ملف -قلة التركيز وفرط الحركه....الى كل ام تعاني من هذه الاعراض عند طفلها يفتح ملف ‏

متابعة النقاش، صفحة 105

شاركي في النقاش

سجلي الدخول لإضافة تعليق.

التعليقات

1,720
  1. @mozh24

    اختي ام فووواز وسارة يا هلا ومرحبا

    بخصوص ام فواز ان شاء تستفيدين من الاخوات بخصوص الادوية لاني انا ما استعملها محد صرفها لي اما النطق كثري من التدريبات على النطق وتكوين جمل واذ ا محتجة اخصاىي جيبيلها في البيت ولو ساعه في اليوم وحياج بينا تستفيدين اكثر ان شاء الله


    سارة حبيبتي ما عليه شر ان شاء الله ولدج واتشوفينه احلى معرس بس قولي لنا كم عمره واشكثر كلماتها وعنده جمل والا لا ويتواصل والا لا
    بخصوص الاردن انا اغلب اللي اعرفهم يمدحون دكاتره لعلاج التوحد ممتازين وعندهم خبرة وخلفية اما فرط الحركه ما ادري
    المهم دخلتيه روضه لانها اتحسن النطق واتخليهم يجمعون كلمات كثيرة مه اختلاطهم بالاطفال

    اهم شي حبيبتي شيكت على السمع يلتفت على الصوت الواطي الخفيف

    اما بخصوص مستشفيات الرياض الخوات بيفدونج ان شاء الله


    صلاتي انا ببدا معاج استغفار بنية تيسير امورنا يارب
















    آآآمين
  2. @ayaly_ngd

    ساره وعليكم السلام كم عمر ولدك الله يشفيه ورابيه اعتقد انها في جده ماني متاكده اذا كنتي من الرياض فيه الدكتور عمر المديفر و صالح الشبل في مستشفى الحرس الوطني ان شاء الله سكر تفيدك عن رابيه هي كم مره تذكرها بس انتي من اي مدينه علشان البنات يساعدونك وهلا بك
  3. ولدي عمره ست سنوات وفاتحه له ملف في مدينة الملك فهد الطبيه بالرياض ..صار لي ثلاث سنوات اراجع فيه ..والحمدلله على كل حال ..

    ينطق ببعض الكلمات واذا زعل من حاجه يتكلم بس مدري وش يقول ويشكي لي وياشر على الشي اللي مزعله بس ماافهم وش يبغى ..

    دخلته مركز اعاقه مع اطفال توحديين لانه برضو عنده سمات توحد ..وله الحين سنتين لكن للاسف مافيه اي تحسن او فائده الا اللهم انتظام النوم عنده ...

    جت له قبل سنتين تشنجات وتنوم في مدينة الملك فهد وشخصو حالته شحنات كهربائيه وياخذ الان علاج اسمه الكيبرا للشحنات ...

    فكرت بالحجامه لكن للان ماوديته ..

    رحت فيه مره واحده لشيخ يرقيه وكل مره بوديه يحدث امر من امور الحياة يمنعني من الذهابب ..سبحان الله

    تخطيطي اوديه للاردن بس مدري عن الاوضاع هناك ..وهل راح استفيد ام لا ..

    يعشق كثيرا توم وجيري وشون ذاشيب ..

    احيانا الرسبردال ماينفع معه واحيانا يهد حيله هد ...شي يحير ..


    للان ولدي يلبس الحفاظه حاولت انا والمركز اعوده على الحمام لكن فشلت وناويه هالفتره اعلمه والله يسهل الامر ان شاء الله



    انا موظفه وماخذه اجازه هالترم علشان اتفرغ لولدي ولتعليمه ..لاني حسيت ان المركز مانفعه ابد حتى معلم النطق ماعندهم ..


    فكرت اجيب له شغاله خاصه بس محتاره ممرضه والا مربيه ؟




    فرحت كثيييير لما شفت الملف لاني بحاااجه ماااسه لخبراتكم ومشوراتكم لاني حسيت انكم تعانون نفس معاناتي الله بعظم اجرنا جميعا ويشفى ابنائنا يااارب العالمين ..

تابعي تجارب أخرى من هذا القسم.