تفضلي بطلب وصف اي موقع تريدين وسوف نساعدك بإذن الله

السلام عليكم ورحمه الله وبركاته

لو سمحتو ابغى اعرف كيف اوصل ل


جامعة الملك سعود - حي غرناطة - شرق الرياض
وانا اسكن في العقيق في الرياض

جزاكم الله كل خير

بنات الله يعافيكم أنا في شرق الرياض حي الروضة أبي وصف

مايا تشوكليت

وحلويات جوي

و مشغل لمسة العنود

الله يجزاها خير ويوفقها اللي تدلني ...

جزاك الله خير على دعواتك والله بحاجه لها
واسأل الله ان يجعل لك بالمثل واضعافمادعيتي ياررب

شوفي يالغلا

منتزه سلام وااااضح مرره

انتي بتجين من اي حي بالضبط ؟؟

المهم هو على طريق الملك فهد بالضبط ... اذا انتي جايه من شمال الرياض(العليا وماحولها فهي على طريق الملك فهد على يدك اليسار بعد طريق ابن زيد )

واذا جايه من السويدي ومن الشفاء وغيره فهو على طريق الملك فهد ويقع على ايدك اليمين بعد شارع عسير

لو قلتي لي من اي حي انتي بالضبط وصفت لك

السلام عليكم..

بنات لو سمحتن ابي مكان التوجيه بجنوب الرياض ضروري ..

تكفون لا تتاخرون علي بالوصف ربي يحرم يدينها عل النار اللي ترد علي

عزيزتي

اكيد تعرفين طريق الدائري الشمالي اتجهي مع طريق الدائري الشمالي (طريق الدمام مخرج 4) اطلعي معه ووجهك شرق امشي سيييدا كأنك بتروحين المطار او سابك او مجمع غرناطه وخلك سيدا الى ان توصلين مخرج 8 (الدائري الشمالي)نفس الطريق اللي انتي ماشيه فيه كمليه (طريق الدمام مخرج 8)

بيكون على يسارك شركة سابك المهم خذي طريق الخدمه يعني اتمشين بالوسط امشي يمين طريق الدمام وبيجيك شارع خالد بن الوليد يمينك عند شركة توكيلات الجزيرة والعثيم

ادخلي الشارع اللي بين الجزيره وبين العثيم وامشي سيدا باتجاه الجنوب وبتجيك الجامعه على اليمين