^^ ربيع (1) ^^ دورة : حماية طفلي من التهكير النفسي ( الدروس والمناقشة ) ● _●

القرارات الأبوية المتناقضة ... وتأثيرها السلبي على الطفل

بحكم الفترة البسيطة اللي يجلسها ابوهم معاهم الا اني على اتصال دائم معاه ومطلع على كل شي يصير لهم بالمدرسة و الروضة و البيت
ونتفق انا و اياه على مكافآت لهم
وغالبا يوعدهم الاسبوع الجاي انه راح يوديهم مثلا الملاهي او يشتروا شي ناقصهم او طلبوه منه
ومستحيل ياخذ احد مننا قرار الا بالاتفاق
حتى لو راحت و حده منهم و قالت شي او طلبت شي بقولها قولي لماما و انا نفس الحكاية اسأل ابوهم
واحيانا نكون جالسين مع بعض ووحدة تطلب شي منه يطل فيه و يقولها قولي لماما وفي اللحظة اللي تدير ظهرها لابوها يغمز لي وافقي او ارفضي و بكذا الحمد لله التناقض ابدا ما نعرفه

العبارات السلبية .. وتأثيرها على سلوك الطفل

كنت من فترة لما توصل معايه ما اضرب بس كنت اقول ياغبية
ولما اجلس لوحدي افكر باللي سويته او قلته لهم احس بتأنيب ضمير
وكيف انه من العبارات اللي يسمعها الطفل تتشكل شخصيته
والعقل اللاواعي ما يكذب الابوين و بصراحة تركتها و احاول استبدلها ب تعالي نشوف مع بعض ليه ما عرفتيه و لا مالقيتيه يعني صرت اشاركها واوضح لها السبب

( سأخبر والدك عندما يعود )

هذي استخدمها صحيح لكن ابدا مو بعقاب و لا تهديد بالعكس تحفيز لخم بالذات لما تحافظ الكبيرة على صلاتها
وماشاء الله ابوهم من النوع اللي يحب يعزز الايجابيات
مثلا
الكبيرة بدت تصلي الصلوات كلها وقلت لها لما يجي بابا اقوله فرحت
وفعلا لما قلت له ناداها فين بنتي اللي تحافظ على صلاتها وجاب لها هدية شرشف صلاة و سجادة فلة وماشاء الله الحين نادر ما تفوت الصلاة

( لم أعد احبك )

الحمد لله مسحتها من قاموسي من زمان و السبب بعد الله كتاب الاطفال المزعجون وصرت اقولهم انا ما احب الكذب ما احب الازعاج يعني اكره السلوك مو الشخص
انا اقرأ الكثير من الكتب في التربية و الحمد\ لله سلوكي معاهم بدأ يتغير و الدورة هذي ماشاء الله زادتني و فادتني لان الكتاب ما يتجاوب لكن الله يعطيك العافية ما قصرتي ياابلتي و تجار البنات برضه استفدت منها كثير

( فلان افضل منك )

والداي الحمد لله ماعودونا على هالكلمة وعارفين انه فيه فروقات فردية
وعمري ما قلتها لوحدة من بناتي من فضل ربي علي
لكن الكبيره كانت لما تشوف شي مع بنت عمتها تقول اش معنى اسيل اهلها يجيبوا لها و انا ماتشترولي
و جلست معاها بينت لها انه مو كل شي يشوفه الانسان يبغاه و اذا صبرت اكيد انه ربي بيعطيها بس ماتتعلم تحسد و كنت خايفه انها تحقد او تحز بخاطرها او حتى تشيل على بنت عمتها
بس الحمد لله كله بالحوار و الكلام اقتنعت الحمد لله وصارت لما تشوف شي تقولي ياماما هذا احتاجه؟ ولا ممكن فيه شي احتاجه اكثر بس لازم اعوضها
ما ادري ان كان كذا صح و لا خطأ

( مازلت صغيرا )

هذذي الكلمة اقولها لبنتي عمرها 4 سنوات لما شافت ان سن اختها اتقلع و طلع لها سن جديد صارت تبغى تقلع سنها باي طريقة
و اقول لها لما تروحين سنه اولى

