يوميات بدون خادمه

والله احسلج يا اختي .. احنا خدامتنا سافرت وغصب علي قمت اشتغل وبصراحه شغل البيت حلو
وتحسين براحه اكثر من تنظيف وشغل الخدامه لانه شي انتي مسويته وطبعا شغلج يفرق عنها ..
اقولج بصراحه اذا كنتي مو موظفه حيل راح تسهل عليج العمليه وبما ان شقتج صغيرة احسن لج.
بس مشكلتج ان عيالج صغار حيل .. بس ممكن اقولج شغله
خلي ولدج اللي عمرة سنتين الله يخليه لج .. يساعدج صحيح انه ما يقدر بس عشان تلهينه شوي مثال حطلية سله الملابس المغسوله وخليه يرتبهم منها تنمين شخصيته انه يعتمد على نفسه ومنها تفتكين من حركتة وسويله قصه وفلم ان هو مساعدج حيل .. وامدحيه

وبنتج خليها في سريرها شوي .. والله شغل البيت جدا حلو

ولو غسالتج هي اللي تغسل وتنشف يعني قطي فيها الهدوم ونظفي البيت وترجعين تلقينهم خالصين وبعدين عالغدا .. وان شاءالله تيسر امورج ..

بالتوفيق

مكرر

السلام عليكم أختي
أنا تقريبا نفس حكايتك مع إختلاف الأعمار شوية ولدي الأول سنتين و سبعة شهور و الثاني سنة و ما شاء الله كلهم متعبين و حركين و طلباتهم ما تخلص:)
بالنسبة لشغل البييت أسويه بشكل خفيف و سريع يعني مسح و كنيس للأماكن اللي تحتاج بس خاصة الصالة محل جلستنا اليومية و الحمامات الله يكرمك كل يومين و المجلس و حمام الضيوف يكون مقفل دايما ممنوع أحد يدخلهم و الغسيل مرتين في الأسبوع مرة الملون و مرة الأبيض و معظم الأشياء ما أكويها لأن النشافة تطلعها مقبولة بس أكوي اللي يحتاج من ملابس الطلعات و الثياب و الغتر الصراحة أغسلها و اوديها المغسلة مرة واحد يكوها كلها و يريحوني لأني ما أحب اكويها مرة
أما الطبخ معودة أولادي ينامو شوية العصر ووقتها اطبخ و يتنوع الطبخ يعني مو كل يوم رز و كبسات لا أيام اشياء خفيفة و سريعة و الويك إند من برا أو نطلع

والأولاد من يوم يكمل الواحد ستة شهور اطلعه غرفة لحاله علشان يتعود ينام لوحده و ينامو أيام الأسبوع على 10
و كل يوم أربعاء اجيب من الشغالات اللي بالساعة تنظف البيت تنظيف شامل و تسوي الأشغال اللي ما احبها و هي تنظيف الثلاجة و الفرن و ترتيب دولايب المطبخ و غيره

شوفي حبيبتي انا ما عندي شغاله من اصله و اعمل بوظيفه و باحكيلك عن حياتي كيف امشيها و عندي طفلين الله يحميهم و يخليهم الي قولو آآآآآآآآآآآآآآآآمين
بعد العوده من عملي و طبعا الولاد اكون مريت ع الحضانه جبتهم معي ابدا اسخن الاكل و اكلهم لانهم بيكونوا جوعانين
انا اعمل الاكل بالاسبوع باجهزه يوم العطله و اولادي بيكونوا معي بالمطبخ شويه يلعبوا شويه يبكوا و احيانا الصغير سنتين يريحني و ينام المهم ان الاكل لازم يتعمل يوم العطله
اما عن الغسيل فهو اتركه طول الاسبوع ليوم العطله يعني مره بالاسبوع و خلص
و الكوي ما احبه ارسل للدراي كلين اللي محتاج كوي
و التنظيف شوي شوي علي قد ما بقدر بيتي صغير اهم شئ عندي انه يكون مرتب دايما
اما عن العلاقه الرومانسيه و العاطفيه مع الامووووووووووور زوجي بتكون بعد ما الاولاد يناموا و كله تمام احنا بنشتغل
و اريد ابشرك اني انام مع الاولاد للحين بغرفتهم ماسكين فيه باديهم و اسنانهم

الله يوفقك و كله بيمشي و بيعدي