مشكله بين بنت وامها.............

مرحبا اختى
اولا هذى حاله معظم البنات في مرحله المراهقه ونظرا للتغييرات العده التى تطرأ عليهم منها عدم الاخذ برأي الاخرين و رفض النقد الصادر منهم ماعلى اختك سوى ان تكلمها باختيار الوقت والاسلوب المناسبين كأن يأتى بصيغه الطلب لا الأمر وبيان الجانب السلبي للموضوع
اما عن اخبار احدى صديقاتها فلا انصح نظرا لكون هذه الفتره هى مرحله مراهقه والمراهق لايحب ان تهتز صورته اما الناس فما بالك لو كانوا اصحابه هنا ان علمت فستقع باللوم عليك وستزيدين من عنادها واصرارها على الامر وان كانت في قرارت نفسها تعلم انها مخطئه.

وان احببت ان تساهمي في حل المشكله حاولى التقرب منها لنصحها وارشادها بعد امها طبعا.


تحياتي


حلم ماضي

لي تعليق بسيط على الموضوع

هو أنني لوكنت مكان البنت ماأرضى يكلمون صديقاتي من وراى مهما كان

وبعدين هي ماسوت شي غلط ليش كذا ... لو لاقيه عند أمها اللي تبيه ماراحت لصديقاتها ...

يعني لازم الأم تسولف معها تعطيها وجه ............

للرفع

السلام عليكم

هلا خواتي اشحالكن ان شا الله طيبات

والله خواتي تراه مو شرط ان الام مو عاطية البنت ويه والا لا المشكلة ان هذا صار من مستلزمات المرحلة الصعبة اللي يمرون بها وهي المراهقة لازم يقضون اكبر وقت مع الصديقات وانا نصيحتي لج حبيبتي انج انتي او اي وحدة من خالاتها تحاولون تتقربون منها اكثر وتحاولون تشغلون وقتها اكثر علشان ما يتم عندها وقت لصديقاتها حاولوا تكونون دايما حولينها حاولوا انها هي اللي تيي وتدور عليكم هذا الشي طبعا يباله شغل وايد بس مو صعب التحقيق اهم شي انكم لا تتحدونها في انكم تقولون لربيعاتها عن المشاكل اللي بينها وبين امها لا تدخلون ربيعاتها في السالفة خلو الموضوع بينكم وبين البنت هم ما يخصهم وما راح يهتمون اساسا

وان شا الله خير ان شا الله

اختكم في الله

ام ناصر