شاركي في النقاش

سجلي الدخول لإضافة تعليق.

التعليقات

29
  1. @almthhlh

    تنظيف البشره وتمرير ثلج بموية الورد وكريم مرطب وبيس مناسب واساس وشوي بودره تشوفين بشرتك 100% ياعديل الروح ..,..
  2. الفل كفر عند مااك يجي بعلبة دائرية هو صحيح ثقيل بس يتخفف باسفنجة فيها مووية ورد لوبغيتي وعقب ماتخلصين بعد مكياج جربي مثبت المكياج من ج.كازانوفا
  3. @lhn_alodaaa

    أنا تصير معاي نفس مشكلتك ،،

    لأن جلدي رقيق جدا و حساس ،،

    أحاول ما أكثر البودرة تحت العين و حول الفم ،، و لا أضغط على المنطقة ،،

    ومع كذا تبان الخطوط الدقيقة بعد فترة ،،

    ممكن تجربين beauty flash balm من كلارنس تحطينه كقناع قبل المكياج ،، و فيه منه نوع للوجه و نوع ثاني خاص للعيون ،، ينعم الجلد و يعطي نضارة و إشراق للبشرة المرهقة ،،

    و الصراحة ما أعتقد فيه حل جذري للمشكلة ،، لأن المكياج لو ظل على وجهك عدة ساعات أكيد بيتأثر بالتعابير و حركة العين و بتبان الخطوط ،،
  4. @dantaeel

    السلام عليكم يا اخت عدولة هذا نفس سؤالي ولقيت انه الاساس هو السبب مثلا الاساس اللي اقصد الفونديشن من فيرساتشي افضل الكل ويثبت على الوجة وما يبين انه متشقق او مجمع على الوجه لاني جربت كريولان وما عجبني كانيبو حلو بس برضه يبين التشققات وعندك فور ايفر تبع الوجه والجسم صح خفيف وماهو ذاك التغطية حلو حق نهار او دوام بس ما احط وراه بودرة لكن ابد مايبين اي تشققات زي فيرساتشي لكن فونديشن للسهرات تغطية كثيفة احسه لازم يبين التشققات ما اد ري ليش؟؟؟؟ اتمنى تنحل مشكلتي ومشكلتك ؟؟؟والله يعطيك العافية على طرح السؤال اللي محيرني من زمااااااااان؟؟؟؟ :( :(

تابعي تجارب أخرى من هذا القسم.