السلام عليكم و رحمة الله و بركاته ..
أختي أتحدى العالم ..
هلا يا قمر .. كيف حالك ؟؟
الله يبارك فيكي :26:
تحياتي ..
جــــــــداويــــــــــــة
عرايس جدة فقط ( تجهيز + فضفضة ) تعالو نكمل :)
متابعة النقاش، صفحة 8
شاركي في النقاش
سجلي الدخول لإضافة تعليق.
التعليقات
243- السلام عليكم و رحمة الله و بركاته ..
أختي سلافة2120 ..
هلا يا قمر كيف حالك ؟؟
ماشاء الله تبارك الله عالطقم حقك ..
تقطعيه بعرق العافية إن شاء الله :icon28:
بالنسبة لحرقان العيون شكله عندك حساسية ..
لأنه أنا زي كدة .. حتى ما أقدر ألبس العدسات زي الناس :(
و أحيانا لمن أحط كحل يجيني صداع فظيع أعوذ بالله
أسير ما أقدر أفتح عيوني كله من حساسية العين !!
فأحسن شي روحي لدكتور عيون شاطر و خليه يشوف لك حل
و يعطيكي قطرة أو مرهم عالأقل تبدأي تستعمليها من دحين
و تخفف لك الحساسية و تروق لك عيونك ..
أو روحي شوفي أيش المشكلة ؟؟
خلاص روحي قضي من السوبرماركت يختي :23:
و فيه مناديل مزيلة للمكياج أحسن من مناديل الأطفال !!
لأنه مناديل الأطفال معطرة كيف تمسحي بيها وجهك و عيونك !!
يمكن عشان كدة عيونك تحرقك :09:
طيب ما روحتي شوفتي المناديل إللي عند فيسز إللي
قلت لكم عنها ؟؟
تحياتي ..
جــــــــداويــــــــــــة - السلام عليكم و رحمة الله و بركاته ..
أختي فاتنه الوجود ..
هلا يا قمر .. كيف حالك ..
يلا حصل خير يا قمر :)
بس هم ما حذفو الموضوع .. هم قفلوه لأنه صفحاته
أتعدت الـ 20 صفحة و دا الشي مخالف لقوانين القسم ..
زي ما كتبت في بداية الموضوع :)
بالنسبة لموضوعك ..
إنتي فصلتي الكلام .. عشان كدة حسبت إنه
القمصان في محل تاني غير إيتام :)
تحياتي ..
جــــــــداويــــــــــــة - السلام عليكم و رحمة الله و بركاته ..
أختي رتروته ..
هلا بيكي معانا يا قمر ..
و ياريت تعطينا أفكار حلوة ؟؟
:)
لأننا من الموضوع الأولاني و إحنا حايسين
و بندور على أفكار للدبش ..
و نبغا أفكار تبين الدبش فخم و مرتب و كتير :)
يعني من الآخر يطلع شي وجاهة و يبيض الوجه
و يرفع الراس و يسكت كل من يبغا يهرج :)
تحياتي ..
جــــــــداويــــــــــــة - السلام عليكم و رحمة الله و بركاته ..
أختي haney ..
هلا بيكي معانا يا قمر ..
و أنا سمعت عن الشيخة و عن أميرة و أروى بالذات ..
و شوفت صاحبتي في ملكتها شكلها يجنن ..
و مدحـو لي أميرة و تسريحاتها و طلعوها السماء ..
و بعدين روحت لهم و ياريتني ما روحت !!
الصالون أساسا ما عجبني يدوخ زي بيت جحا !!
و ما عندهم تنسيق في المواعيد بالمرة ..
المفروض موعدي الساعة 5 العصر ..
و لطعوني من الظهر عندهم ( قالو لو جيتي بدري تخلصي
بدري :09: ) و حرقو دمي و أعصابي ..
و آخرتها خلوني ألين ما قربت الساعة تسير 10 الليل
و قالولي أروى ما راح تسوي لك مكياج !!
و لا إراديا جلست أبكي :icon33:
و أسبسب فيهم :angry2: !!
>> خلاص طلع حرق الدم حق الجلسة من الظهر +
الطفش + شر النوم + نرفزة الإتصالات كل شوية
خلصتو خلصتو؟؟ و الوقت أتأخر !!
و بعدين وحدة راحت أشتكت للمسؤولة و خلو أروى
تمكيجني .. و مكيجتني بسرعة و هي تتنفخ و أخلاقها
في خشمها و كانت جالسة تبكي هي كمان !!
و حطت لي الأساس فااااتح كأني ضاربة وجهي بوية !!
مرة مافي تناسق في الألوان !!
و بعدين أميرة سوت لي شعري ( أقل من العادي بكتيييير ) !!
و طلع شكلي زي إللي في السيرك !!
و ما طلعت من عندهم غير أنصاص الليالي و آخر الناس
و قيد كل الموظفات مشيو وما بقي غير كم وحدة مع أميرة !!
و طلع شكلي يومها زي المهرجين و لا إللي رايحين
حفلات تنكرية !!
و المشكلة كان يومها فرح مرة كبير و مهم بالنسبة لي :06:
حتى صاحبتي إللي سوت عندها في ملكتها قالت لي أيشبه
شكلك كدة ؟؟
قلت لها هادي الشيخة حقتكم إللي فرحانين لي بيها :09:
حتى وحدة تعرف أروى قالت لي أبدا مو معقول أروى
كدة شغلها !! أيشبه شكلك كدة !!
حطموني بالمرة :44:
و جلست أصلح فيه عشان يتعدل منظري :(
حتى ماما قالت لي هديك إللي روحتي لها هداك اليوم
لا عاد تروحي لها شغلها مو طيب !!
و من بعدها ما حطيت رجلي عندها و لا فكرت فيها !!
كانت أول و آخر مرة !!
>>>> زي نظام و قربعة ريما على مستوى أقـل !!
أنا بأتكلم عن تجربتي و رأيي الشخصي !!
و إنتو بكيفكم روحو و شوفو شغلهم يمكن يعجبكم ..
عشان لا تقولو بأقطع رزق الناس !!
و أعتقد أروى راحت فتحت لنفسها صالون لحالها بإسمها ..
سبحانك اللهم و بحمدك .. لا إله إلا أنت ..
أستغفرك و أتوب إليك ..
تحياتي ..
جــــــــداويــــــــــــة
مواضيع مشابهة
تابعي تجارب أخرى من هذا القسم.