اللى بتدخل تكون شخصيتها قويه عشان ترد علي

اذا قويتي علاقتك برب العالمين ستتغير حياتك جزريا
واستغفري اختي لمجرد انك نويت الطلاق
لان ان مالاعمال بالنيات ولكل امرئ مانوي

حياتي

كل هاللي قاعده تسوينه مابتضرين فيه الا نفسك

حتى لو انتحرتي الضرر عليك انتِ بس

ولا احد بيسأل عنك متي ولا عشتي
الناس عندهم حياه واهداف وبيعيشون حياتهم بك وبدونك

انتِ المفروض تعيشين لربك ثم لنفسك واهدافك

استمتعي بالحياه
شوفي الناس اللي ماتوا وتحزنين عليهم انهم مو قادرين يسوون شي
لكن انتي قادره تسوين اشياء

ويعني ماتوظفتي ويعني ماتزوجتي

ياما موظفات مافي شغلهم ولارواتبهم بركه
وياما متزوجات يتمنون يرجعون بنات

الحياه حلوه

انا ياللي احاكيك
صار لي 5 سنين ماخلصت جامعه ولاظنتي بخلص هالسنه
ولاعلي من احد دام فيني حيل وعافيه اني اروح مابقصر ولايجي فبالك اني اروح اتسكع والله يالسواق ينتظرني قبل لاتخلص المحاظره
ومبسوطه ياربي لك الحمد

والزواج
العالم حولي تنخطب وتتزوج وبعضهم انا شاركت بتجهيزهم واجيب لهم افكار لحفلاتهم
الا اني
ادري ان الله ماعطاني هالشي الحين الا انه في شي اجمل واحلى بعدين

حبيبتي انا وصلت للمرحله اللي وصلتيها في يوم من الايام بس تغيرت جذريا بمجرد اني قويت علاقتي بربي وحبيت نفسي وابغاها لها الخير في الدنيا والاخره


خذي مني هالكلمتين وحطيهم فبالك دايما
اذا ما اسعدتي نفسك وانبسطتي من جواك محد رح يجيب لك هالسعاده
وادعي ربك باللي تبغين على اني مقصره الا انه ماقد خيبني ربي  

تعوذي من الشيطان
قوي ايمانك بالله
صلي اوتر باليل وادعي ربك
خلي الاستغفار والتسبيح دايم على لسانك

ماراح تستفيدين شي اذا انتحتري

الله يحفظك من كل شررر ويكتبلك السعاده دنيا واخره

"فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا"
معفول الإستغفار عجيب سبحان الله..
بعدين ياأختي مشكلتك هينه شوفي مصائب الي أقل منك تهون مصيبتك..
عندك قصة بنت تقطع القلب...
ولدتها أمها وماتت وعمرها سنتين ومعها أخوها وكان أكبر منها بسنتين عمره 4بعد وفات أمها تخلى ابوهم عنهم سافر للخارج
تزوج وجاه عيال ونساهم في البدايه عاشت عن جدها أبو أبوها ثم انتقلت عند اعمامها كل اسبوع عند واحد تشتت ما عمرها حست بالاستقرار ما تحضر مناسبات عشان ما تفشلهم لانها ما تفهم وعدوانيه وهي مثل النسمه سبحان الله!
ومره لانها هي ما تبي تحضر على حد قولهم او يخلونها تنوم ويقفلون عليها اهم شي يعزلونها فالنهايه من الكبت جاها السكر وصارت عدوانيه من المعامله السيئة ما تعودت تشوف الناس 24ساعه مسكر عليها في غرفتها! فقط عندها حمام وأكل ومعامله سيئة !
انتي يا متفائله عندك أم..عندك جوال..درستي..لبستي..عندك صديقات..عشتي طفولتك مستقره.وووو..
هي يتيمه الام والاب لانها ماشافت ابوها مااااات الله يرحمها ما كلف نفسه يجي يصلي عليها وش نفعها انها بنت ال فلان الملياردير؟؟
هل فكرت تنتحر طبعا لا مع ان حالتها اسوء من حالتك الله يغفر لها ويرحمها..
قصتها طويله لكن هذا مختصر لها