مااعرف من فين ابتدي قصة طويلة وقديمة احاول انساها واصفح لكن غصب عني تخنقني دموعي ويضيق صدري باكتبها يمكن ارتاح ولايجي ببالكم انا اعترض على قضاء ربي فأنا مؤمنة بقضاء ربي خيره وشره,,,,,,,,,,
انا والدي متوفي من صغري مااعرف حتى شكله وانتقلت ولايتنا لعمي ...امي تحملت المسؤلية كاملة لكن الامور الرسمية لعمي وهو بس من بعيد لبعيد يعني شكليا بس,,,,,
المهم كبرنا وتزوجوا خواتي الكبار وهو كان يتولى امور الخطبة والعقد بحكم انه ولينا وكبرت انا وتخرجت وكانوا بناته بسني المهم بدا الناس يتقدمون لخطبتي بس مايحصل نصيب وهذي المره تقدم شخص مناسب جدا لي وفيه كل اللي اتمناه منصب ودين وخلق وعلم طالب دكتوراه وسنه مناسب جدا لي المهم مشيت الامور تمام وتم القبول من الطرفين وتعلقت فيه كثيير وتم تحديد موعد للملكة وبديت رحلة التجهيزات فستان واستراحة وكوافير والاهم خلاص الفرحة بقلبي ماتنوصف وعزمت صديقاتي واللي احبهم وخلطات واستعدادات من الى ....
المم قرب الموعد المنتظر ولازلنا في الاستعداد ومشيت الايام شوي شوي و في نفس الاسبوع اللي المفروض تكون الملكة فيه تتفاجيء امي بجارتنا تقول عمي ملك لبنته وعلى مين على العريس المنتظر ماتتخيلون الصدمة كيف ؟ ماادري وش اكتب ظلم قهر اهانه انكسار مااعرف يمكن كلها على بعضها جتني صدمه نفسية قوية تعبت كثير جلست مدة لين ماتعافيت ... ناس ماتخاف الله اذا ربي ولاه امري ليه الحسد والحقد المهم عدى الوقت بسرعة وتم الزواج وفوق هذا كانت بنت عمي كل ماشافتني تحاول تغيضني بس الحمدلله على قضاء ربي جتني فترة طنشت كل شي والتزمت بديني ومشي العمر انا الحين في الثلاثين من عمري وعمي حقدت عليه فترة بعدين سامحته لوجه الله لكن والله موبيدي ارجع وانقهر وابكي من قلبي لمن اشوف نفسي ووضعي خلاص مشيت بطريق العنوسة صحيح انا موناقصني شي توظفت وربي انعم علي بأشياء كثيرة لكن ترجع لي الغصة واحس اني انهنت وانذليت خصوصا لمن تقابلني بنت عمي وتوريني صورها هي واطفالها وبيتها وتماشيهم وسفراتهم خارج المملكة والله موحسد انا مؤمنة بقضاء ربي لكن موبيدي حتى لمن اشوف خواتي الصغار متزوجات ومخلفات الله يهنيهم تلف بي الدنيا الف لفة عمي الحين صار مشلول نفسي اسامحه من قلبي بس موقادرة اقول في نفسي حتى لومات الحين مااحلله خليه يذوق العذاب واحيانا ادعي عليه ان الله يحرمه الجنة ............ اسفه لو طولت بكلامي بس بجد تروح الحالة وترجع لي وانا حبيت افضفض شوي
شاركي في النقاش
سجلي الدخول لإضافة تعليق.
التعليقات
80- لا حول ولا قوة الا بالله
- حسبي الله ونعم الوكيل علي كل ظالم ولا حول ولا قوه الا بالله اسأل الله العظيم رب العرش العظيم ان يخلف عليك ويرزقك الزوج الصالح والخير من خلقه وان يعوض صبرك خير
- موقف يقهر لكن تسير كتيررررررررررررر فوق ماتتصوري وتاكدي تاكدي وخديها مني باذن الله رراح يجيكي سيد سيدو
- الله يرزقك بأفضل منه وتأكدي انه مهو مكتوب من نصيبك اللي الله قاسمه لك محد ياخذه غيرك
وعمك سامحيه تكسبين اجر - الله لا يوفقه والعتب مو على عمك العتب على هالامعه الي كان خاطبك لو فيه خير ماراح يدور وحده عليك وهو خاطبك من البدايه احمدي ربك انك ما اخذتيه هالحقير الي ماله امان بكره تشوفين كيف يغدر ببنت عمك وياخذ عليها وقولي ماقالت كل النعومه
مواضيع مشابهة
تابعي تجارب أخرى من هذا القسم.