للمتزوجات فقط

حبيباتي المتزوجات
لي ثلاث اسابيع متزوجه وتوني جايه من رحله العسل
ابغى نصايحكم ارجوكم لاتبخلون علي بالنسبه لزوجي0 لاهله 0للبيت0 اي شي اي شي
تكفووووووووووووووووووون انا حديثه عهد بالزواج
لاتفشلووووووووووووني ناصيتكم 0

13 تعليق 1,314 مشاهدة

شاركي في النقاش

سجلي الدخول لإضافة تعليق.

التعليقات

13
  1. @mdaoy_3

    اول شي الله يوفقك ثاني شي خلك على طبيعتك مع زوجك واهله لان بعض البنات يتصنعون ثالثا خلك سنعه سم وامر ولاتخلينه يمسك عليك زله ولا اهلك ورتبي البيت اذا طلع وصلحي له كل شوي نوع جديد من الاكل والحلى ترى الرجال يقدرونه وتفنني في التقديم وخلي شكلك مرتب مو تلبسين قمصان وخرابيط بناطيل واشياء حلوه خليه يتحسف على ايام العزوبيه ودايما حطي ميك اب وتعطري ونصيحه (طيبي البيت بالدخون لانه يجدد النفس )والفواحه لاتطفى دايما ولعيها .وطبعا ملابسه دايما اعتني فيها خليها دايما نظيفه وامسكي له الروب اذا جا يطلع من الحمام وعطري السرير
    والناحيه الثانيه خلك حليوه مع اهل زوجك لانهم بيصيرون مثل اهلك واهم شي امه وابوه لان حرام اهم يربون واحنا ناخذ واللي مافيه خير لاهله مافيه خير لعياله ووخالتك اذا كبيره حبي راسها كل يوم وكل فتره وفتره جيبي لها هديه لو بسيطه عطر او طرحه او اي شي بس من باب تأليف القلوب واذا تضايقتي من شي لاترديناسكتي واجلسي شوي وقومي واحتسبي الاجر من الله

    والله يسعدك دنيا واخره وهذي ترى نصيحة اخت لاختها
  2. السلام عليكم ورحمة الله وبركاته
    هلا باختي الغاليه ام ركوني
    الله يوفقك ويبارك لكم ويوفقكم
    انا توني ماتزوجت بس خبره(هذي معجبه بنفسها )
    بالنسبه لزوجك لا تثقلين عليه بالطلبات اذا كان دخله بسيط
    لاتزعلين على اي شئ حاولي تكونين متسامحه قدر الامكان
    اهتمي بنفسك بشكل عام (نظافتك ملابسك مكياجك شعرك) والاهم الاخلاق
    اذا صحيتيه من النوم خليك مبتسمه
    وهو في الدوام ارسلي له مسج حلو
    واذا رد من الدوام استقبليه استقبال حار بحيث ما يكون ممل
    اما اهله
    فالله الله بامه ترى سعادة الزوج من سعادة امه عامليها مثل ما تعاملين امك توددي لها ومثل ما قالت الاخت مضاوي اهديها لان الهدايا تصفي القلوب
    واما خواته فعامليهم بكل احترام وطيبه
    تكسبين حب الجميع
    اسفه على الاطاله وان شاء الله اكون افدتك
  3. @dmaa_sfr

    ميمو الفيلسوفة
    السلام عليكم ورحمة الله وبركاته هلا باختي الغاليه ام ركوني الله يوفقك ويبارك لكم ويوفقكم انا توني ماتزوجت بس خبره(هذي معجبه بنفسها ) بالنسبه لزوجك لا تثقلين عليه بالطلبات اذا كان دخله بسيط لاتزعلين على اي شئ حاولي تكونين متسامحه قدر الامكا…
  4. @alraghb_fy_alkhyr

    باختصار
    عاملي أمه مثل أمك وإذا تضايقتي من تصرف صدر منها تخيلها أمك وأنك ما تزعلين عليها
    ديري بالك تقولين لزوجك أمك أمك قالت خواتك قالو وأهلك سوو هم أهله ولكن مايقدر يمشيهم على كيفه علشان خاطرك
    أحسني لهم أخدميهم بعيونك كلميهم زين أسألي عنهم وقومي بالواجب
    خلك خفيفة نفس القومة والخدمة سريعة وتفهمينها وهي طايرة
    لاتسألين عن أشياء تخصهم
    لاتنسين أم زوجك من الهدايا ولو بسيطة
    زوجك أحترميه قدريه أرحميه لاتتكلفين بالمعالمة عامليه ببساطة
    أمدحي أهل زوجك قدام زوجك وخلي كلامك يكون صدق مومجاملة
    لاتتكلمين عن أهل زوجك وتسبيهم قدام أهلك لأن ذلك راح ينعكس سلبا على أولادك
    لاتنقلين صورة طبق الأصل من حياتك عند أهلك أو صديقاتك
    سدي أذنك عن المقارنات ولاتسمعين كلام أحد غير الناصحين لك حتى لوكانت أمك لأن بعض الأمهات تحرض البنت على زوجها فخذي الحذر
    عليك بالدعاء أولا وأخيرا
    النظافة النظافة في نفسك في طبخك وفي بيتك
    ولك جزيل الشكر أن سمحتي لي بأسداء الرأي لك

تابعي تجارب أخرى من هذا القسم.