه كذا مره
يمكن تقولين ليه تشترين لها مدامها ما تدفع قيمته
انا اشتري لها عشان زوجها نادر مايوديها السوق وانا ابي اخدمها
المهم
آخر مره شريت لها وشفتها ما جابت لي طاري الفلوس زي كل مره
قلت عاد هالمره لازم اقول لها واللي فيها فيها
وارسلت لها على جوالها وانا والله مستحيه وحتى قلت لها في الرساله
اني مستحيه
ان الأشياء اللي طلبتيها ما عطيتيني قيمتها وانا مستحيه من زوجي لأنه هو اللي
دفع الفلوس وانا قلت له انهم لك
وما ردت علي
وفي اليوم الثاني ارسلت لها ان يمكن انت زعلتي اني طلبت الفلوس
وهالشي معروف ان الواحد اذا طلب من احد يشتري له شي يعطيه قيمته
وانا مستحيه من زوجي لأنه هو اللي دفع قيمته
تخيلين شردت علي
قالت انا اصلا كنت ناسيه ومره ثانيه لا تشترين لي شي عشان ما احرجك عند زوجك
وكلام كثير نسيته بس شكلها كانت مصدومه وزعلانه
بس شلون كانت ناسيه وهي كانت دايما تجيب طاري اللي شريتهم لها بأنها استفادت منهم
الصراحه انصدمت من ردها لأني توقعتها بتعتذر وتقول معاك حق وتعطيني الفلوس
المهم في النهايه انا اللي اعتذرت لها وما بغيت منها الفلوس
وتمنيت اني يوم اعتذرت لها انها قالت لي ليه تعتذرين هذا حقك وانت ما غلطتي
للأسف اقبلت عذري وشكلها اعتبرتني فعلا انا الغلطانه
سبحان الله فيه ناس عليهم تفكير مب طبيعي
ساعدوني منحرجه بسالفه
متابعة النقاش، صفحة 4