دعواتكم لاحفاد المختار فنحن والله في كرب عظيم + آخر الاخبار < تم دمج المواضيع

متابعة النقاش، صفحة 305

شاركي في النقاش

سجلي الدخول لإضافة تعليق.

التعليقات

1,716
  1. ليبية والراس عالي

    مصادرنا القنوات الاخبارية والصحف والمواقع الليبية

    ماجابوا شيء من عندهم

    والله قلوبنا مع اخواننا في ليبيا ونتمنى انو كل اللي شفناه وسمعناه كذب واشاعات

    والأخوات الليبيات معنا في المنتدى وأخبار أهاليهم عن طريقهم

    بس في كل الأحوال ربي يفكهم ويخلصهم من الطاغية القذافي على خير وبأقل خسارة أرواح
  2. @mlkh_bnkaby

    صاحبة الموضوع
    ليبية والراس عالى
    حسبى الله ونعم الوكيل فى كل وحدة تنشر خبر كاذب كفاكم بنات بالدات احنا المغتربات عيشتونا وجزيرتكم فى رعب وانهيار عصبى ومجازر وبالاخر لاطرابلس ولا تاجوراء فيهم مدابح والماء المسموم ببنغازى طلع اشاعات والاغتصاب اتقو الله خافو الله فى انفسكم …
    هدا الرد ليك ولا مش ليك ؟

    شفتي الخطاب والتهديد ولا سمعتي كلام تاني

    شفتي صور اللي ماتو في طرابلس ولا لا

    شفتي الولد الرضيع ولا ماشفتيش ولا بالك هدا الولد امه وبوه هما اللي قتلوه

    ولا مش ح تحسي الا اذا واحد من اقاربك بعيد الشر عليه قتله القدافي وأعوانه

    شوفي هلصور

    http://www.dd-sunnah.net/forum/showthread.php?t=119356


    وهذا كلام الغالية رواد واني معاها في كل كلمة أحني نبو الحرية ولا غير الحرية

  3. @am_alhloyn_11

    الان شاهدت مقطع صورته فتاه ليبيه مرسل الى الجزيره
    ظهر فيه جنود يلبسون لباس عسكري ازرق معهم اسلحه ويدخلون البيوت
    والفتاه تصرخ وتقول (ياكلاب _جايين يحرقونا)
    بالله تعليقك ياخت ليبيه والراس عالي
    مين ذول الجنود؟
    كان الله في عونك والله مقدر شعورك بس كيف نكذب اللي نشوفه
    والله انا نتألم من اجلكم


    ا
  4. @em_mohamed

    ليبية والراس عالى
    حسبى الله ونعم الوكيل فى كل وحدة تنشر خبر كاذب كفاكم بنات بالدات احنا المغتربات عيشتونا وجزيرتكم فى رعب وانهيار عصبى ومجازر وبالاخر لاطرابلس ولا تاجوراء فيهم مدابح والماء المسموم ببنغازى طلع اشاعات والاغتصاب اتقو الله خافو الله فى انفسكم …
    بنات معليش أعذروها هى مغتربه مثل اغلبنا هنا وبالها مشغول على أهلها ولما اتكلمهم هناك ما يحبوا يشغلوها عليهم وايضا هناك الناس خايفه ومرعوبه حتى من المكالمات التليفونيه ..

    يا ليته كذب وأشاعات ..
    أنا حاسه نفسى فى كابوس معش تم ...

    يا أختى اللى غادى فى طرابلس خايفين على حياتهم لان جتهم رسائل تهديد على نقالاتهم بعد ما عبوا لهم رصيد فى تليفوناتهم مجانى
    ليبيانا 10 دينار والمدار 20 دينار ليبيى
    وايضا المرتزقه منتشرين فى طرابلس بحذا الحياش والناس خايفه تحكى على التليفونات لانها وسيله مراقبه
    وكلنا نعرفوا أن خطوط الهواتف فى ليبيا مراقبه ومش حاجه جديده .

