شاركي في النقاش

سجلي الدخول لإضافة تعليق.

التعليقات

14
  1. @gna_alghamdy

    انصحك اختي احتويها اول ماتجي خليك طيبه معاها صدقيني هي الان خايفه اكثر منك لانها بتتغرب عن اهلها وعاداتها
    خليك مثل اختها علشان تكسبي اجر عمك واجرها ها الغريبه
  2. @aamry_symo

    في عندنا واحد شايب تزوج هنديه انا للحين ما شافتها بس امي وحريم اخواني دايم يشوفوها يقولوا مرررره طيبه وصارت تسير معاهم في البيوت وخلفت ماشاء الله عيال ومبسوطه وعقبالك يارب تجيك وحده عسل وتعيشوا بسلام
  3. @rhab15

    طيب اذ كاسر خاطره ليش ماشفتو له من نفس جنسيتكم حرمه تكون ب40 مطلقه او ماتزوجت ياكثر البنات الي مستعدات ويبون الستر اذ اخذ هنديه ولا اجنيبه يختى صعبه الغربه بتصير كل بعد فتره رايحه لاهلها وابو زوجك رجل كبير بيوديها اول سنتين بعدين خلاص بيصير من مسؤلياتكم تودونها وتجيبونها لكن لو كانت من اهل البلد احس اسهل والله يوفقه
  4. @bnt_almshaykhy

    صاحبة الموضوع
    رحاب15
    طيب اذ كاسر خاطره ليش ماشفتو له من نفس جنسيتكم حرمه تكون ب40 مطلقه او ماتزوجت ياكثر البنات الي مستعدات ويبون الستر اذ اخذ هنديه ولا اجنيبه يختى صعبه الغربه بتصير كل بعد فتره رايحه لاهلها وابو زوجك رجل كبير بيوديها اول سنتين بعدين خلاص بيص…
    مشكورات الف شكر ع الردود
    بالنسبه لعمي متشرط مايبي وحده كبيره مايبي اكبر من 35 سنه ومستحيل وحده صغيره تتزوجه لان هنا البنات متشرطات مايبن كبير وهذا من حقهن هو على طول فكر فاليمن والهند بس للاسف اليمن عندهم الحين مظاهرات لذلك راح الهند الله يرده بالسلامه

تابعي تجارب أخرى من هذا القسم.