السلام عليكم
والله تعبانه من اللي فيني ولا ابي اكتب واتعب زياده
بس مالي الا انتم وابي افضفض
انا متزوجه لي 3 سنين وزوجي طيب وحبوب وكريم لابعد الحدود وهذا اللي يشفعله
المهم تهاوشت معه على سفريته لدبي العام رايحلها واللحين بيروح لها
طبعا مع اصدقائه ماابي ادعي عليهم مااقول الا الله يهديهم
ويهديه
قبل شهر تهاوشت معه قالي انا بغير جو وبسافر قلت ليش تروح مع اخوياك
روح معي قلب السالفه علي انتي تبين تتدبريني وتتحكمين فيني
انا عناد فيك بسافر قلتله لاتخرب اللي بيننا قالي تهددين
تبين تروحين لاهلك والله ماارجعك لتجي حرمه بدالك بهالبيت
المهم اللحين بيسافر ويقولي ترى انا اللي مقترح هالسفر عالعيال يعني اخوياه
قلت دامك ناوي الروحه ليش تقولي
قالي انا غلطان انتي المفروض مااخليك على راحتك مااقولك لاتروحين ولاتجين
بس شكلك كبر راسك علي وتبين تمشيني على كيفك
وانا والله تعبت معه انا ناويه مااكلمه لو اجلس سنين بس بتعب
ولا اقدر ازعل واروح لاهلي لان ماينشد فيهم الظهر
واحيان اقول ماابي اخرب على نفسي وافرح نااس علي وهي كلها خمس ايام
وقلت لارجع اللحين بكلمه عاااادي وقلتله اقطر بعينك لان كان يخلين اقطر قالي لا
قلت ليش زعلان قال لا وسكت وسكت انا
انا عارفه انه منصدم اني كلمته لانه متوقع اني ازعل واروح لبيت اهلي
انا وش اسوي ودي اجيه واقوله ترى ماتهمني تروح ولا ماتروح دامك قررت ماعاد تهمني زي اول
واللي بقلبي تغير عليك مو عشان سفره علشانك قلت عناد فيك سافرت
وعلشانك ماتقدرني تروح ولاعليك مني
انا ناويه امشي الوضع عادي واكلمه عادي مثل اول بس مااكثر معه جلوسي ولا سوالفي
والله حاقده عليه
ويقولي انتي عارفه اني لاسافرت ماازني قلت بس تدخل مراقص قال انا غلطان اني اعلمك
وقالي ليش رضيتي المره الاولى واللحين تقولين لا
وانا اصلا مارضيت المره الاولى سكت لين قبل مايروح بليله وقالي انا عطيتهم كلمه يعني اخوياه
وانا في وقتها قلت بخاطري اكيد هاذي طقت براسه وبما انه اول زواجنا باقي ماحس بالمسؤليه
انا ابيكم تقولولي وش اسوي ومنو مثل حالتي وكيف تصرفت انا عارفه مااقدر ارده ابدا
بس تراي حقووووووووده وانا ماراح انساها له
وكيف اسوي لارجع
وهل اقوله ان ماعاد له بقلبي شيء
شاركي في النقاش
سجلي الدخول لإضافة تعليق.
التعليقات
43- الخمسه الايام اللي بيسافرها افرشي سجادتك وادعي الله يهديه ويبعد عنه هالسفرات
واستودعي الله سمعه وبصره..
الله يرده لك ردا جميلا..
اذا جا تعاملي عادي ولا تسألين عن سفرته وحاولي تنشغلين وتقرين كتب.. - روحي معه
- زوجك راسة كبير والله ويعاند
وباين من كلامة انه ما يهمة انتي في البيت او في بيت اهلك الحل يختي انتي عارفة زوجك اذا هو راعي مراقص وبنات وخرابيط فا الله يعينك انا ما ودي اقولك
ااطلبي الطلاق عشان راح يسافر وهو ناوي على المراقص
اذا زوجك كويس معك وفيه صفات حلوة خليك في بيتك وطنشي المووضوع وكنه ما سافر واهتمي في اشياء ثانية لانه الحين كل الرجال خاينة و يتزوجون زوجات ثانيه فا اجلسي على مجنونك لا يجي اجن منه - واذا جاء حسسيه انك مشتاقه له وان البيت فاضي بدووووووووووونه
حتى لو تجاملينه
غير كذا اذا بغيتي شي لاتمشين كلامك عليه هذا اللي يقهر الرجال
خليها مشوووره بينك وبينه
وخلي كل شي بينكم بالمشاوره يعني مو بالغصب
والله يسخره لك ويحببه فييييييييييييك - الله يسخره لك ويتراجع بسفريته ويرجع لك ندمااااااان
مواضيع مشابهة
تابعي تجارب أخرى من هذا القسم.