شاركي في النقاش

سجلي الدخول لإضافة تعليق.

التعليقات

81

  2. @krym_alasd

    ادا الحشيش




    وهذا ورق للف الحشيش








    واحيانا يخلط مع السيجارة نفسها ..


    حبيبيتي لا تتطلقي منه إذا بيعاملك كويس واذا عندكم اطفال واوقفي معاه واصبري قولي لزوجك تخيل ولدك اوبنتك بعد مايكبروا ويسيروا يبغوك ويبغوا يتصاحبوا معاك ويلعبوا ويحتاجوك يلاقوك عجوز وصحتك مهدودة وصدرك تعبان ومخك ينسى بسرعة وحركاتك صعب تتحكم فيها كيف يكون شعورك ساعتها حتكون ظلمت نفسك وظلمتهم معاك صح ولا خطأ ؟؟


    خليك قوية لا تضعفي ابدا خذيه باللين والكلام الحساس

    حاولي تقربيه من ربنا الفترة هادي ..

    من ترك شيئا لله عوضه الله خيرا منه ..
    راقبيه وشوفي هل بيبطل ولا بيستمر ..
    قبل اي خطوة تخطيها معاه استخيري (جدا مهم ) لا تتصرفي اي تصرف قبل ماتستخيري وتكوني في افضل حالاتك مو معصبة ومتوترة ومضطربة حسسيه انك واثقة فيه وانك واطفالك تحتاجوه وانك ماراح تتخلي عنه قوليلو انو هدا حاجة تزعل ربنا وانوا الشي اللي حيسوسه اليوم بكرة لا سمح الله عيالك يسووه ومن دا الكلام ..
    وحاولي يكون بيتك جنة ومكان للراحة واخرجي من بيتك كل الاشياء اللي تزعل ربنا
    هذا يعتبر مريض والرسول قال داوو مرضاكم بالصدقة الله الله في الصدقة وترى في نسبة كبيرة وللاسف بتتعاطى الشي دا لاتقولي مابعد الحشيش شي وتتركيه ترى هذا هوه الوقت اللي لازم توقفي فيه معاه واهم شي الصقي فيه في كل مكان واشغلي ووقته لا تنكدي عليه وسوي كل اللي يبغاه وابعدي عن كل اللي يضايقه حتى تمسكي قلبه ويحسك الزوجة المثالية اللي ماراح يلاقي زيها وبعدين حاولي تطلبي منه بلطف انوا يتعالج واقراي في قوقل عن التعامل مع المدمنين وعن اعراضه وعن مساوئه واحب اطمنك انه اخف انواع المخدرات خطر يعني تقريبا زيه زي الدخان نوعا ما وادمانه نفسي اكتر مما انه عضوي يعني باذن الله اذا كان عنده قناعة داخلية انو مايبغاه يقدر باذن الله يوقفه من دون مستشفيات اذا ما وصل لحالة الإدمان الشديد اللي يكون يوميا واكتر من سيجارة وترى هوه من المخدرات االي تحلا مع الجماعة عشان كده حاولي تبعديه عن اصحابه البطالين ..
    والتوفيق من ربك وهادا ابتلاء اولا واخيرا ..
    والابتلاء الله عممه على جميع خلقه في قوله : ( ولنبلونكم بشيء من الخوف والجوع ....... الآية )
    والبشارة ربنا خصصها بس للصابرين .. وبشر الصابرين )


    فالصبر الصبر الصبر ثم الصبر

    واستخيري اولا واخيرا وادعي لنفسك دائما ربي ارزقني الحكمة في القول والعمل ..

    واجعلي نيتك لله واغضبي لله ولحدود الله مو لنفسك وهذه اقولها لنفسي اولا ..

    واقرأي آخر آية في سورة آل عمران حتوضحلك الطريق وتساعدك بإذن الله ..



    يارب اشفي زوجها واجعله للمتقين اماما واستخدمه في طاعتك واعلاء دينك واصرف عنه رفقة السوء وابدله بصحبه صالحة تقية نقية تعينه على الخير وتدله عليه اللهم اشفه وكل مبتلى ورد كيد اعدائك في نحورهم وطهر مجتمعنا من المخدرات والدخان وكل مايغضبك ..

    صلى اللهم وسلم عل نبينا محمد وعلى آله وصحبه اجمعين ..

    هذا موقع اسمه الوهم ..

    ممكن يفيدك ..

    http://www.alwahm.net/

    وهذا موقع ليوسف الصالح مدمن سابقا ومرشد لعلاج الادمان حاليا قدمي استشارتك وان شاء الله يفيدوكي ..

    http://www.yalsaleh.com/


    ولا تنسي قيام الليل ولو بركعة وحدة ترى يفرق كتير ..

    وهذا رقم اللجنة الوطنية لمكافحة المخدرات حسب علمي انها لجنة خيرية يعني يساعدوك من دون ما يمسكوه وبرضو انتي كلميهم وشوفي بس في الاول كلميهم على اساس انه هاذي مشكلة وحدة من صحباتك لا تقوليلهم زوجي لحد ماتعرفي ايش طريقتهم وايش ممكن يسووا وبعدين قرري تتعاملي معاهم ولا لأ واستخيري الله اولا واخيرا في كل خطوة وربنا يكتب لك اللي فيه الخير
    هذا الرقم : 014818118
    ولا تنسي الدعاء ادعي وانتي واثقة بالاجابة وفي كل صلاة وبين الاذان والاقامة والله يعين ..

    طبعا هذا الكلام اذا في بينكم اطفال ..

    واذا مافيه حاولوا تأجلوا الانجاب قد ما تقدروا الى ان تتأكدي من الوضع ..

    واستخيري الله دائما في حياتك معاه ..

    والله يقدر الخير لك يارب ويلهمك ويلهمنا الحكمة والرشد والصواب ..

تابعي تجارب أخرى من هذا القسم.