    أهلى فى بنغازى وعاصروا الاحداث وأخوتى الشباب شاركوا فى الثوره ونقلوا لى الاحداث عبر الهاتف
    بنغازى حتى اثناء وجود القصف فى الشوارع كانوا يحكوا عادى
    والله كنت نحكى مع الوالده على الهاتف وسمعت القصف بروحى معهم
    وهذه لم تكن المره الاولى فى بنغازى لانى فى أحداث بنغازى 1995 واحداث 1996 كنت فى بنغازى وكنت نشتغل فى مستشفى الجلاء وشفت القتلى وعالجتهم فى ذلك الوقت وايضا كان القصف فى الشوارع وقتها...ومع ذلك لما رحت لطرابلس ما سمعوا شيئ ولا يندروا على حاجه كأنها بلاد ثانيه ....رغم ان الحكايه طالت واحداث الاعتقالات وملاحقة الجماعات كانت تقريبا لمدة سنه كامله ...
    لأن الزعيم المتهاوى بارع فى تزييف الحقائق واخفائها ..وحتى الموتى كان يتم تغيير اسمائهم ويوضع لهم اسماء مزيفه حتى تضيع الحقيقه
    والله شهيد على ما اقول لانى رأيت ذلك بأم عينى وعملت تحت بنادق زبانية القردافى فى غرف العنايه المركزه لانقاذ المصابين الذين حاولوا ذلك الوقت أن يقولوا لا للزعيم ....
    والأن طبعا هو سمح للأعلاميين بالدخول وتم تنظيف المدينه من اثار القصف والتخلص من الجثث وبكرا الصور حتشوفوهن على السى ان ان طرابلس امنه وما فيها شيئ وما صار شيئ
    بس الخوف لما يطلعوا الاعلام منها وخصوصا طلعوا الرعايا الاجانب
    اللهم احفظ ليبيا كلها من بطش هذا المعتوه ..

    وبعدين سامحك الله شنو انعدوا لسيناريو عراقى ربى ما يكتبها علينا (ويتوحد العراق ويعود له الامن والامان ) يكفينا مأسى فى الامه العربيه طيب ما تصدقيناش ولا تصدقى كل المحطات العربيه والغربيه وكلنا عملاء للصهيونيه ومن المعارضه الليبيه فى الخارج بس الصور ايجن من الداخل ...
    هل شفتِ خطاب الزعيم المتهاوى ومن قبله خطاب أبنه المعتوه
    هم أكدوا على أنه يوجد فوضى وموتى وذكروا الارقام فى المؤتمر الصحفى الهزلى اللى عمله امين المؤتمر الشعبى العام على قناة القنفود وقالوا المحصله 103 طبعا بدون ما يترحموا على أرواح الشهداء وأيضاً أصدروا حكم بالاعدام على كل من عارضهم بناء على دستور ليبيا قبل انقلاب الفاتح رغم ان المفروض أول شخص يتم أعدامه هو الزعيم المتهاوى لأنه أول شخص أنقلب على الدستور الليبيى والأن يحاكم الشعب بنفس الدستور لكنه سيعدم الشعب ويحكم الارض ...
    وتهديداته فى نهاية خطابه وهو يكاد يقول أنا ربكم الأعلى وأنا المجد رغم نظرات الرعب فى عينيه لاتوحى بأن الامر أشاعات ..
    نسأل الله السلامه مما هو اااااات
    فى ليبيا ايقولوا هذا هبل وصايد عافيته (هبل واصحيح)
    يعنى ممكن أيدير أى حاجه (ما اتصدقينيش لانها اشاعه وأنا عميله للأمبرياليه والصهيونيه والرجعيه المتعفنه واندير فى مؤامره على بلادى وأهلى وخوتى )

    ملكه بنقابى
    الله يطمنا كلنا على احبابنا
    انا خوى فى الجيش وعمله فى الجهه الغربيه وما نندريش عليه اليوم شنو صاير فيه ؟بعد ما سمعنا ان فيه اشتباكات
    والخطوط معش طلعن لا فى الشرق ولا فى الغرب

    سلم يا رب

تابعي تجارب أخرى من هذا القسم.