تفضلي بطلب وصف اي موقع تريدين وسوف نساعدك بإذن الله

حلويات شوكولاته جوي هذي بشمال الرياض (شارع الثلاثين شارع الأمير سلطان ) نفس الشارع اللي عند الفيصليه

مايا تشوكليت في شارع التحليه (شارع الامير محمد بن عبدالعزيز قرب مطعم كوبر شندني الهندي) شمال الرياض حي السليمانيه

لمسة العنود : يقع في حي الخليج شرق الرياض _ شارع سلمان الفارسي

اذا جيتي من طريق خريص تدخلين مع شارع سلمان الفارسي وبعد الاشاره الثالثه يكون على اليمين

اعرف اللي في الشفاء

من شارع الشفاء العام ناحية بنده والعثيم ادخلي مع شارع ابي تمام وامشي سيدا اول اشاره اتركيها وثاني اشاره اعتقد (شارع الجريسي ) ادخلي على يدك اليسار وامشي لحد مايقابلك شارع رئيسي ابي سلمى او ابي سلمه المهم لفي عليه يمينك واول شارع على يسارك ادخلي معه امشي عليه وبتحصلين مركز الاشراف التربوي
هذا اللي اعرفه

اما الفرع حق وسط الرياض فهو في حي المربع عند الجوزات قرب وزارة الداخليه طريق الملك فهد

جزاك الله خير ..

لكن انا قالوا لي ان فيه توجيه بحي الخالديه بجنوب الرياض...؟؟؟

وهذا اللي انا ابي وصفه

فيه قرب حي الخالديه حي الوشام تبع غرب الرياض

انتي جايه من طريق الملك فهد امشي لحد مايجيك شارع الخزان(شارع الامام فيصل بن تركي ) ادخلي معه باتجاه الغرب امشي على شارع الخزان الى ان يجيك اول شارع رئيسي شارع الامام عبدلعزيز بن محمد بن سعود من عند المحطه لفي يمين عليه وثاني شارع ادخلي معه (شارع حكيم بن خزام) شاعر صغير وبيكو المكتب على يمينك

السلام عليكم ورحمة الله وبركاته
يعطيك العافية اختي
لو سمحتي ممكن وصف اسكان المعذر علما باني جاية من الشمال


تحياتي