بسم الله الرحمن الرحيم
السلام عليكم ..
انا عضوه يديده في المنتدى ..
حبيت اكتب مشكلتي و احس هالمنتدى هو انسب منتدى .. لاني ارتحت لكم ...
والله ياابنات احلفكم مابي ردود جارحه لاني تعبانه نفسيا
ابي حل و تشجيع و خبره من العضوات ... والله العالم اني ماكتبت لكم الا من الغصصه اللي فيني ... بعد معاناه و الله
طبعا برمسكم في لهجتي اماراتي ... اسمحولي
بداية المشكله اللي كنت مغشوشه فيها و اقدر اسميها مراهقه لان عمري الحين 20 سنه
لما كنت في الثانويه حبيت بنت ياعضوات :icon33:
والله حبيت اسلوبها و شكلها بعد .. انا بالاول كنت ماخذه العلاقه تسليه بس بعدين صج ,, في مره قالت لي انها تبي تحضني ,, قالت انها ناقصه اناخاطري حد يحضني من كنت صغيره ,, طبعا حضنتها ..
و في مره قالت بتي بيتنا و استقبلتها بدت تسوي حركات غريبه و انا ساعتها خلاص البنت تعودت عليها و مابي اخسرها ,, يوم عن يوم تطورت العلاقه ...
حركات شوااااااااااذ :44: تميت على هالحال لييين يومج هذا و فجأه و بدون سابق انذار البنت انخطبت و ملجت و انا عانييييت لما عرست لاني قسم حبيتها ,,, قررت اتووووووووووب
قررت اتوب و ادعي اني اعرس و اخلص من سالفة الشذوذ
و فعلا سافرت العمره ويا اخوي و تبت عن الاغاني و التزمت بصلاتي و قمت اقرا اذكار
بس بعدي ارمسها ,, عزمتني مره على بيتهاا و ردت تسوي نفس الحركات ,,
ويوم هي تسوي احس اني خنت ربي و خنت الامانه و احس اني ارد لين الصفر و اهدم كل اللي بنيته
نفسيتي تغيرت
انا احبها و مابي اخسرها ...
و بنفس الوقت ابي اتوب ..
بتقوليلي ليش ماترمسينها ,,, رمستها و قاطعتها و هددتني انها تقاطعني و انا ابيها اربيعتي على طوووول
و مستحيل اخبر حد من هلي و لا ربعي مستحييييييييييييييييييييل ماااااااااابي
يوم تسوي جي و ارد البيت اصلي الشيطان يوسوس لي يقول : ليش تصلي ؟ صلاتج ماتفيد .. لا تدعي تتوبي خلاص مامنج فايده
ادعي اعرس عسب ابا شخص يغنيني عنها ابي احب بس بالحلاااااااااااال
و من بديت ادعي قمت حلم احلام احسها رسايل من ربي
بنات تعبت و نفسيتي تعبت و ضجت انا وحيده و مابقى عندي غير هالصديقه و مابي اخسرها و مستحيل وحده تقدر تعيش بروحها ..
احس اني ابني ابني و ينهدم بلحظه ...
تعبت
تعبت
تعبت
ادعولي اعرس بسرعه و افتك من هالذنب والله اخاف ربي و والله مابا اخسر اربيعتي
فيدوني الله يخليكم ... في حد مر بتجربتي ؟؟؟
شو الحل .. دخيلكم لا تقولوا تركيها .. مابتركها ابد مستحيييييييل
شاركي في النقاش
سجلي الدخول لإضافة تعليق.
التعليقات
20- الله يستر علينا وعليك بستره
الله يتوب عليك وعليها يارب ياقلبي من ترك شيئا لله عوضه الله خير منه
توبي الله توبه نصوحا واصحي من غفلتك
اسال الله محول الاحوال ان يحول حالك الى افضل حال بحوله وقدرته العزيز المتعال
وان يشرح صدرك وينور بصيرتك
انصحك تكثيرين من القراءه عن القبر وظلمته والعقاب - وعليكم السلام ورحمة الله وبركاااته
أختي حاولي مره وثنتين وثلاث تتركين هالبنت
راح تفقدينها وراح تتعبين نفسياً
بس اصبري وجاهدي نفسك انك ماترجعين لهااا ....
هيه اخذت اللي تبيه منك والحين هيه اعرست وأنتي؟؟!!
والله اني اكلمك كأخت لي .. ادعي ربك ان يغفر لك
وادعي ربك ان ينسيك هاللصديقة وادعي ربك بكل شئ انتي تتمنينه
وربي راح ترتاحين من الهم والعذب اللي انتي فيه
وش فايدتها من ربيعه اذا تصااااادقك علشان تشبع رغباااتهاا
ابتعدي عنها ولا تقولين انا ماراح اتركها إلا اذا اعرست.. طيب واذا ربي ماكتب لك انك تعرسين راح تستمرين معها
يأختي اللي قاعده تسوينه حراااااام
تخيلي بس تخيلي ان جاكم الموت في هاللحضة ..
يعني ختمتو حياتكم بالمشهد الأخير اللي قاعدين تسووونه
استغفري ربك وقومي الليل بالصلاة .. الجئي لرب العباااااد
اسال الله العلي العظيم ان يغير حالك إلى احسن حال مما انتي فيه.. وان يرزقك الزوج الصالح اللي ينسيك هالصديقة
السموحة الغالية اذا كلامي ازعجك بس والله اني ابغى انصحك - اأختي دائما تذكري ان الله يراك ومعك دائما وبكذا رح تستحين من الله ومارح تسوين هالشي وبعدين لاتقولين مستحيل اتركها لانو مافي شي مستحيل حاولي ووبعدين دام حبك لها في اغضاب لرب ا لعالمين الاولى انك تتركينها واتمنى منك تتقبلين نصيحتي
- آه يااااقلبي عليك
اقرء واتالم لوضعك وحالك
ماااقول غير حسبي الله ونعم الوكيل
ليه تطاوعينها من البداية بس مااينفع الكلام
الي صارصار
هذي موصديقة هذي عدوة
استغلت حبك لها بطريقة بشعة ومقرفة
ونفثت سمها فيك
المشكلة ان ربي رزقها زوج
وكفاها بالحلال
طيب المفروض تبطل هالحركات تتووووووووووووب وربي كبيرةةةةةةةةةةة
وانتي ياااغالية نصيحتي
لك اقطعي علاقتك فيهااااااااا شو هالحب الي يدمر صاحبة
وخصوصا انه يعصي ربه
الله يرزقك بالزوج الصالح الي يكفيك بالحلال عن الحرام
نصيحة بتتعبين وبتتعب نفسيتك
بس كذا - اريح لك من انك تستمري بهالمعصية
وربي المعصية لها شؤم
ويمكن تكون سبب في قطع رزقك وتعطل زواجك
استغفري كثير وتصبري
وادعي ولاتستسلمي
وصادقي لك بنات خيرات دينات
يخافون الله عشان يعينونك على ترك ها المعصية
مواضيع مشابهة
تابعي تجارب أخرى من هذا القسم.