رقية بن جبرين وحلومي منو الفهيمة ربي يفرجها عليها

ذاك اليوم قريت وضوع لوحده الله يجزاها بالجنة بحاول أتذكره لأني ابيه:icon33:

حملت من موضوعها رقيه بن جبرين

وأحطها بجوالي

والبارح قمت أتقلب في فراشي ماجاني نوم مير قلت خليني أستفيد من هدوء الليل وأخشع مع الرقية وأشغلها والسماعات بأذوني والله حق تفكيري يشطح وينطح وسلموا لي ع الخشوع

الزبدة انو أنا قمت أسمعها كلها من زود الأرق حقت العين،والمس،السحر

(أنا 3 فسروا لي إني مسحورة وسحري في بر في مربض جمال بس عجزت أقتنع أحس لو فيني شي مايتعدى عين):icon33:

المهم وأنوم وأحلم إن جنبي قطوة بيضاء مربربة وقاعدة معي ناس ماأذكر مين وكأني مستنده وأطالع القطوة وكانت على مسند أو شي جنبي وقريبة من وجهي فقمت أمد يدي أتميلح عليها أحسها مثل القطاوة بترجع ورا إلا هي تعضني وملامحها شريرة وأظن صرخت ووخرت أصبعي والظاهر ماتبت كنت أفكر اطبطب عليها بس خفت تشوه وجهي وقمت من النوم..

وحلم ثاني بنفس اليوم إني أدورحمام وأنتوا بكرامة
وزوج أختي يناديني وقلت طيب على أساس بروح له
( معالعلم حنا محافظين ومانكلم غيرالمحارم ولا نقعدمعهم بس تخبرون الحلوم ايزي)
المهم وأدخل حمام فيه مغسله وأبي أستفرغ ماأدريأستفرغت
المهم لاحظت طرف المغسلة وسخ كأنه فيه أثار طين أو شي هيك رطب

وخرت عنها ومشيت حسيت الأرض كأنها من نفس الطين اللي قلت بس موطين صافي كأن فيها أشياءت مدري وشو
وبفتح الباب حسيت إني أنزل كل شوي لتحت يعني الأرض مو صلبةوخفت يبعد الباب عني وأظن طلعت..انتهى..

كل هالحلوم عقب سماعي للرقية


ما فهمت سالفة الحلم ومعناه ووش دخله بالرقية

هذا غير اليوم اللي قبل محلمة بشخص يقرب لي ودايم أحلم فيه ولا ودي أقرقر واجد

أنا مهتمة لأني حاسة إن فيني شي

أول شي دوم مفهية
وصايرة ماأركز وناسية بشكل موب طبيعي
متبلدة الإحساس منكل شي حولي لاعاد أحب ولا أحس بأحد
ثاني شي مشاكلي مع زوجي شيبت رأسي طفشت منه أحسه يهوش على كل شي ويعصب من أي شي وهو كذا خلقته بس بزود من تالي
هالشي أثر علي وعلى عيالي كرهناه وكرهنا جلسته

واللي بعد محسسني إنه ماعاد ينام معي إلا بالسنة مرة ماعاد يرغب هالشي إلا بالدف ولو سواه أي كلام مو مثل قبل يعني مافيه لمسات مداعبات وأعذروني والله ماحكيت من فراغ بس زاد الوضع عن حده فوق ال6 سنوات:06:

ماأدري فينا شي أو هذي خلقة الله

الله يبركم ويعطيكم وقفوا معي خلاص تعبت أبي أحد فاهم يساعدني ماأبي يروح باقي عمري على حسرة

14 تعليق 15,285 مشاهدة

شاركي في النقاش

سجلي الدخول لإضافة تعليق.

التعليقات

14
  1. @dym2

    الرؤيا ضعيها في قسم الأحلام فسرنها لكي انتم محتاجين رقيا أقرأي سورة البقره وتسبحي بالسدرانتي وزوجك
  2. @oayt_byoty

    الله يعينك ويفرج همك ويشفيك انه على كل شيء قدير

    لازم تستمرين على سورة البقرة والرقية لا تخلينها بأذنك خليها مشغله بصوت عالي شوي

    بالبيت كله ،الله يعينك يارب

تابعي تجارب أخرى من هذا القسم.