^^ ربيع (1) ^^ دورة : حماية طفلي من التهكير النفسي ( الدروس والمناقشة ) ● _●

بالنسبة اللهاية راح اتكلم فيها الدرس الجاي

اما الباقي طبقي الدروس وتستفيدي

خصوصا اول درس مهم جدا



الف شكر لردك

الله يجزاك كل خير

والله يعينك على المنتدى يطفش

كيف عاد انتي لازم تقرين وتردين

ربي يكون بعونك

وبانتظار الدرس الجديد

ومسائك بكل خير ..

طيب ممتاز .. اووك انا بنتظارك





لو هما مرتاحين على البرنامج اللي مسويته لهم خلاص .. توزيعك لمهام حلو مرتب

وممكن يوم تخففي عليهم شوي والله يخليهم لك



عزيزتي الدورة لها موضوع خاص بالدروس هنا

http://forum.hawaaworld.com/showthread.php?p=58770381#post58770381



بالنسبة للقرارات انا ما اقول تكونوا صارمين معاهم مرة يعني تصرف ابوهم سليم

الطفل حس بغلطه وهذي رحلة مع التحفيظ يعني فرحة له وبينسط لو راح عادي لو خلاه

وكمان هذا من حنان الاب على ابنه بس ممكن بعد مايروح ويجي تفهموه غلطه وانكم خلتوه عشان ماتحرموه من شي

واما الباقي ممتاز تصرفك فيه

الله يخليه لك وتشوفه زي ماتتمني



ايوة بطليها لازم تكون لك شخصيتك معاهم ولكن بالمقابل لو سوو شي ممكن تعاقبي ولا تنبهي

وتقوليلهم اني حأخبر ابوكم كمان من باب انه يعرف ايش سوو مو من باب تأجيل العقاب

تطلبي منهم بهدوء انهم يسكتوا ويحترموا مثلا الوقت اللي قاعدة تتفرجي فيه

واي سؤال يسألوه وقبل كذا جاوبتي عليه قوليله انتي ذاك اليوم سألتني وانا ايش جاوبتك






ماشاء الله تبارك الله .. ربي يحفظها ويخليها

تصرفك حلو معاها الاطفال يبغالهم طولة بالي ..



تسلمين على كلامك .. انا ما أسوي إلا واجبي

شوفي حبيبتي مدام انتي ناوية تغيري اولادك للأفضل وطريقة تربيتك للأحسن فأكيد في وقت

الواحد يقعد طول عمره يتعلم ويفهم ويصحح اغلاطه وهالشي مو عيب بالعكس ممتاز :)

ولدك كم عمره ؟؟ وليه ما تخليه يروح المسجد ؟؟




احس هذي العباره دائما على لساني .. ان شاء الله اسيبها

وجزاكم كل خير



تسلمين

حبيبتي تابعي الدروس وطبقيها وتعالي معانا



اختي الانتقاد وكثرة التدقيق والمحاسبة هي اللي وصل لها طفلك وبنتك .. يعني انتي بتحضني وكل شي

بس وقت الضرب ما ترحمي .. وهذا بيمحي كل شي .. اصلا بيعدم الثقة عند الطفل وممكن يسبب له

سلوكيات خاطئة .. لازم تكوني متزنة معاهم كثير ..

اقرأي الدرس الثاني مرة ثانية اكثر من مرة



طيب ممتاز شفتي لمن طبقتي كيف صار

استمري .. بس انتبهي كمان من المقص مو شرط تخليه يلعب العاب فيها مقص واشياء حادة

وعليكم السلام ورحمة الله وبركاته

هذا حرص زيادة حبيبتي .. بنتك لسه صغيرة .. مدام انتي مانعتها عند اهلك وانتي حريصة معاها

مافي مانع لو عمتها واكلتها مافيه شي .. اول شي تكسبين اجر عمتها وفرحتها ببنتك الله يرزقها باللي يصونها

وكمان تحطي بنتك شوية مساحة من اللي انتي مضيقتها عليها .. بس انتي ممكن تقولين لعمتها باسلوب حلو

مثلا كاسة شاي تكفي ولا علبة بسكويت خلاص وبعدين خذيها وغسلي لها وما بيصير شي في اسنانها

لا تشددين مرة الوضع عادي الله يخليها لك



الله يحيك بأي وقت ..



لازم تكلمي مدرسته على اللي يصير وينتبهوا على الاطفال .. اصلا هذا مو لعب يخليهم بالرمل

وبالنسبة لسؤاله انتبهي اولا قوليله هوا ما يهاوشني هوا يقولي كيف يبيني اسوي معاكم

وثاني شي تكلمي زوجك ما يناقشك بشي قدامهم




هذا شي منتشر عند اغلب الاطفال .. ما عليك إلا تنصحيهم مثلا ناديتي عليه وهم يتفرجون ولا يردوا

لا تضربي ولا حاجة تعالي عند التليفزيون وقفليه وقولي ما سمعتوني وانا انادي

طبعا ما بيعجبهم انك قفلتي .. قولي ثاني مرة انادي تجون ولا بقفله .. واستمري على هالشي

وبالنسبة لولدك وهو يخرب شي تقومي انتي تتفاهمي معاه وطبعا قبلها تكوني متفقة معاه فالبيت

وتنبهي عليه ولو ما سمع تعاقبيه

وكمان اجمعيهم يوم وكلميهم عن احترام الكبير واحترام الشخص اللي يكلمك .. واضربي لهم امثلة بهالموضوع

وقوليلهم الاولاد المؤدبين يردوا على اي احد يكلمهم ولو كنتوا تسوون شي استأذنوا من اللي يكلمكم انه

اول ما تخلصوا اللي بيدكم بتكلمونه ..