امتنعي عن ترديد عبارة ( اجلس ) ( اصمت )

كلمة اجلسي عاقله دايما نرددها لما نكون ببيت اهل زوجي
اسكتي <<استبدلتها بكلمة انا احب الهدوء او كلمة هدوء و الوضع يتعدل

احذري عبارة ( انت طفل فاشل
مسحتها من قاموسي هذي الكلمة مع كلمة ياغبية لاني ابغاهم ناجحين و اذكياء
وحتى لما وحدة منهم تيأس و تعصب على شي اقولها لا حاولي مرة ثانية وثالثة لحد مانوصل للي نبغاه

لا تتبعي إسلوب التخويف :
انا ما اخوف اهدد بس اني لوجيتهم يعرفون النتيجة

تجنبي عبارة : ( يجب ان تكون الاول دوما

بصراحة كل ام تتمنى طفلها يكون الافضل وفعلا هالعبارة تسبب للطفل احباط
بس التشجيع ضروري
بنتي اتبع معاها اسلوب ان شاء الله يكون صحيح
هي ما شاء الله عليها مميزة و متفوقه و ذكية
وكل ما جلسنا انا و ياها نذاكر مع بعض غالبا اقولها هذي بنتي الممتازة هذي المميزة <<تحب هالكلمة حتى نفسيتها تتغير يوم تسمعها
نتيجتها كانت الحمد لله تمام و كانت هي الطالبة المثالية في المدرسة

الاسبوع الاضي كان اسبوع حافل بالنسبة لهم
سافرنا يوم الاربعا ء و جدة غيبت الكبيرة من المدرسة
اخذتهم المول
لعبوا اشتروا كل اللي طلبوه مني باستثناء الالعاب لاننا اتفقنا انه مافيه العاب احنا جايين نلعب و نشتري اشياء ناقصتنا
وبعدها رحنا مكة لبيت خالهم
وزرنا الحرم اخذهم ابوهم مسكوا الكعبة زي ما طلبوا وكان ماشاء الله عليه مطبق لدروس الدورة بحذافيرها اشرح له و يطبق و انا اطبق بنسبة 50%
مسكت تنفسي حتى ما اخرب عليهم فرحتهم
ومن فترة كانوا يشوفوا الالعاب التعليمية في سبيستون و هم عندهم رغبة يتعلمةا لغة انجليزية من بعد ما جينا من اوروبا يشوفونا انا و ابوهم نتكلم مع الناس انجليزي و هم كل شوية ماما اش قلتي و صار عندهم هدف انهم يتعلموا اللغة
المهم
راح ابوهم سبيستونات و اشترى لهم الاشياء اللي تعجبهم كلها بدون ما ياخذهم و بدون علمهم
لما وصلنا بيتنا جاب الاكياس و ناداهم
تفاجؤا و فرحوا
الاسبوع هذا اسبوع ذهبي بحياتهم و ان شاء الله احاول امسك نفسي قد ما اقدر <<لا تلوميني حامل في الشهر الثامن و اعصابي الله المستعان يادوب اتحمل نفسي
بس الصوت العالي بدأ ينخفض شيئا فشيئا الاوامر بدت تخف وصار اكثر كلامنا حوار ومناقشات
وكله بفضلك بعد الله

الحمدالله من يوم الخميس وانا وبنتي في حاله انسجام الله يديمها والحمدالله لقيت حل للتصرفات الي تعملها تقهرني وبالهدايا حتى لها الان يومين مااعملتها وهذا بحد ذاته انجاز اللهم لك الحمد بس باقي الصغيره و*****الله تصير مثل اختها


عمر بنتي 4 وشهرين
انا الحمدالله مااضرب بوحشيه لكن مشكلتي الكلام الجارح ومااضمها كثير
كلمه مااحبك تقولها لي اذا ضربتها لكن ماتقولها لابوها
و*****الله احاول اسيطر على اعصابي

الحمدالله على سلامتك والله يعوضك *****الله