زوجي ظلمني

أنا ماابغى شئ بس أبغئ أعرف اللي سويته صح ولا لا وكيف ممكن اتصرف البارح كنت أنا مع زوجي في السوبر ماركت وهو يسحب العربيه كان ماسك جهازه الجوال وكان نص جهازه البلاك بيري طالع وكان يسولف طبعا في البيبي تفاجات مكتوب كلمة أحبك والله العظيم اني من شفت الكلمه وجسمي يرحف رجف مو طبيعي المهم زين مني اني مسكت لساني في السوبر ماركت وكان يقولي شوفي هذا اللي انتي تحبينه وكل من شاف شئ أنا أحبه اشر عليه المهم أول ماركبنا السياره قلت له الله يغطيك العافيه المهم شوي وقلت له يافلان أنا مقصره معاك بشئ قال إيش مناسبة هالسوال قلت بس كذا طرأ على بالي قالي لا مأمنك قصور قلت له أتكلم جد قال والله مأمنك قصور قلت له ليش طيب تكلم غيري قالي متى وأقوله السالفه كلها تدرون إيش قالي قال مين اللي كاتب أنا ولاهي قلت له انت قالي مو من حقك تناطرين في جوالي وماابغئ أسمع منك ولا كلمه وانك تبغين المشاكل وتدورين عليها
المهم سكت لما وصلنا البيت ورجعت فتحت الموضوع معاه بعد مارتبت الأغراض وقالي دام انك قريتي كلمة أحبك يعني أكيد حبيبتي. وقلت له وأنا وين رحت قالي انتي تبغيني كذا ولا هذا بيت أهلك موجود قالي لو انتي تسوين اللي أنا سويته والله ماتجلسين عندي دقيقه وحده قلت له لأنك واثق اني مستحيل اسوي كذا المهم كلمه مني وكلمه منه قالي لواسمع صوتك بضربك وأنا بصراحه بخاطري كلام كثير قلت له لو قلت لك ودني بيت أهلي واسألوني أهلي إيش فيك أقولهم انك تخوني والله ياضربني ضرب لدرجة حتى النوم ماقدرت أنام بس مع كل هذا اللي صار لي مابكيت من صدمتي المهم سحبت نفسي من
قدامه ودخلت غرفتي وتوضيت وصليت ركعتين ودعيت يارب إذا كان ظالمني يجي يترجاني أسامحه وتخيلوا نمت وصحيت وجهزت غداه وماطاوغني قلبي ازعل عليه يوم رحت بشوفه إلا دخل الغرفه وقفل عليه الباب لأنه هو كان نايم في الصاله وأنا في
الغرفه وخليته لما صحا تخيلوا أسأله تبغاني احط لك أكل الحين صفطني وطلع من البيت تخيلوا رغم انه هو اللي غلطان زعلان مني تدرون عاد مو أول تصير لي الخيانه بس اللي مصبرني ان الله مارزقني بالذريه لي تسع سنوات وماتخلى عني فيها فكيف أنا اتخلى عنه الحين وغير كذا خائفه انه عشان حركتي اني واجهته يفكر يتزوج علي وربي خائفه وماني عارفه كيف اتصرف نصحوني تكفون