والتربية يبغالها صبر .. بس لا تحطي ببالك انه اولادك صعبيين حتى انتي ما تستصعبي هالشي




ليش كذا ؟

انتي تابعتي الدرس الاول تمام

واتكلمنا عن الحوار

كل اللي ذكرتيه توقفي عنه من اليوم واستمري على تمارين الاسترخاء

اولادك مو مكان تفرغين عصبيتك وحرتك فيهم

عندك تمارين الاسترخاء هدي نفسك فيه

سوي تمارين التنفس لمن تعصبي واستغفري 10 او اكثر

والضرب ممنوع ولا الصراخ

كلمتك لبنتك فاشلة هذا تحطيم لشخصيتها جدا

تابعي ردودي مع البنات كلها



ماشاء الله عليك

بجد رائعة .. صح في عندك تصرفات خاطئة ولكن مجرد انك عرفتي غلطك وايش الصح هذا بحد ذاته انجاز

لا تمحي زوجك من قائمة التربية ولكن خليه يهدى ولا يعصب وخليه يسوي تمارين الاسترخاء

حتى لو عنده ضغط من العمل بيرتاح .. متابعتك ممتازة

ابغى اسمع اخبار حلوة ثانية وكيف عدلتي تصرفك : )



واياك اختي



ممتازة تصرفاتك .. ولكن انتبهي تقوليلها انتي احسن من فلانة وعلانة حتى ما تربي في بنتك الكبرياء

والغرور وشوفة النفس .. لأنها طبيعي بتصير تحس نفسها احسن من هذي وهذي

ولكن انتي امدحيها من غير ضرب مثال لا بأحد ولا مقارنة




شوفي التصرف فيه خطأ شوي .. كان الافضل ما تاخذيها لأنك كذا زي اللي غافلتيهم وهالشي غلط

حتى ما يتعدوا عليه لأنه ممكن بعد فترة لمن تقولين لهم وروني شي ما يرضوا

التصرف الصح انه تباركي لهم بالأجهزة وتطلبي منهم هما بنفسهم يحطوها مثلا عندك ولا على الدولاب

لين يخلصوا الأشغال اللي طلبتيها منهم .. ولو ما رضيوا وقتها كان قلتي لهم باخذها منكم لين ما تخلصوا

انتبهي لهالنقطة المرة الجاية





الله يعافيك ..

طفلك الاول صغير ما يفهم كرسي عقاب ولا كرسي هدية لا تتبعي هالاسلوب معاه .. بس لو ضرب مثلا

امسكيه وفهميه الضرب غلط وخذي مثلا لعبته .. لا تعطيه حلاوة ..

والبنت لا تعاقبيها بالغفة لو هي تخاف مرة عشان ما ينعكس عليها واما اسلوبها مع ابوها غلط * غلط

والاب لازم يتخذ موقف لكن كل اللي عليك الحين انك تتفاهمي مع بنتك وتتحاوري معاها ..

لازم تعرف انه الاب والام لهم احترام .. ولازم زوجك يعاونك لأنها لو شافت ابوها عادي عنده ماراح تهتم




انتي لا تعاميلهم انهم كبار مرة ولا صغر مرة خليك وسطية

لأنك لمن تعطيهم اكبر من عمرهم ممكن يتصرفوا تصرفات ما تعجبك .. حلو انهم يعرفوا ياكلوا ويرحوا الحمام

لوحدهم ممتاز هالشي .. ولكن يجي يتحكم بلبسك وكذا فهذا يدل على انه صار ينتبه لكل شي

واعطى نفسه اكبر من عمره ..

ولا تخوفيهم حتى لو هم اذكياء .. يبقوا اطفال وممكن هالشي يقعد في خيالهم لبعدين



صباح النور ..

امين .. الله يعافيك

ممتاز .. استمري على كذا



اهلين حبيبتي .. انا بخير بشوفتكم

شوفي طفلك مثلا ما بيحب ياكل من صحنه خليه ياكل مع صحن ولا صحن ابوه ..

او حطي صحن لكم كلكم ..

وشوي شوي خليه ياكل من صحنه .. اهم شي يتعلم ياكل مما يليه حتى لو بياكل مع احد

اداب الاكل لازم يعرفها سواء بياكل مع جماعة بصحن واحد ولا بصحن لوحده

والنوم طفلك شكله مفقتد شي راجعي تصرفاتك .. وكمان لا تخليه يتفرج على افلام كرتون فيه مضاربات

او قتل قبل النوم ..

وشجعيه ينام بسريره .. وانه بطل وشاطر وكافئيه




كم عمر بنتك ؟؟

وتصرفاتك مع اطفالك كمان انتبهي لها .. التناقض الابوي اتكلمنا عنه

ويأثر جدا على الاطفال

كمان انه بنتك تقول انا ما احبكم ولا تحترمك فهذا راجع من اسلوبك معاها

راجعي تصرفاتك معاها ..

واقرأي الدرس الاول والثاني اكثر من مرة

والعصبية استمري على تمارين الاسترخاء

والله اليومين اللي راحت كنت جدا على اعصابي وساعات اقدر امسك نفسي وساعات خلاص انفجر وامس ضربت بنتي بس بحاول ارجع مرة ثانية استرخي ووااوقف عصبيه ماادري نفسيتي مش حلوة هاليومين الله يعين وادري بتزعلين مني ياسوفت كوين بس صدقيني الولد ماشاء الله صار يزعل كثير لما يسمع كلام سيء ويعلمني اذا رحنا لاهلي ويقولي مااما يقولون كلام غلط والحمد لله بس البنت رافعه ضغطي حركية مرة وتنرفز ان شاء اوعدك اتحكم باعصابي اكثر