السلام عليكم
اول شي اشكر صاحبة المعرف سمحت لي استخدم معرفها وثقتها فيني الله يحقق لها ماتتمنى
ثانياا:
انا ابي ابدا بمشكلتي اللي مخربه حياتي
اانا متزوجه من4سنوات وعندي طفلين
وحامل بالشهور الاولى
مشكلتي ان زوجي بعد زواجنا بشهرين رجع للسهر مع شلته من بعد صلاة العشاء الى 1 احيانا 3 الفجر
طبعا كان يطلع عندهم في بيوتهم
وبعدين قلتله لاتروح واخاف لحالي ومن هالكلام صار يتجمعون عندنا في البيت
اقولكم برنامج زوجي عشان تكون الصورة واضحه
طبعايداوم ويجي الساعه 2 الظهر
يتغدا وينام
يصحى على اذان المغرب
يصلي ويروح لاهله الى اذان العشاء
يصلي العشاء برا ويجي على طول يقولي جهزي القهوه والشاي
يدخل المجلس يشبك اسلاك البليستيشن يقعد يلعب لين يجون والمشكله انه يدقدق عليهم تعالو تعالوو
واللي يرفع الضغط لاقالهم زوجي على مين السهرة بكره اللي يقول والله انا ماعندي مجلس واللي يقول مجلسي مسويه مخزن مقدر استقبل احد واللي يقول مجلسي فوق السطح ومقدر ادخلكم اقصى البيت عشان تطلعون فوق واللي يسكت ومن بكره معد يجي ناس الله لا يعطيهم عافيه خربو حياتي
طبعا ماذكر اني سولفت معه زي الحريم يااكلمه وهو يلعب ماهو يمي ولا وهو طالع مع الباب ولا على الغدا ومو اي شي ينقال على الغدا
يعني مااشوفه الا على الغدا والعشاء والنوم
اااااخ يالقهر بس
زوجي اكثر من مرة ناقشته كلمته مافيه فايده يعقل يومين ثلاثه ويرجع لوضعه
انا مابي امنعه من شلته بس ابي يكون جمعتهم مرتين بالاسبوع ومو راضي يقتنع
وشلته الحمدالله مو راعين خرابيط ولا قلة حيا بس بلوت وبليستيشن حتى الحمدالله مايدخنون
بس انا اللي رافع ضغطي
انه معد فيه بينا حوار احسه تعود وانا مابي يصير وضعنا كذا
حتى قهوة المغرب لازم يشربها عند اهله
تخيلو بنات اتمنى اسوي قهوه وحلا ونجلس نسولف زي الناس
اخ يالقهر بس
احد ينصحني يقولي حل لمشكلتي
ارجوكم يابنتا
شاركي في النقاش
سجلي الدخول لإضافة تعليق.
التعليقات
11- نظام زوجي يشبه زوجك
يجيي الدوام الظهر ينام ويصحى يتغدى ويروح لاهله ويرجع يجلس ساعه واحيانا مايرجع
ومن 12 الليل الى الفجر سهر مع زملائه اما عندي او عندهم
//
كنت بالبداية اتضايق
بس الان اتغير الوضع لاني تعبت من كثر ما اكتم وأثر على زواجنا وانا عندي بنت الله يحفظها
صرت اطلب منه احيانا يتقهوى معايا حتى لو وصلتها للـ .... المهم يجلس
لما يطلع اجري ارتب البيت واخلص الغسيل واحط الفواحات
وباقي الوقت ازيت شعري واجلس ع النت برااااااااااااااااااااااحتي
واكلم تلفون او اسوي اي شئ
يعني جالسة امتع نفسي خلالاص مو بيدي احسن من غيره الحمدلله واشغلت نفسي بقيام الليل قمـر جدة نظام زوجي يشبه زوجك يجيي الدوام الظهر ينام ويصحى يتغدى ويروح لاهله ويرجع يجلس ساعه واحيانا مايرجع ومن 12 الليل الى الفجر سهر مع زملائه اما عندي او عندهم // كنت بالبداية اتضايق بس الان اتغير الوضع لاني تعبت من كثر ما اكتم وأثر على زواج…
الله يفرج همك- حبيبتي كثير زي زوجك بس خذي الجانب الايجابي انك عارفه ان ماعنده خرابيط ماشاءالله وعارفه وش يسوي
قولي اللهم لك الحمد مصيبتك تهون عند كثير من الحريم اللي تكتشف زوجها يسهر على سكار وحشيش
ومن هالاشياءالله لايبلانا
وانتي راجعي نفسك اذا كنتي حنانه احياناالززوج يتهرب من بيته اذا كانت حرمته حنانه زنانه اناقلت احيانا مودايم
الله يسخركم لبعض - انا زوجي تقريبا مثل زوجكـ ما اشوفهـ بس هو شغل ليل ونهار وصرت ارتب جدولي انا وعيالي من غيره الله يحفظه لنا يارب بس اشغلي نفسكـ باي شي بالبيت بالنت بعيالك ما دامه الحمدالله ما عندهـ خرابيط
- الله يكون في عونك
مواضيع مشابهة
تابعي تجارب أخرى من هذا القسم.